சென்னை அப்டேட்டுகளுக்கு
நோட்டிபிகேஷனை அனுமதி  
Just In
Oneindia App Download

லோக்சபா தேர்தலில் உதயசூரியன் சின்னத்தில் மதிமுக போட்டி.. ஈரோடு வேட்பாளர் அறிவிப்பு

Google Oneindia Tamil News

ஈரோடு: திமுக கூட்டணியில் அங்கம் வகிக்கும் மதிமுக உதயசூரியன் சின்னத்தில் போட்டியிடுவதாக ஈரோடு வேட்பாளர் கணேசமூர்த்தி அறிவித்துள்ளார்.

லோக்சபா தேர்தலுக்கான திமுக கூட்டணியில் மதிமுக.,விற்கு ஈரோடு தொகுதி ஒதுக்கப்பட்டுள்ளது. இதன் வேட்பாளராக கணேசமூர்த்தி அறிவிக்கப்பட்டுள்ளார்.

தொகுதி பங்கீடு குறித்த பேச்சுவார்த்தையின் போது சின்னம் குறித்து பின்னர் அறிவிக்கப்படும் என மதிமுக பொதுச்செயலாளர் வைகோ கூறியிருந்தார்.

திமுக வெற்றி பெற்றுவிட்டால்... பொய் வழக்குகள் போட்டு துன்புறுத்துவார்கள்... அமைச்சர் தங்கமணி பேச்சுதிமுக வெற்றி பெற்றுவிட்டால்... பொய் வழக்குகள் போட்டு துன்புறுத்துவார்கள்... அமைச்சர் தங்கமணி பேச்சு

ஸ்டாலின்

ஸ்டாலின்

தற்போது சில நாட்களுக்கு முன்னர் பேட்டியளித்த வைகோ, மதிமுக தனி சின்னத்தில் போட்டியிடும் என கூறினார். தனியார் தொலைகாட்சி சேனலுக்கு திமுக தலைவர் ஸ்டாலின் பேட்டி அளித்தார். அப்போது அவர் கூறுகையில் உதயசூரியன் அனைவருக்கும் அறிந்த சின்னம். இதனால் இச்சின்னத்தில் போட்டியிடுங்கள் என மதிமுகவை கேட்டுக் கொண்டுள்ளோம்.

மதிமுகவிடம் கோரிக்கை

மதிமுகவிடம் கோரிக்கை

தொடர்ந்து இதுகுறித்து வைகோவிடம் வலியுறுத்தி வருகிறோம் என்று கூறியிருந்தார். இந்த நிலையில் இதுகுறித்து வைகோ கூறுகையில் உதயசூரியன் சின்னத்தில் போட்டியிட மதிமுகவை திமுக தலைவர் ஸ்டாலின் கேட்டுக் கொண்டார்.

நிர்வாகிகளுடன் ஆலோசனை

நிர்வாகிகளுடன் ஆலோசனை

இந்த நிலையில் ஸ்டாலினின் யோசனை குறித்து மூத்த நிர்வாகிகளிடம் நான் கலந்து பேசினேன். அதற்கு அவர்கள் வேறு ஏதோ பரிட்சயம் ஆகாத சின்னத்தில் போட்டியிடுவதற்கு உதயசூரியன் சின்னத்தில் போட்டியிட்டால் என்ன என நிர்வாகிகள் கேட்டனர் என அந்த பேட்டியில் தெரிவித்திருந்தார் வைகோ.

மதிமுக வேட்பாளர்

மதிமுக வேட்பாளர்

இதனால் விடுதலை சிறுத்தைகள் கட்சியை போல் மதிமுகவும் உதயசூரியன் சின்னத்தில் போட்டியிட முடிவு செய்துவிட்டதாக கூறப்பட்டது. இந்த நிலையில் மொடக்குறிச்சியில் வேட்பாளர் அறிமுகத்தில் கலந்து கொண்ட ஈரோடு மதிமுக வேட்பாளர் கணேசமூர்த்தி, இந்த லோக்சபா தேர்தலில் மதிமுக உதயசூரியன் சின்னத்தில் போட்டியிடும் என அறிவித்தார்.

புதிய தமிழகம் கிருஷ்ணசாமி

புதிய தமிழகம் கிருஷ்ணசாமி

புதிய தமிழகம் கிருஷ்ணசாமியின் கட்சி அதிமுக கூட்டணியில் இணைந்து போட்டியிடுகிறது. இந்நிலையில் தென்காசியில் தனது கட்சியினருடனான ஆலோசனை கூட்டத்தில் பேசிய அவர் வெற்றிச் சின்னத்தில் போட்டியிடுவதாக தெரிவித்துள்ளார். இதனால் புதிய தமிழகமும் இரட்டை இலை சின்னத்தில் போட்டியிட முடிவு செய்துள்ளதாக தெரிகிறது.

English summary
Vaiko's MDMK is going to contest in Rising sun symbol in Lok sabha elections.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X