• search
சென்னை அப்டேட்டுகளுக்கு
நோட்டிபிகேஷனை அனுமதி  

கிருஷ்ணகிரி, தருமபுரி, ஈரோடு, சேலத்தில் இடி மின்னலுடன் கனமழை - 8 மாவட்டங்களில் வெயில் சுடும்

Google Oneindia Tamil News

சென்னை: தமிழகத்தில் கிருஷ்ணகிரி, தருமபுரி, ஈரோடு, சேலம் மாவட்டங்களில் வெப்பச்சலனம் காரணமாக இடி மின்னலுடன் கூடிய கனமழை பெய்ய வாய்ப்பு உள்ளதாக சென்னை வானிலை மையம் கணித்துள்ளது. மதுரை, திருச்சி, கரூர், தருமபுரி, கடலூர், விழுப்புரம் மற்றும் திருவண்ணாமலை மாவட்டங்களில் அதிகபட்ச வெப்பநிலை 3 டிகிரி செல்சியஸ் வரை உயரக்கூடும் எனவும் வானிலை மையம் வெளியிட்டுள்ள அறிவிப்பில் தெரிவிக்கப்பட்டுள்ளது.

அக்னி நட்சத்திரம் முடிந்த பின்னரும் தமிழகத்தில் பல மாவட்டங்களில் வெயில் சுட்டெரித்து வருகிறது. பல மாவட்டங்களில் 100 டிகிரி பாரன்ஹீட்டிற்கு மேல் வெப்பநிலை பதிவாகியுள்ளது. ஈரோடு, உதகை, வாணியம்பாடி, நாமக்கல், தருமபுரி, கிருஷ்ணகிரியில் மழை பெய்துள்ளது.

தஞ்சை மருத்துவமனைக்கு ரூ.1 கோடியில் ஆக்சிஜன் நிலையம்.. நன்றி தெரிவித்த அமைச்சர் அன்பில் மகேஷ்! தஞ்சை மருத்துவமனைக்கு ரூ.1 கோடியில் ஆக்சிஜன் நிலையம்.. நன்றி தெரிவித்த அமைச்சர் அன்பில் மகேஷ்!

சென்னை வானிலை மையம் இன்று வெளியிட்டுள்ள அறிவிப்பில் வெப்பச்சலனம் காரணமாக இடி மின்னலுடன் கனமழை பெய்ய வாய்ப்பு உள்ளதாக தெரிவிக்கப்பட்டுள்ளது.

மழை பெய்ய வாய்ப்பு

மழை பெய்ய வாய்ப்பு

நாமக்கல் ,ஈரோடு ,நீலகிரி, கோயம்புத்தூர், திருப்பூர், கரூர் ,திண்டுக்கல் மாவட்டங்களில் ஓரிரு இடங்களில் இடி மின்னலுடன் கூடிய லேசானது முதல் மிதமான மழையும், கடலூர், புதுச்சேரி,காரைக்கால், மயிலாடுதுறை, நாகப்பட்டினம் மாவட்டங்களில் ஓரிரு இடங்களில் லேசான மழையும் பெய்யக்கூடும். ஏனைய மாவட்டங்களில் பெரும்பாலும் வறண்ட வானிலையே நிலவும்.

ஜூன் 3ல் மழை பெய்ய வாய்ப்பு

ஜூன் 3ல் மழை பெய்ய வாய்ப்பு

நாளைய தினம் ஜூன் 3ஆம் தேதி ஈரோடு, நீலகிரி, கோயம்புத்தூர்,தேனி, திண்டுக்கல் மாவட்டங்களில் ஓரிரு இடங்களில் இடி மின்னலுடன் கூடிய கனமழை பெய்ய வாய்ப்பு உள்ளது. தர்மபுரி ,சேலம், நாமக்கல், திருப்பூர்,கரூர்,திருச்சி,பெரம்பலூர்,அரியலூர், மதுரை, புதுக்கோட்டை மாவட்டங்களில் ஒரு சில இடங்களில் இடி மின்னலுடன் கூடிய லேசானது முதல் மிதமான மழையும் பெய்ய கூடும்.

மின்னலுடன்

மின்னலுடன்

4ஆம் தேதி மற்றும் 5ஆம் தேதிகளில் தேனி, திண்டுக்கல், சேலம், கிருஷ்ணகிரி, தர்மபுரி, திருப்பத்தூர், வேலூர் ராணிப்பேட்டை மாவட்டங்களில் ஓரிரு இடங்களில் இடி மின்னலுடன் கூடிய கனமழை பெய்யக்கூடும். 6ஆம் தேதி தமிழக உள் மாவட்டங்களில் ஓரிரு இடங்களில் இடி மின்னலுடன் கூடிய லேசானது முதல் மிதமான மழையும் ,கடலோர மாவட்டங்கள் மற்றும் புதுவை காரைக்கால் பகுதிகளில் லேசான மழை பெய்யக்கூடும்.

அதிகபட்ச வெப்பநிலை

அதிகபட்ச வெப்பநிலை

சென்னையை பொறுத்தவரை அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 38 மற்றும் குறைந்தபட்ச வெப்பநிலை 28 டிகிரி செல்சியஸ் ஒட்டியிருக்கும்

8 மாவட்டங்களில் வெப்பநிலை

8 மாவட்டங்களில் வெப்பநிலை

அடுத்த 24 மணி நேரத்தில் தமிழகத்தில் மதுரை, திருச்சி, கரூர் ,தர்மபுரி ,கடலூர், புதுவை ,விழுப்புரம் மற்றும் திருவண்ணாமலை மாவட்டங்களில் அதிகபட்ச வெப்பநிலை 2 முதல் 3 டிகிரி செல்சியஸ் வரை உயரக்கூடும்
என்று வானிலை ஆய்வு மையம் தெரிவித்துள்ளது.

English summary
The Chennai Meteorological Department has forecast heavy rains with thunder and lightning in Krishnagiri, Dharmapuri, Erode and Salem districts in Tamil Nadu. The maximum temperature in Madurai, Trichy, Karur, Dharmapuri, Cuddalore, Villupuram and Thiruvannamalai districts is expected to rise to 3 degrees Celsius, the Met office said.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X