Just In

இலங்கை அதிபர் தேர்தல் LIVE: ஶ்ரீலங்கா பொதுஜன பெரமுனவின் வேட்பாளர் கோத்தபய ராஜபக்சே வெற்றி!

Updated: Sunday, November 17, 2019, 16:41 [IST]

கொழும்பு: இலங்கை அதிபர் தேர்தலில் ஶ்ரீலங்கா பொதுஜன பெரமுனவின் வேட்பாளர் கோத்தபய ராஜபக்சே வெற்ற பெற்றுள்ளார். பிரதமர் ரணில் விக்கிரமசிங்கேவின் ஐக்கிய தேசிய கட்சி தலைமையிலான கூட்டணியின் வேட்பாளர் சஜித் பிரேமதாச தோல்வி அடைந்துள்ளார்.

52.25 சதவீத வாக்குகளை பெற்று கோத்தபய வெற்றி பெற்றதாக அதிகாரப்பூர்வ அறிவிக்கப்பட்டுள்ளது. சஜித் பிரேமதாசாவுக்கு 41.99 சதவீத வாக்குகள் கிடைத்துள்ளதாக அறிவிக்கப்பட்டுள்ளது. ராஜபக்சே 6924255 வாக்குகள் பெற்றார். ஐக்கிய தேசிய கட்சி தலைமையிலான கூட்டணியின் வேட்பாளர் சஜித் பிரேமதாச 5564239 வாக்குகள் பெற்றார். இலங்கை அதிபராக கோத்தபய ராஜபக்சே நாளை பதவியேற்க உள்ளார்.

Newest First Oldest First

4:41 PM, 17 Nov

கொழும்பு: இலங்கை அதிபர் தேர்தலில் ஶ்ரீலங்கா பொதுஜன பெரமுனவின் வேட்பாளர் கோத்தபய ராஜபக்சே வெற்றி. பிரதமர் ரணில் விக்கிரமசிங்கேவின் ஐக்கிய தேசிய கட்சி தலைமையிலான கூட்டணியின் வேட்பாளர் சஜித் பிரேமதாச தோல்வி

4:24 PM, 17 Nov

கொழும்பு

இலங்கை அதிபர் தேர்தலில் கோத்தபய ராஜபக்சே 6924255 வாக்குகள் பெற்றார். ஐக்கிய தேசிய கட்சி தலைமையிலான கூட்டணியின் வேட்பாளர் சஜித் பிரேமதாச 5564239 வாக்குகள் பெற்றார்

4:20 PM, 17 Nov

கொழும்பு

52.25 சதவீத வாக்குகளை பெற்று கோத்தபய வெற்றி பெற்றதாக அதிகாரப்பூர்வ அறிவிப்பு. சஜித் பிரேமதாசாவுக்கு 41.99 சதவீத வாக்குகள் கிடைத்துள்ளதாக அறிவிப்பு. இலங்கை அதிபராக கோத்தபய ராஜபக்சே நாளை பதவியேற்க உள்ளார்

2:40 PM, 17 Nov

இலங்கை தேர்தல் முடிவு: கோத்தபய ராஜபக்சேவுக்கு பிரதமர் நரேந்திர மோடி வாழ்த்து. அமைதியை நிலைநாட்ட உங்களுடன் நெருக்கமாக பணியாற்ற எதிர்நோக்குகிறேன். இந்தியா- இலங்கை இடையிலான சகோதரத்துவ உறவுகளை ஆழப்படுத்த பணியாற்றுவோம்- மோடி.

12:12 PM, 17 Nov

கொழும்பு

தொண்டர்கள் ஒழுக்கத்தை கடைபிடிக்க வேண்டும். அமைதியாக கொண்டாட விடும். பிரச்சாரத்தில் இருந்த அமைதி வெற்றிக்கு பின்பும் இருக்க வேண்டும். அமைதியாக தேர்தலை நடத்தியதற்கு நன்றி - கோத்தபய ராஜபக்சே

12:07 PM, 17 Nov

கொழும்பு

தேர்தலில் எனக்கு ஆதரவு அளித்தவர்களுக்கு நன்றி. நாம் அனைவரும் ஒன்றாக இணைந்து பயணிப்போம்- கோத்தபய ராஜபக்சே பேட்டி

