• search
சென்னை அப்டேட்டுகளுக்கு
நோட்டிபிகேஷனை அனுமதி  

மிக விரைவில் உள்ளாட்சி தேர்தல்.. புதிதாக பிரிக்கப்பட்ட 9 மாவட்டங்களின்.. வாக்காளர் பட்டியல் வெளியீடு

Google Oneindia Tamil News

சென்னை: தமிழ்நாட்டில் புதிதாகப் பிரிக்கப்பட்ட 9 மாவட்டங்களில் விரைவில் உள்ளாட்சித் தேர்தல் நடைபெறவுள்ள நிலையில், அந்த மாவட்டங்களில் வாக்காளர் பட்டியல் தற்போது வெளியிடப்பட்டுள்ளது.

தமிழ்நாட்டில் கடந்த 2016ஆம் ஆண்டிலேயே உள்ளாட்சித் தேர்தல் நடத்தப்பட்டிருக்க வேண்டும். ஆனால் அதன் பிறகு சில ஆண்டுகள் வரை தேர்தல் நடைபெறாமல் இருந்தது.

இதனால் மத்திய அரசு தமிழ்நாட்டிற்கு அனுப்பிய பல கோடி நிதி, உள்ளாட்சி அமைப்புகள் இல்லாததால் திரும்பியும் அனுப்பப்பட்டன.

 சென்னை எழும்பூர் ரயில் நிலையத்துக்கு வ.உ.சி.பெயர்- திண்டுக்கல் மாநகர தமிழ்ச் சங்கம் வலியுறுத்தல் சென்னை எழும்பூர் ரயில் நிலையத்துக்கு வ.உ.சி.பெயர்- திண்டுக்கல் மாநகர தமிழ்ச் சங்கம் வலியுறுத்தல்

உள்ளாட்சித் தேர்தல்

உள்ளாட்சித் தேர்தல்

இதையடுத்து உள்ளாட்சித் தேர்தல் தொடர்பாக உச்ச நீதிமன்ற உத்தரவுக்குப் பின்னர், 3 ஆண்டுகள் தாமதமாக 2019இல் தான் தேர்தல் நடத்தப்பட்டது. அதிலும்கூட ஊரகப் பகுதிகளில் மட்டுமே தேர்தல் நடத்தப்பட்டன. 2019இல் நடத்தப்பட்ட தேர்தலில் பேரூராட்சி, நகராட்சி, மாநகராட்சி மற்றும் 9 மாவட்ட ஊரகப் பகுதிகளுக்குத் தேர்தல் நடத்தப்படவில்லை.

எப்போது தேர்தல்

எப்போது தேர்தல்

தமிழ்நாட்டில் வரும் செப்டம்பர் 15ஆம் தேதிக்குள் உள்ளாட்சித் தேர்தலை நடத்தி முடிக்க வேண்டும் என உச்ச நீதிமன்றமும் அறிவுறுத்தியுள்ளது. இருப்பினும், செப். 15 தேதிக்குள் தேர்வு நடத்துவது சாத்தியமில்லை என்றே கூறப்படுகிறது. தமிழ்நாட்டில் அக்டோபர் அல்லது நவம்பர் மாதம் தேர்வு நடைபெறும் என எதிர்பார்க்கப்படுகிறது. மேலும், தேர்தல் தேதி தொடர்பாக முதல்வர் ஸ்டாலின் ஓரிரு நாட்களில் அறிவிப்பார் என்றும் அமைச்சர் நேரு குறிப்பிட்டிருந்தார்.

வாக்காளர் பட்டியல் வெளியீடு

வாக்காளர் பட்டியல் வெளியீடு

இந்நிலையில், புதிதாகப் பிரிக்கப்பட்ட 9 மாவட்டங்களின் வாக்காளர் பட்டியல் இன்று வெளியிடப்பட்டுள்ளது. காஞ்சிபுரம், விழுப்புரம், கள்ளக்குறிச்சி, வேலூர், ராணிப்பேட்டை, திருப்பத்தூர், நெல்லை, தென்காசி ஆகிய மாவட்டங்களின் புதிய வாக்காளர் பட்டியல் தற்போது வெளியிடப்பட்டுள்ளது. 9 மாவட்டங்களில் மொத்தம் 37,77,524 ஆண்கள், 38,81,361 பெண்கள், 835 திருநங்கைகள் என மொத்தம் 76,59,720 வாக்காளர்கள் உள்ளனர்.

விழுப்புரத்தில் அதிகம்

விழுப்புரத்தில் அதிகம்

இதில் அதிகபட்சமாக விழுப்புரம் மாவட்டத்தில் 6,87,420 ஆண்கள், 6,96,115 பெண்கள், 152 திருநங்கைகள் உட்பட மொத்தம் 13,83,687 வாக்காளர்கள் உள்ளனர். குறைந்தபட்சமாகத் திருப்பத்தூர் மாவட்டத்தில் 3,29,959 ஆண்கள், 3,34,115 பெண்கள், 34 திருநங்கைகள் உட்பட மொத்தம் 6,64,108 வாக்காளர்கள் உள்ளனர்.

English summary
Tamilnadu is soon to have local body elections in newly formed 9 districts. Voters list of newly formed 9 districts released.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X