• search
கோயம்புத்தூர் அப்டேட்டுகளுக்கு
நோட்டிபிகேஷனை அனுமதி  

தடுப்பூசி எதிர்ப்பாளர்களுக்கு பாடம்.. நடக்க இயலாத மனைவியை சுமந்துசென்று தடுப்பூசி செலுத்திய முதியவர்

|

கோவை: இந்தியா முழுவதும் கொரோனா தொற்றின் 2-வது அலை மக்களை போட்டு பாடாய்படுத்தி வருகிறது. கொரோனாவை விரட்டுவதற்காக இந்தியாவில் கடந்த ஜனவரி 15-ம் தேதி முதல் தடுப்பூசி போடப்பட்டு வருகிறது.

சீரம் நிறுவனத்தின் கோவிஷீல்டு, பாரத் பயோடெக்கின் கோவாக்சின் தடுப்பூசிகள் செயல்பாட்டில் உள்ளன. முதல் கட்டமாக மருத்துவ பணியாளர்கள், முன்களப் பணியாளர்களுக்கு தடுப்பூசி போடப்பட்டது.

அதனை தொடர்ந்து 60 வயதுக்கு மேற்பட்டவர்களுக்கு தடுப்பூசி செலுத்தப்பட்டது. தற்போது 45 வயதுக்கு மேற்பட்டவர்கள் தடுப்பூசிகள் பெற்று வருகின்றனர்.

தடுப்பூசி எடுத்துக்கொள்ள போகிறீர்களா? 56 நாட்களுக்கு ரத்த தானம் கூடாது.. ஏன் தெரியுமா? இதை படியுங்கதடுப்பூசி எடுத்துக்கொள்ள போகிறீர்களா? 56 நாட்களுக்கு ரத்த தானம் கூடாது.. ஏன் தெரியுமா? இதை படியுங்க

தடுப்பூசி வெறுப்பாளர்கள்

தடுப்பூசி வெறுப்பாளர்கள்

கொரோனா தொற்றை விரட்ட வேண்டும் என்ற நல்லெண்ணத்தில் ஒரு தரப்பினர் தடுப்பூசி போட்டுக் கொண்டாலும், வேறு சிலரோ கொரோனா தடுப்பூசியின் பெயரை கேட்டாலே பதறியடித்து ஓடுகின்றனர். தடுப்பூசியை ஏதோ விஷ ஊசி போல் நினைத்து பதறுகின்றனர். தான் ஊசி போடாமல் இருப்பது மட்டுமல்லாமல் மற்றவர்களிடமும் ''ஊசி போடாதீர்கள்.. விவேக் நிலைமையை பாத்திங்கல்ல'' என்று சம்பந்தமே இல்லாமல் வதந்தியை கிளப்பி வருகின்றனர்.

உணர வைத்த முதியவர்

உணர வைத்த முதியவர்

இப்படிப்பட்ட நபர்களின் முகத்தில் 'பளார்' என்று அறைந்து தடுப்பூசியின் முக்கியத்துவத்தை உணர வைத்துள்ளார் கோவையை சேர்ந்த ஒரு முதியவர். கோவை துடியலூர் என்.ஜி.ஜி.ஓ காலனியில் வசிக்கும் ஜெகநாதன் (76) என்பவர்தான் அந்த முதியவர். ஜெகநாதனும், அவரது மனைவியுமான விஜயலட்சுமியும் (69) தடுப்பூசி போட்டுக் கொள்ள முடிவு செய்தனர். ஜெகநாதன் விரும்பியபடி காரில் சென்று தடுப்பூசி போட்டுக் கொள்ள முடியும்.

மனைவியை சுமந்து சென்றார்

மனைவியை சுமந்து சென்றார்

ஆனால் கொஞ்சம் கூட நடக்க முடியாத நிலையில் இருக்கும் விஜயலட்சுமி துடியலூர் அரசு மருத்துவமனையின் தடுப்பூசி மையத்துக்கு செல்வது இயலாத காரியம். ஆனால் மனைவியும் தடுப்பூசி போட்டுக் கொள்ள வேண்டும் என்று விடாப்பிடியாக இருந்தார் ஜெகநாதன். இதனால் மனைவியை இரு கைகளாலும் தூக்கி சுமந்து சென்று காரில் அமர வைத்தார். பின்பு அரசு மருத்துவமனைக்கு முன்பு காரை நிறுத்தி விட்டு, மனைவியை அப்படியே சுமந்து கொண்டு தடுப்பூசி மையத்துக்கு சென்றார்.

பாடம் நடத்தியுள்ளார்

பாடம் நடத்தியுள்ளார்

பின்னர் இருவரும் தடுப்பூசி போட்டுக் கொண்டு திருப்தியுடன் காரில் வீட்டுக்கு திரும்பி சென்றனர். தடுப்பூசி முக்கியத்துவத்தை கருதி தள்ளாத வயதிலும் முதியவர் ஜெகநாதன் செய்த செயல் தடுப்பூசி குறித்து வதந்தி பரப்புபவர்களுக்கு பாடமாக அமைந்துள்ளது. முதியவரின் செயலால் நெகிழ்ச்சி அடைந்த பலரும் அவரை பாராட்டு மழையில் நனைய வைத்து வருகின்றனர்.

இளம் தம்பதிகளுக்கு இலக்கணம்

இளம் தம்பதிகளுக்கு இலக்கணம்

இது தவிர, மணம் முடித்த 2 நாளில் தகராறு, 20 நாளில் விவாகரத்து என்று ஜெட் வேகத்தில் வாழ்க்கையை தொலைத்து கொண்டிருக்கும் பல இளம் தம்பதிகளுக்கும், ஜெகநாதன்-விஜயலட்சுமியின் அன்பான கணவன்-மனைவி உறவு இலக்கணமாக அமைந்துள்ளது.

English summary
The old man who took his wife, who could not walk, to the hospital and vaccinated her
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X