• search
கோயம்புத்தூர் அப்டேட்டுகளுக்கு
நோட்டிபிகேஷனை அனுமதி  
Just In

கல்யாண ஜோடிக்கு தட்டு நிறைய ’காஸ்ட்லியான’ பரிசு.. அதை பத்திரமா வைக்க ஃப்ரிட்ஜ் - கோவையில் விநோதம்!

Google Oneindia Tamil News

கோவை : தக்காளி விலை கடுமையாக உயர்ந்து வரும் நிலையில், திருமண விழாவில் மணமக்களுக்கு தக்காளி பரிசாக அளிக்கப்பட்ட சம்பவம் வியப்பை ஏற்படுத்தியுள்ளது.

சமையலில் அத்தியாவசியமான தக்காளியின் விலை மீண்டும் கடுமையாக உயர்ந்து 90 ரூபாய்க்கும் அதிகமாக தற்போது விற்பனை செய்யப்படுகிறது.

“நாங்க குடிக்கிற இடம்” அட்டி மோதலில் இளைஞர் அடித்துக்கொலை.. விபத்தில் இறந்ததாக நாடகம் - 3 பேர் கைது!“நாங்க குடிக்கிற இடம்” அட்டி மோதலில் இளைஞர் அடித்துக்கொலை.. விபத்தில் இறந்ததாக நாடகம் - 3 பேர் கைது!

இந்நிலையில், கோவையில் நடைபெற்ற திருமண விழாவில் தக்காளி மற்றும் ஃப்ரிட்ஜை மணமக்களுக்கு விஜய் மக்கள் இயக்க நிர்வாகிகள் பரிசாக வழங்கி அசத்தியுள்ளனர்.

கோவையில் திருமணம்

கோவையில் திருமணம்

கோவை மாவட்ட விஜய் மக்கள் இயக்கத்தின் தெற்கு நகர இளைஞரணி பொருளாளராக இருப்பவர் இரும்பு கடை அக்கீம். இவரது மகள் அப்சானாவிற்கும் ஹாரிஸ் என்பவருக்கும் இன்று கோவை குனியமுத்தூரில் உள்ள திருமண மண்டபம் ஒன்றில் திருமணம் நடைபெற்றது. இந்த திருமண விழாவில் விஜய் மக்கள் இயக்கத்தின் மாவட்ட இளைஞரணி தலைவர் விஜய் யுவராஜ் , தெற்கு நகர இளைஞரணி தலைவர் பைசல்,செயலாளர் முகம்மது அலி உள்ளிட்ட விஜய் மக்கள் இயக்க மாவட்ட பொறுப்பாளர்கள் பலர் கலந்து கொண்டனர்.

ஆச்சர்ய பரிசு

ஆச்சர்ய பரிசு

இந்த திருமண விழாவில் கலந்து கொண்ட விஜய் மக்கள் இயக்க இளைஞரணி நிர்வாகிகள் திடீரென மணமக்களுக்கு தக்காளி மற்றும் குளிர்சாதனப்பெட்டி ஆகிய பரிசுகளை வழங்கி ஆச்சரியப்படுத்தினர். இதனை சற்றும் எதிர்பார்க்காத மணமக்களும் அங்கு கூடியிருந்தவர்களும் ஆச்சர்யமடைந்தனர். காஸ்ட்லியான தக்காளியை பாதுகாக்க ஃப்ரிட்ஜ் வழங்கப்பட்டுள்ளதாக அங்கிருந்தவர்கள் கமெண்ட் அடித்துள்ளனர்.

தக்காளி விலை

தக்காளி விலை

தக்காளியின் விலை சில மாதங்களுக்கு முன்னர் வரலாறு காணாத அளவுக்கு உயர்ந்தது. பின்னர் சில வாரங்களுக்கு முன்பு குறைவான விலையில் விற்பனையாகி வந்தது. இந்நிலையில் தற்போது மீண்டும் கடுமையாக உயர்ந்து வருகிறது.

சென்னை கோயம்பேடு சந்தையில் ஒரு கிலோ தக்காளி 85 ரூபாய்க்கும், புறநகர் பகுதிகளில் 90 ரூபாய்க்கும் விற்பனை செய்யப்படுகிறது. கோடை வெயில் மற்றும் அசானி புயல் போன்றவற்றால் தக்காளி உற்பத்தி வெகுவாக பாதிக்கப்பட்டுள்ளதன் காரணமாக தக்காளி விலை பல மடங்கு அதிகரித்துள்ளதாக கூறப்படுகிறது.

திருமண பரிசு

திருமண பரிசு

இந்நிலையில் கோவையில் நடைபெற்ற திருமண விழாவில் மணமக்களுக்கு தக்காளியை பரிசாக வழங்கிய வீடியோ தற்போது சமூக வலைதளங்களில் தீயாகப் பரவி வருகிறது. ஏற்கனவே தக்காளி விலை உயர்வின் போதும், வெங்காயம் விலை கடுமையாக அதிகரித்தபோதும் விஜய் ரசிகர்கள் இதேபோல திருமண விழாவில் மணமக்களுக்கு தக்காளி, வெங்காயம் ஆகியவற்றைப் பரிசாக வழங்கியது குறிப்பிடத்தக்கது.

English summary
Vijay Makkal iyakkam executives gifted Tomatoes for newly married couple in Coimbatore.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X