வெற்று உடம்போடும்... டவுசரோடும்.. மழை ஆட்டம் போடும் சிறுவன்.. வைரலாகும் வீடியோ!

சிறுவன் மழையில் நனைந்து விளையாடும் வீடியோ ஒன்று வைரலாகி வருகிறது

By Hemavandhana

Updated: Thursday, June 20, 2019, 17:19 [IST]

Recommended Video

மழையில் ஆட்டம் போடும் சிறுவன்.. வைரலாகும் வீடியோ!

சென்னை: மேல் சட்டை போடவில்லை.. ஒரு டிரவுசரை மட்டும் மாட்டிக்கொண்டு இந்த சிறுவன் கொட்டி வரும் மழையை ரசித்து வருவது வைரலாகிறது!

சென்னையில் கிட்டத்தட்ட 200 நாளுக்கு பிறகு மழை பெய்து வருகிறது. மழை வராதா, தூறல் மட்டுமாவது விழாதா, என்று மக்கள் காத்திருந்த சென்னை வாசிகள் இன்று பெய்த திடீர் மழையால் குளிர்ந்து உள்ளனர்.

Viral Video about A Boy enjoying the rain in Street

புயல் வர போகுதுன்னு சொன்னபோது வராத மழை இன்று வந்துவிட்டால், இதனை அணுஅணுவாக ரசித்து வருகிறார்கள். இதில் குழந்தைகளும் விதிவிலக்கல்ல.. அதிலும் ஒரு சிறுவனுக்கு தலைகால் புரியவில்லை.

சென்னையின் ஒரு விசாலமான தெரு அது.. மழை சரமாரியாக பெய்து கொண்டிருக்கிறது.. வெற்று உடம்பில், ஒரு டிரவுசரை மாட்டிக் கொண்டு ஒரு சிறுவன் மழையில் விளையாடுகிறான்.

வெறிச்சோடிய தெருவில் சிறுவன் முடிந்தவரை ஆட்டம் போடுகிறான், குதிக்கிறான், விளையாடுகிறான், தவ்வி தவ்வி எகிறுகிறான்.

உடன் விளையாட யாருமே இல்லையே என்ற எண்ணம் அவனுக்கு கொஞ்சம் கூட இல்லை. மழை மட்டும் போதும் முடிவுக்கு வந்துவிட்டான் போலும். அவனுக்கு தெரிந்த மொழியில், தெரிந்த வழியில் இந்த மழையை அனுபவிக்கிறான். இதை யாரோ வீடியோ எடுத்து பதிவிட, மழையின் மண்வாசனையுடன் சேர்ந்து பரவி வருகிறது இந்த காட்சியும்!