தமிழகத்தில் நிலவும் குளிர் அமெரிக்கா வரை வந்து என்னைத் தாக்குகிறது.. விஜயகாந்த் டிவீட்
சென்னை: தமிழகத்தில் நிலவும் குளிர் அமெரிக்கா வரை வந்து என்னைத் தாக்குகிறது என விஜயகாந்த் தனது டுவிட்டர் பக்கத்தில் தெரிவித்துள்ளார்.
தேமுதிக பொதுச் செயலாளர் விஜயகாந்த் உடல்நிலை சரியில்லாத காரணத்தால் அவர் அமெரிக்காவுக்கு கடந்த ஆகஸ்ட் மாதம் சிகிச்சைக்கு சென்றிருந்தார். அங்கு அவருக்கு தைராய்டுக்கு சிகிச்சை அளிக்கப்பட்டு இந்தியா திரும்பினார்.
இதைத் தொடர்ந்து அவர் டிசம்பர் மாதம் மீண்டும் அமெரிக்கா சென்றுள்ளார். அங்கு அவருக்கு உடல்நிலை மோசமாகிவிட்டதாக வதந்தி பரவியதை அடுத்து விஜயகாந்தின் உடல் நலம் குறித்து பிரேமலதா விளக்கம் அளித்தார்.
மகிழ்ச்சி
மேலும் அமெரிக்காவில் நண்பர்களுடன் விஜயகாந்த், பிரேமலதா ஆகியோர் கலந்து கொண்ட கிறிஸ்துமஸ் விழா தொடர்பான புகைப்படங்கள் வெளியாகின. இதனால் ரசிகர்கள் மகிழ்ச்சி அடைந்தனர்.
ஸ்டைல்
இதைத் தொடர்ந்து கடந்த இரு தினங்களுக்கு முன்பு மனைவி பிரேமலதாவுடன் விஜயகாந்த் ஐமேக்ஸ் திரையரங்கில் அக்வாமேன் ஆங்கில திரைப்படத்தை பார்த்த புகைப்படங்களும் வைரலாகின. அதில் விஜயகாந்த் குழந்தை சிரிப்பில் கால் மேல் கால் போட்டு கொண்டு படு ஸ்டைலாக அமர்ந்திருந்தார்.
உணர முடிகிறது
இந்நிலையில் இன்றைய தினம் விஜயகாந்த் தனது டுவிட்டரில் விஜயகாந்த் கூறுகையில் அன்னை மண்ணில் வரலாறு காணாத கடும் குளிர் என்று கேள்விப்படும் போது, அமெரிக்க குளிரில் என்னால் அதை உணர முடிகிறது ! என்று குறிப்பிட்டுள்ளார்.
|
ரசிகர்கள் மகிழ்ச்சி
இந்த ஸ்டில்லிலும் படு ஸ்டைலாக கூலிங் கிளாஸ், ஜெர்கின், குல்லா போட்டு கொண்டு நின்று கொண்டிருக்கிறார். இந்த புகைப்படங்களை பார்க்கும் ரசிகர்கள் மகிழ்ச்சியில் திளைத்துள்ளனர்.