புடவையை செருகிக் கொண்டு.. பிரேக் டான்ஸ் ஆடும் இளம் தாய்.. அப்ளாஸ் அள்ளும் வீடியோ!
குழந்தையை உற்சாகமூட்ட இளம்தாய் ஒருவர் நடனம் ஆடுகிறார்
Recommended Video
சென்னை: தன் குழந்தையை உற்சாகமூட்டுவதற்காக புடவையை தூக்கி செருகிக் கொண்டு பிரேக் டான்ஸ் ஆடுகிறார் இளம்தாய் ஒருவர்!
வீடியோ ஒன்று வைரலாகிறது. இது எந்த ஊர் என்று தெரியவில்லை. நடுத்தரத்துக்கும் கீழான குடும்பம் போல உள்ளது.
வீட்டின் ஹாலில் தன் குழந்தையுடன் இளம் தாய் காணப்படுகிறார். அந்த குழந்தைக்கு உற்சாகம் ஊட்ட டான்ஸ் ஆட வைக்கிறார். இந்தி பாட்டு சத்தம் கேட்கிறது.
குழந்தையும் ஆடிக் கொண்டே இருக்கிறது. திடீரென பாதியிலேயே டான்ஸை விட்டுவிட்டு போய்விடுகிறது. திரும்பவும் அந்த குழந்தையை டான்ஸ் ஆட வைக்க, தானே எழுந்து ஆடுகிறார் அந்த தாய்.
வெகு இயல்பாகவும், அநாயசமாகவும் வளைந்து வளைந்து ஆடுகிறார். முறையாக இவர் டான்ஸ் கற்று கொள்ளவில்லை என்றாலும், ஒவ்வொரு டான்ஸ் மூவ்மென்ட்டுக்கும் ரசிக்கும்படியாகவே இருக்கிறது. இதை அங்கிருப்பவர்கள் யாரோ வீடியோ எடுத்துள்ளனர்.
அவர்கள் வீடியோ எடுப்பது தெரிந்தும், அதை பற்றி வெட்கப்படவுமில்லை.. கூச்சப்படவும் இல்லை.. அந்த டான்ஸ் எப்படி இருந்தாலும், அது தன் குழந்தையின் உற்சாகத்துக்காக மட்டுமே என்று நினைத்து இந்த பெண் ஆடுகிறார்.
அம்மா ஆடுவதை பார்த்த அந்த குழந்தை, திரும்பவும் வந்து அம்மாவுடனே சேர்ந்து டான்ஸ் ஆட ஆரம்பிக்கிறது. புடவையை இடுப்பில் செருகி கொண்டு, பிரேக் டான்ஸ் ஆடும் இந்த பெண்ணின் வீடியோதான் வைரலாகிறது.