அட.. சூப்பர்.. தமிழ்நாடு வெதர்மேன் கடைசியில் அந்த நல்ல செய்தியை சொல்லிவிட்டார் மக்களே!
தமிழகத்தில் பல பகுதிகளில் இந்த வாரம் நல்ல மழைக்கு வாய்ப்பு இருக்கிறது என்று தமிழ்நாடு வெதர்மேன் கணித்து இருக்கிறார்.
Recommended Video
சென்னை: தமிழகத்தில் பல பகுதிகளில் இந்த வாரம் நல்ல மழைக்கு வாய்ப்பு இருக்கிறது என்று தமிழ்நாடு வெதர்மேன் கணித்து இருக்கிறார்.
தமிழகத்தில் தற்போது மிக கடுமையான வெப்பநிலை நிலவி வருகிறது. பல இடங்களில் வெயில் வாட்டி எடுக்கிறது. சென்னையில் வெயில் மாலை வரை மிக மோசமாக வாட்டி வருகிறது.
ஒரு சில இடங்களில் 2 முதல் 3 டிகிரி செல்சியஸ் வரை இயல்பை விட அதிகமாக வெப்பநிலை நிலவி வருகிறது. ஏற்கனவே வேலூர் மாவட்டத்தில் கடந்த மாதம் 12-ந் தேதி 103 டிகிரி, அடுத்த நாள் 13-ந் தேதி 105 டிகிரி, 14-ந் தேதி 104 டிகிரி வெயில் என மிக மோசமாக இருந்துள்ளது.
இதே நிலை பல மாவட்டங்களில் நிலவியது. இந்த வருடம் மே 4ம் தேதி கத்திரி வெயில் தொடங்க உள்ளது. இந்த நிலையில்தான் தற்போது தமிழ்நாடு வெதர்மேன் நல்ல செய்தி ஒன்றை சொல்லி இருக்கிறார். அதன்படி தமிழகத்தில் பல பகுதிகளில் இந்த வாரம் நல்ல மழைக்கு வாய்ப்பு இருக்கிறது என்று தமிழ்நாடு வெதர்மேன் கணித்து இருக்கிறார்.
நிதின் கட்கரி பேசுகிறார்.. முதல்வரால் தடுக்க கூட முடியவில்லை.. மோசம்.. ஸ்டாலின் பாய்ச்சல்!
ஆனாலும் சென்னையில் மழை பெய்ய வாய்ப்பில்லை என்று கூறியுள்ளார். கன்னியாகுமரி, வேலூர், திருவண்ணாமலை, தருமபுரி, விருதுநகர், நீலகிரி, கிருஷ்ணகிரி, சேலம், திருநெல்வேலி ஆகிய இடங்களில் மழை பெய்யும். இந்த வாரம் இந்த பகுதிகளில் லேசானது முதல் மிதமான மழை வரை பெய்யும்.
ஆனால் சென்னையில் இந்த வாரமும் வெயில் அடிக்கவே வாய்ப்பு இருக்கிறது. மேற்கில் இருந்து வரும் காற்று தற்போது தமிழகத்தில் வீசும் காற்றுடன் மோதுவதால் இந்த மழை பெய்யும் என்று வெதர்மேன் கூறி இருக்கிறார்.