11:23 AM, 17 Nov

கொழும்பு

அதிபர் தேர்தலில் கோத்தபய ராஜபக்சே 50% வாக்குகள் பெற்று முன்னிலை. 4,42,185 வாக்குகள் வித்தியாசத்தில் கோத்தபய ராஜபக்சே முன்னிலை. கோத்தபய ராஜபக்சே 35,40,023 வாக்குகளும், சஜித் பிரேமதாச 30,97,838 வாக்குகளும் பெற்றுள்ளனர்

10:57 AM, 17 Nov

கொழும்பு

மன்னார் மாவட்டத்தில் சஜித் பிரேமதாச - 53,602 பெற்றுள்ளார். கோத்தபய ராஜபக்சே - 6,435 பெற்றுள்ளார்.

10:57 AM, 17 Nov

முல்லைத்தீவு மாவட்டத்தில் சஜித் பிரேமதாச - 47,594 பெற்றுள்ளார். கோத்தபய ராஜபக்சே - 4,252 பெற்றுள்ளார்.

10:56 AM, 17 Nov

வவுனியா மாவட்டத்தில் சஜித் பிரேமதாச - 65,141 பெற்றுள்ளார். கோத்தபய ராஜபக்சே - 13,715 பெற்றுள்ளார்.

10:33 AM, 17 Nov

கொழும்பு

தமிழர்கள் அதிகம் வசிக்கும் வடக்கு மாகாணத்தில் உள்ள மாவட்டங்களில் சஜித் பிரேமதாச அபார முன்னிலை பெற்றுள்ளார். வடக்கு மாகாணத்தில் கோத்தபய ராஜபக்சேவிட சஜித் லட்சக் கணக்கான வாக்குகள் முன்னிலை பெற்றுள்ளார்

9:58 AM, 17 Nov

இலங்கையில் அதிபர் தேர்தலுக்கான வாக்கு எண்ணிக்கை நடந்து வரும் நிலையில், தான் வெற்றி பெற்றதாக கோத்தபய ராஜபக்ச அறிவித்துள்ளார். யார் வெற்றி என்று தேர்தல் ஆணையம் இன்னும் அதிகாரப்பூர்வமாக அறிவிக்காத நிலையில், தான் வெற்றி பெற்றுள்ளதாக கோத்தபய ராஜபக்ச அறிவித்துள்ளார்

8:54 AM, 17 Nov

இலங்கை அதிபர் தேர்தல்: கோத்தபய ராஜபக்சே முன்னிலை. சஜித் பிரேமதாசவை விட 37,285 வாக்குகள் வித்தியாசத்தில் கோத்தபய ராஜபக்சே முன்னிலை. கோத்தபய ராஜபக்சே 12,39,181 வாக்குகள் பெற்றுள்ளார். சஜித் பிரேமதாச 12,01,896 வாக்குகள் பெற்றுள்ளார் .

8:17 AM, 17 Nov

இலங்கை அதிபர் தேர்தலில் ஆளும் கட்சி வேட்பாளர் சஜித் பிரேமதாச முன்னிலை. கோத்தபய ராஜபக்சேவைவிட சஜித் பிரேமதாச, சுமார் ஒரு லட்சம் வாக்குகள் முன்னிலை

8:26 PM, 16 Nov

கொழும்பு

இலங்கை தேர்தல் முடிவுகள் திங்கள்கிழமை மாலை 6 மணிக்குள் அறிவிக்கப்படும்- தேர்தல் ஆணைக்குழு தலைவர் தேசப்பிரிய

7:33 PM, 16 Nov

கொழும்பு

தபால் வாக்குகளை எண்ணும் பணி முடிவடைந்து நள்ளிரவுக்கு முன்பாக அதிகாரப்பூர்வ முடிவு அறிவிக்கப்படும்- தேர்தல்கள் ஆணைக் குழு தலைவர் மகிந்த தேசப்பிரிய

