2018ல் இந்தியாவின் டாப் வைரல் யூ டியூப் வீடியோ எது தெரியுமா.. கலக்கிய முக்கிய புள்ளி!
2018ம் வருடத்தில் இந்தியாவில் வைரலான வீடியோக்களின் டாப் 10 பட்டியலை யூ டியூப் நிறுவனம் வெளியிட்டு இருக்கிறது.
சென்னை: 2018ம் வருடத்தில் இந்தியாவில் வைரலான வீடியோக்களின் டாப் 10 பட்டியலை யூ டியூப் நிறுவனம் வெளியிட்டு இருக்கிறது.
இந்தியாவில் எத்தனை நாட்கள் இந்த வீடியோக்கள் வைரலாக இருந்தது, எத்தனை நாள் டிரெண்டிங்கில் இருந்தது என்பதை வைத்து இந்த பட்டியல் தயார் செய்யப்பட்டுள்ளது. இதில் 8 வீடியோக்கள் இந்தி வீடியோக்கள் ஆகும்.
இரண்டு வீடியோக்கள் மட்டுமே தமிழ் வீடியோக்கள் ஆகும். வேறு தென்னிந்திய மொழி வீடியோக்கள் இதில் இடம்பிடிக்கவில்லை.
ரஜினி வீடியோ
இந்த லிஸ்டில் ஒரு சிறப்பம்சம் என்னவென்றால் இரண்டு இடங்களை ரஜினியின் படம் பிடித்து உள்ளது. வேறு யாரும் இதில் இரண்டு இடங்களை பெறவில்லை. இந்த லிஸ்டில் 4வது இடத்தில் ரஜினியின் 2.0 படத்தில் டீசர் உள்ளது. 10வது இடத்தில் காலா படத்தின் தமிழ் டீசர் உள்ளது. இந்த லிஸ்டில் உள்ள தமிழ் வீடியோக்கள் இந்த இரண்டு வீடியோக்கள் மட்டுமே ஆகும்.
இரண்டாவது இடத்தில் எது
இந்த லிஸ்டில் இரண்டாவது இடத்தில் தாரு பட்னம் என்ற இந்தி பாடலுக்கு டான்ஸ் குழு ஒன்று ஆடும் வீடியோ தேர்வாகி உள்ளது. ''டான்ஸ்பிட் லைவ்'' என்ற சேனல் இந்த வீடியோவை ஏற்றியுள்ளது. மூன்றாவது இடத்தில் சஞ்சய் தத் வாழ்க்கையை வைத்து உருவான சஞ்சு படத்தின் டீசர் தேர்வாகி உள்ளது.
முதல் இடம்
இந்த வருடம் இந்தியாவில் அதிகம் வைரலான வீடியோ என, இந்தி வீடியோ ஒன்று முதல் இடத்திற்கு தேர்வாகி உள்ளது. டெரி ஆக்யா கா என்ற பாடலுக்கு இளைஞர்கள் ஆடும் வீடியோ ஆகும் இது. அதே டான்ஸ்பிட் லைவ் சேனல் இந்த வீடியோவை ஏற்றியுள்ளது. இந்த வீடியோவை தற்போது வரை 110,769,241 பேர் பார்த்து இருக்கிறார்கள்.
முழு பட்டியல்
இந்த பட்டியலின்படி (வரிசையாக) டெரி ஆக்யா கா, தாரு பட்னம், சஞ்சு டீசர், 2.0 டீசர், ஸீரோ டீசர், பெஹன் பாய் கீ ஸ்கூல் லைப் வீடியோ, ஸும்பா ஆன் பாம் வீடியோ, தாஸ்தான் இ வீடியோ, காலா டீசர், கிரைம் சிட்டி வீடியோ ஆகியவை டிரெண்டில் இடம்பிடித்துள்ளது.