தெலுங்கானா முதல்வர் சந்திரசேகர ராவை விட சிறப்பாக செயல்படும் தமிழக முதல்வர் எடப்பாடி பழனிசாமி
சென்னை: தெலுங்கானா முதல்வர் சந்திரசேகர ராவை விட தமிழக முதல்வர் சிறப்பாக செயல்படுவதாக ஐஏஎன்எஸ்- சி வோட்டர் கருத்து கணிப்பு தெரிவித்துள்ளது.
ஐஏஎன்எஸ்- சி வோட்டர் நாடு முழுவதும் 543 தொகுதிகளில் 30,000 பேரிடம் பல்வேறு அம்சங்களில் கருத்து கணிப்பு நடத்தியது. இதில் பிரதமர் பதவிக்கு மோடிதான் சரியான தேர்வு என பெரும்பான்மையோர் கருத்து தெரிவித்துள்ளனர்.
நாட்டின் சிறந்த முதல்வர்கள் வரிசையில் ஒடிஷா முதல்வர் நவீன் பட்நாயக் முதலிடம் பிடித்துள்ளார். மோசமான 10 மாநிலங்களின் முதல்வர்களில் 7 பேர் பாஜக ஆளும் மாநில முதல்வர்கள்.
மோடியை விட ராகுல் காந்திதான் பிரதமர் பதவிக்கு பெஸ்ட்.. தமிழகம், கேரள மக்கள் கருத்து
தமிழக முதல்வர் எடப்பாடி பழனிசாமிக்கு கடைசியில் இருந்து 5வது இடம் கிடைத்திருக்கிறது. தெலுங்கானா மாநில முதல்வர் சந்திரசேக ராவை விட எடப்பாடி பழனிசாமி சிறப்பாக செயல்படுகிறார் என்கிறது இந்த கருத்து கணிப்பு.
22 மாநிலங்களை ஒப்பிடுகையில் தமிழக முதல்வர் எடப்பாடி 19-வது இடத்தில் இருக்கிறார். அவருக்கு அடுத்ததாக தெலுங்கானா, பஞ்சாப், ஹரியானா, உத்தரகாண்ட் மாநில முதல்வர்கள் உள்ளனர்.