6:18 PM, 16 Nov

கொழும்பு

இன்றைய வாக்குப் பதிவு விவரம்: தமிழர் பிரதேசங்கள்: யாழ்ப்பாணம் - 66.5% வவுனியா - 75.12% முல்லைத்தீவு - 76.2% கிளிநொச்சி - 73% மன்னார் - 71.7% மட்டக்களப்பு - 75% அம்பாறை - 80% திருகோணமலை - 83% . கொழும்பு - 75% ஹம்பாந்தோட்டை - 81% பதுளை - 80% மொனராகலை - 80% ரத்தினபுரி - 84% களுத்துறை - 80% மாத்தறை -79% காலி -80% மாத்தளை - 79% கண்டி - 80% பொலனறுவை -79%புத்தளம் -75% அநுராதபுரம் -75% நுவரெலியா - 80% கேகாலை-80% கம்பஹா-81% குருநாகல் - 82%

5:54 PM, 16 Nov

கொழும்பு

நாட்டு மக்களுக்கு அதிபர் மைத்திரிபால சிறிசேனா சிறப்பு உரை

5:23 PM, 16 Nov

கொழும்பு

தபால் மூலம் பதிவான வாக்குகளை எண்ணும் பணி தொடங்கியது- சில இடங்களில் சற்று தாமதமாகவும் தொடங்கும்

5:23 PM, 16 Nov

கொழும்பு

இலங்கை முழுவதும் சுமார் 80% வாக்குகள் பதிவாகி இருக்கலாம் என்கின்றன தகவல்கள்

5:20 PM, 16 Nov

கொழும்பு

வாக்குப் பதிவு முழுமையான விவரங்கள் இரவு 7 மணிக்கு வெளியிடப்படும்.

5:08 PM, 16 Nov

கொழும்பு

வாக்குப் பெட்டிகளை வாக்கு எண்ணிக்கை மையங்களுக்கு கொண்டு செல்லும் பணிகள் தொடங்கின

5:02 PM, 16 Nov

கொழும்பு

அதிபர் தேர்தலில் பதிவான வாக்குகள் எண்ணிக்கை பணி சற்று நேரத்தில் தொடங்குகிறது

5:02 PM, 16 Nov

கொழும்பு

இலங்கை 8-வது அதிபர் தேர்தலுக்காக வாக்குப் பதிவுகள் முடிவடைந்தன

5:00 PM, 16 Nov

இலங்கை 8-வது அதிபர் தேர்தல் வாக்குப் பதிவு நிறைவடைந்தது

4:32 PM, 16 Nov

கொழும்பு

மாலை 4 மணிவரையிலான வாக்குப் பதிவு நிலவரம்: ஹம்பந்தோட்டா- 75% வவுனியா - 72% பதுளை - 75% அம்பாறை- 70% மொனரகல- 80% முல்லைத்தீவு- 72.5% கிளிநொச்சி- 68% மன்னார்- 65.2 % மட்டக்களப்பு- 65 % திருகோணமலை - 70 %

4:27 PM, 16 Nov

கொழும்பு

வாக்குப் பதிவு முடிவடைய இன்னும் 30 நிமிடங்களே இருப்பதால் அனைவரும் விரைவாக வாக்களிக்க வேண்டும் என தேர்தல் கண்காணிப்பகம் தெரிவித்துள்ளது.

4:17 PM, 16 Nov

பதுளை

பதுளையில் தேர்தல் கண்காணிப்பாளருக்கு உதவும் பணியில் இருந்த மூத்த தமிழ் பத்திரிகையாளர் கந்தையா வேலாயுதம் ( வயது 62) மாரடைப்பால் காலமானார்.

4:16 PM, 16 Nov

யாழ்ப்பாணம்

வடக்கில் தமிழர் வாழும் பகுதிகளில் ராணுவ சோதனைச் சாவடிகள் இருப்பதாக வெளியான தகவல்கள் வதந்திகளே- ராணுவ தளபதி

4:16 PM, 16 Nov

கேகாலை

கேகாலை தெரணியாகலவில் விரும்பிய வேட்பாளருக்கு வாக்களித்ததால் இந்திய வம்சாவளித் தமிழர்கள் மீது தாக்குதல்

5:23 PM, 15 Nov

கொழும்பு

வாக்காளர்கள் வாக்களிக்க வசதியாக சிறப்பு பேருந்து வசதிகள் ஏற்பாடுகள் செய்யப்பட்டுள்ளன.

