Just In

தமிழகத்தில் 110 தனியார் மருத்துவமனைகளில் கொரோனா சிகிச்சை.. தமிழக அரசு உத்தரவு

Published: Saturday, April 4, 2020, 16:01 [IST]

சென்னை: தமிழகத்தில் கொரோனா பரவல் அதிகரித்து வரும் நிலையில், 110 தனியார் மருத்துவமனைகளில் கொரோனா தொடர்பான சிகிச்சையைப் பெறலாம் என அரசின் சுகாதார நலத்துறை அமைச்சகம் அறிவித்துள்ளது.

Recommended Video

தடுப்பூசி போட்டா கொரோனா வராது | கொரோனா Hope | Quarantine | LockDown

இதுதொடர்பான அரசு உத்தரவும் பிறப்பிக்கப்பட்டுள்ளது. தற்போது அரசு மருத்துவமனைகளில் மட்டுமே கொரோனாவைரஸ் நோய்க்கு சிகிச்சை அளிக்கப்பட்டு வருகிறது. இந்த நிலையில் தனியார் மருத்துவமனைகளையும் இதில் ஈடுபடுத்த தமிழக அரசு முடிவு செய்துள்ளது.

TN govt allows 110 private hospitals to treat Coronoavirus patients

கொரோனாவைரஸ் பரவல் அதிகரித்து வருவதைக் கணக்கில் கொண்டு இந்த முடிவு எடுக்கப்பட்டுள்ளது. அதன்படி தனியார் மருத்துவமனைகளில் சிகிச்சை எடுத்துக் கொள்ள விரும்பும் நோயாளிகள் அரசு அங்கீகரித்துள்ள தனியார் மருத்துவமனைகளில் சிகிச்சை மேற்கொள்ளலாம். இங்கு தங்களது சொந்த செலவில் நோயாளிகள் சிகிச்சை பெற வேண்டும்.

அரசு நிர்ணயித்துள்ள சிகிச்சை முறைகளை இந்த தனியார் மருத்துவமனைகள் பின்பற்ற வேண்டும். தாங்கள் அளித்து வரும் சிகிச்சை, நோயாளிகள் குறித்த விவரத்தை தினசரி அறிக்கையாக தமிழக அரசின் பொது சுகாதாரம் மற்றும் தொற்றுநோய் மருத்துவ இயக்குநருக்கு அனுப்பி வைக்க வேண்டும் என்று உத்தரவிடப்பட்டுள்ளது.

தமிழக அரசு தற்போது அறிவித்துள்ள தனியார் மருத்துவமனைகள் குறித்த விவரத்தில் அவ்வப்போது தேவையான மாற்றங்கள் செய்யப்படும் என்றும் சுகாதாரத்துறை அறிவித்துள்ளது.

மாவட்ட வாரியாக தனியார் மருத்துவ கல்லூரிகள் விவரம்:

கோவை

கற்பகம் மருத்துவ அறிவியல் மற்றும் ஆய்வுக் கழக மருத்துவமனை, ஒத்தகல் மண்டபம்.
கேஎம்சிஎச் மருத்துவ அறிவியல் மற்றும் ஆய்வுக் கழக மருத்துவமனை, அவினாசி சாலை.
பிஎஸ்ஜி மருத்துவ அறிவியல் மற்றும் ஆய்வுக் கழக மருத்துவமனை, பீளமேடு.

காஞ்சிபுரம்/செங்கல்பட்டு

பாரத் மருத்துவக் கல்லூரி மருத்துவமனை, சேலையூர்.
செட்டிநாடு மருத்துவ ஆய்வுக் கழக மருத்துவமனை, கேளம்பாக்கம்
கற்பக விநாயகர் மருத்துவ அறிவியல் மற்றும் ஆய்வுக் கழக மருத்துவமனை, மதுராந்தகம்.
மாதா மருத்துவக் கல்லூரி ஆய்வுக் கழகம், கோவூர்.
மீனாட்சி மருத்துவக் கல்லூரி மருத்துவமனை மற்றும் ஆய்வுக் கழகம், ஏனாத்தூர்.
மேல்மருவத்தூர் ஆதி பராசக்தி மருத்துவக் கல்லூரி மற்றும் மருத்துவமனை.
பனிமலர் மருத்துவக் கல்லூரி மருத்துவமனை, பூந்தமல்லி.
சவீதா மருத்துவக் கல்லூரி மற்றும் மருத்துவமனை, தண்டலம்.
ஸ்ரீசத்ய சாய் மருத்துவக் கல்லூரி, ஆய்வுக் கழகம், அம்மாப்பேட்டை.
ஸ்ரீ பாலாஜி மருத்துவக் கல்லூரி மருத்துவமனை, குரோம்பேட்டை
ஸ்ரீ முத்துக்குரன் மருத்துவக் கல்லூரி மருத்துவமனை, மாங்காடு.
எஸ்ஆர்எம் மருத்துவக் கல்லூரி மருத்துவமனை மற்றும் ஆய்வுக் கழகம், காட்டாங்கொளத்தூர்.
தாகூர் மருத்துவக் கல்லூரி மற்றும் மருத்துவமனை, ரத்தினமங்கலம்