ஓட்டுக்கு ரூ. 6000 கொடுத்தும் ஆர்கே நகரில் எடப்பாடியால் ஜெயிக்க முடியலியே- டிடிவி தினகரன் கிண்டல்
சென்னை: வாக்குக்கு ரூ 6000 கொடுத்தும் ஆர்.கே. நகரில் எடப்பாடியால் ஜெயிக்க முடியவில்லை என்று எம்எல்ஏ தினகரன் தெரிவித்துள்ளார்.
சென்னையில் அசோக் நகரில் டிடிவி தினகரன், தனது ஆதரவாளர்களுடன் திடீர் ஆலோசனையில் ஈடுபட்டுள்ளார். அப்போது அவர் கூறுகையில் 18 எம்எல்ஏக்கள் தகுதி நீக்கம் குறித்த வழக்கில் எங்களுக்கு சாதகமாகவே தீர்ப்பு வரும்.
ஆர் கே நகரில் எந்த அடிப்படை வசதிகளும் செய்து தரப்படவில்லை. வாக்குக்கு தலா ரூ. 6000 கொடுத்தும் ஆர் கே நகரில் எடப்பாடியால் ஜெயிக்க முடியவில்லை.
எங்கள் ஆதரவாளர்களின் தொகுதிகளை எடப்பாடி அரசு புறக்கணிக்கிறது. விரைவில் எடப்பாடி புறக்கணிக்கும் தொகுதிகளில் போராட்டம் நடத்தப்படும். அதிமுகவின் 90 சதவீத பேர் எங்கள் பக்கம் உள்ளனர்.
கட்சியை கைப்பற்றுவதே எங்கள் நோக்கம் ஆகும். எங்களை கண்டு ஒரு சிலர் அச்சப்படுகின்றனர் என்றார் டிடிவி தினகரன்.