மக்கள் ஹேப்பி அண்ணாச்சி.. ஜன. 14 அரசு விடுமுறை.. பொங்கலையொட்டி 6 நாள் தொடர் விடுமுறை!
பொங்கல் பண்டிகையை முன்னிட்டு 14-ம் தேதி விடுமுறை அறிவிக்கப்பட்டுள்ளது.
சென்னை: தமிழக மக்களுக்கு செம ஜாலி நியூஸ் ஒன்று வெளியாகி உள்ளது. பொங்கலுக்காக ஜனவரி 14ம் தேதி அரசு விடுமுறையாக தமிழக அரசு அறிவித்துள்ளது. இதனால் 6 நாள் தொடர் விடுமுறை கிடைத்துள்ளது.
கடந்த புத்தாண்டு செவ்வாய்க்கிழமை வந்ததே... விடுமுறையே இல்லையே என்று பலர் ஏங்கினர். ஆனால் அந்த கவலையெல்லாம் போகும்படியான அறிவிப்பினைதான் அரசு அறிவித்துள்ளது.
ஏற்கனவே ஜனவரி 15, 16 மற்றும் 17 ஆகிய தேதிகளுக்கு விடுமுறை தினமாக அறிவிக்கப்பட்டிருந்தது. அதனால் 14-ம் தேதி அதாவது திங்கட்கிழமை விடுமுறை இல்லையே என பெருத்த சோகம் மக்களிடம் காணப்பட்டது. ஆனால் பொங்கல் பண்டிகையை முன்னிட்டு ஜனவரி 14-ம் தேதியும் அரசு விடுமுறையாக அறிவிக்கப்பட்டுள்ளது.
12-ம் தேதி சனிக்கிழமை, 13-ம்தேதி ஞாயிற்றுக்கிழமை வருகிறது. அப்படியென்றால், 12-ம் தேதி முதல் 17-ம் தேதி வியாழக் கிழமை வரை 6 நாட்களுக்கு தொடர் விடுமுறை கிடைத்துள்ளது.
ஆனால் ஜனவரி 14 விடுமுறையை ஈடு செய்யும் பொருட்டு பிப்ரவரி இரண்டாவது சனிகிழமை, 9ம் தேதி பணி நாளாக இருக்கும் என தெரிவிக்கப்பட்டுள்ளது. தொடர் லீவு அறிவிப்பு வெளியாகி உள்ளதால், மக்கள் பொங்க போகும் பொங்கலை எப்படி கொண்டாடுவது என பிளானை பக்காவாக செய்து வருகிறார்கள்.