ஆபாச வீடியோ மூலம் மாதம் 7 லட்சம் வருமானம்.. 2 சொகுசு கார்கள், 2 பங்களாக்களை குவித்த பப்ஜி மதன்!
சென்னை: ஆபாசமாக பேசி வீடியோ வெளியிட்டு சம்பாதித்த பணத்தில் 2 சொகுசு கார் மற்றும் 2 சொகுசு பங்களாவை யூடியூபர் மதன் வாங்கியிருப்பதாக விசாரணையில் தெரியவந்தது.
Recommended Video
இந்தியாவில் தடை செய்யப்பட்ட பப்ஜி விளையாட்டில் ஆபாசமாக பேசி யூடியூபில் லைவாக ஒளிபரப்பு செய்தவர் யூடியூபர் மதன். இவர் டாக்ஸிக் மதன் என்ற யூடியூப் சேனலை நடத்தி வந்தார்.
இணையதள சேவையை முடக்குவது ஜனநாயகத்திற்கு ஆபத்தானது.. ஜி 7 நாடுகள், இந்தியா வெளியிட்ட கூட்டறிக்கை
இந்த நிலையில் பெண்கள் மற்றும் குழந்தைகள் குறித்து தகாத வார்த்தைகளால் பேசி பதிவிட்டு வந்த மதன் மீது சமூகவலைதளங்களில் கண்டனங்கள் கிளம்பின. இதையடுத்து மதன் மீது புளியந்தோப்பு சைபர் கிரைம் பிரிவு போலீஸாரிடம் இருந்து இரு புகார்கள் வந்தன.
செல்போன்
இதையடுத்து மதனை நேரில் ஆஜராகுமாறு சம்மன் அனுப்பியும் அவர் ஆஜராகாமல் தலைமறைவு வாழ்க்கை வாழ்ந்து வருகிறார். இவர் விபிஎன் சர்வரை வைத்து செல்போனை உபயோகித்து வருவதால் இவர் இருக்கும் இடத்தை கண்டறிவது சிக்கலாக உள்ளது.
மதனின் யூடியூப் சேனல்
இந்த நிலையில் மதன் மீது தமிழ்நாட்டில் இருந்து 159 புகார்கள் ஆன்லைன் மூலம் வந்துள்ளதாக காவல் துறையினர் தெரிவிக்கிறார்கள். இதனிடையே நேற்றைய தினம் மதனின் மனைவி கிருத்திகாவை போலீஸார் கைது செய்தனர். மதனின் யூடியூப் சேனலுக்கு இயக்குநராக இருந்ததாக கிருத்திகா கைது செய்யப்பட்டார்.
2 சொகுசு கார்
இவரிடம் நடத்தப்பட்ட விசாரணையில் ஆபாசமாக பேசி வீடியோ வெளியிட்டு பல கோடி சொத்துகளை மதன் வாங்கி குவித்துள்ளது தெரியவந்துள்ளது. வீடியோ மூலம் ஒரு மாதத்திற்கு ரூ 7 லட்சம் சம்பாதிப்பதாகவும் தெரிகிறது. பப்ஜி வீடியோ வெளியிட்டு சம்பாதித்த காசில் 2 சொகுசு காரையும் 2 சொகுசு பங்களாவையும் அவர் வாங்கியிருப்பது விசாரணையில் தெரியவந்துள்ளது.
ஆஜர்
மதனுக்கு உதவியாக இருந்ததாக கைது செய்யப்பட்ட கிருத்திகாவை மத்திய குற்றப்பிரிவு போலீஸார் எழும்பூர் நீதிமன்றத்தில் ஆஜர்படுத்தவுள்ளார்கள். அதே வேளையில் மதனை பிடிக்கும் முயற்சிகளையும் ஒரு புறம் முடுக்கி வருகிறார்கள்.