• search
சென்னை அப்டேட்டுகளுக்கு
நோட்டிபிகேஷனை அனுமதி  

தமிழக பாஜகவின் அடுத்த தலைவரே... வானதி சீனிவாசனுக்கு இப்பவே குவியும் வாழ்த்துகள்!

Google Oneindia Tamil News
    தமிழக பாஜகவுக்கு அடுத்த தலைவர் யார்.. கடும் போட்டியில் 6 தலைவர்கள்

    சென்னை: தமிழக பாஜகவின் அடுத்த தலைவரே வாழ்த்துகள் என அக்கட்சி பொதுச்செயலாளர் வானதி சீனிவாசனுக்கு ட்விட்டரில் அவரது ஆதரவாளர்கள் வாழ்த்து தெரிவித்து வருகின்றனர். அதனால் அடுத்த தமிழக பாஜக தலைவராகும் வாய்ப்பு வானதி சீனிவாசனுக்கா? என்கிற கருத்து விவாதிக்கப்பட்டு வருகிறது.

    தமிழக பாஜக தலைவராக இருந்த தமிழிசை சவுந்தரராஜன், தெலுங்கானா மாநில ஆளுநராக நியமிக்கப்பட்டுள்ளார். சட்டசபை, லோக்சபா தேர்தல்கள் போட்டியிட்டு அடுத்தடுத்து தோல்வியை சந்தித்தவர் தமிழிசை.

    Vanathi Srinivasan also in TN BJP President Post race

    ஆனால் தமிழகத்தில் பாஜக என்கிற கட்சி இருப்பதை ஊடக பேட்டிகள் மூலம் தொடர்ந்து நிலைநிறுத்தி வந்தவர் தமிழிசை. உட்கட்சியில் மிகக் கடும் எதிர்ப்புகள் இருந்த போதும் தமிழகத்தில் தாமரை மலர்ந்தே தீரும் என இடைவிடாமல் பேசியதால்தான் தமிழிசைக்கு பாஜக மேலிடம் இப்படி ஒரு மதிப்பளித்திருக்கிறது.

    தமிழிசைக்கு இணையாக பாஜகவில் செயல்பாடுகளை வெளிப்படுத்தியவர் வானதி சீனிவாசன். மேற்கு மண்டலத்தில் தமது செல்வாக்கை வெளிப்படுத்த ஒவ்வொரு முறையும் முயன்று வருகிறார். ஆனால் அவருக்கு சரியான வாய்ப்பு கிடைக்கவில்லை என்பது ஆதரவாளர்களின் நீண்டநாள் ஆதங்கம்.

    வன்முறை ஸ்பாட்டான ஹாங்காங்.. உக்கிரமாகும் போராட்டம்.. நாடாளுமன்றம் மீது பெட்ரோல் குண்டுவீச்சுவன்முறை ஸ்பாட்டான ஹாங்காங்.. உக்கிரமாகும் போராட்டம்.. நாடாளுமன்றம் மீது பெட்ரோல் குண்டுவீச்சு

    இந்நிலையில் தமிழிசைக்கு அடுத்து யார் தமிழக பாஜக தலைவர் என்கிற விவாதம் நடைபெற்று வருகிறது. இதில் வானதி சீனிவாசன் பெயரும் அடிபடுகிறது. இந்நிலையில் இன்று தமது ட்விட்டர் பக்கத்தில் ஆதரவாளர்களுக்கு விநாயகர் சதுர்த்தி வாழ்த்துகளை வானதி சீனிவாசன் தெரிவித்திருந்தார்.

    இப்பதிவில் தமிழக பாஜகவின் அடுத்த தலைவரே! வாழ்த்துகள் என அவரது ஆதரவாளர்கள் அடுத்தடுத்து பதிவு செய்து வருகின்றனர். இதனால் வானதி சீனிவாசனுக்குத்தான் தமிழக பாஜக தலைவர் வாய்ப்பு கிடைக்குமோ என்கிற கருத்து விவாதிக்கப்பட்டு வருகிறது.

    English summary
    Supporters of Senior Tamilnadu BJP leader Vanathi Srinivasan are expecting that she will become the next party state President.
     
     
     
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X