5:23 PM, 15 Nov

கொழும்பு

இலங்கை வரலாற்றில் முதல் முறையாக அதிகவேட்பாளர்கள் அதிபர் தேர்தலில் போட்டியிடுகின்றனர். இதனால் மிக நீளமான 26 அங்குல வாக்கு சீட்டு அச்சடிக்கப்பட்டுள்ளது.

5:23 PM, 15 Nov

கொழும்பு

இலங்கை அதிபர் தேர்தலில் தமிழர்கள் வாக்கு பெருமளவில் சஜித் பிரேமதாசவுக்கு கிடைக்க வாய்ப்புள்ளது. மகிந்த ராஜபக்சே, அவரது சகோதரர் கோத்தபாய ராஜபக்சே மீதான அதிருப்தியை தமிழர்கள் இம்முறை வெளிப்படுத்த வாய்ப்புள்ளது.

5:23 PM, 15 Nov

இலங்கை அதிபர் தேர்தலில் 35 வேட்பாளர்கள் களத்தில் உள்ளனர். ஐக்கிய தேசியக் கட்சி கூட்டணியின் சஜித் பிரேமதாச, ஶ்ரீலங்கா பொதுஜன பெரமுனவின் கோத்தபாய ராஜபக்சே இடையே கடும் போட்டி நிலவுகிறது.

5:24 PM, 15 Nov

அம்பந்தோட்டா

மகிந்த ராஜபக்சேவின் கோட்டையான அம்பந்தோட்டாவில் வாக்குசீட்டுகளை எடுத்து செல்லும் வாகனத்தில் போலி வாக்குச் சீட்டுகள் கண்டுபிடிக்கப்பட்டுள்ளன.

ஹம்பாந்தோட்டை பகுதியில் வாக்குப் பெட்டிகளைக் கொண்டு செல்லப் பயன்படுத்தப்படும் வாகனத்தில் போலி வாக்குச் சீட்டுகள் கண்டுபிடிக்கப்பட்டன #lka #Srilanka #PresPollSL #PressPoll2019 pic.twitter.com/SOS4x16ncN
— vithushan Jeyachandran (@imjvithu) November 15, 2019

5:24 PM, 15 Nov

கொழும்பு

தேர்தல் பணியில் ஈடுபட்டிருந்த 50 அதிகாரிகள், உணர்வு அலர்ஜியால் மருத்துவமனையில் அனுமதிக்கப்பட்டுள்ளனர்.

5:29 PM, 15 Nov

இலங்கை அதிபர் தேர்தலில் வாக்களிப்பதற்காக வெளிநாட்டில் இருந்து 40. 362 பேர் நாடு திரும்பியுள்ளதாக இலங்கை குடிவரவு திணைக்களம் தெரிவித்துள்ளது.

6:42 AM, 16 Nov

இலங்கையில் இன்று அதிபர் தேர்தலுக்கான வாக்குப் பதிவு- மாலை முதல் வாக்கு எண்ணிக்கை

6:47 AM, 16 Nov

கொழும்பு

வாக்குச்சாவடிக்குள் செல்போன்கள், கைப்பைகளை கொண்டு செல்வதை வாக்காளர்கள் தவிர்க்க வேண்டும்- இலங்கை தேர்தல்கள் ஆணைக் குழு

7:04 AM, 16 Nov

இலங்கையில் அதிபர் தேர்தலுக்கான வாக்குப் பதிவு தொடங்கியது

7:16 AM, 16 Nov

சுதந்திரமான தேர்தலுக்கான சூழ்நிலை உருவாக்கப்பட்டுள்ளது- தேவையற்ற பிரசாரங்கள், வதந்திகளுக்கு முக்கியத்துவம் தராமல் அனைவரும் வாக்களிக்க வேண்டும்- அதிபர் மைத்திரிபால சிறிசேனா

7:23 AM, 16 Nov

இன்று மாலை முதல் வாக்குகள் எண்ணப்பட்டு முதலாவது முடிவுகள் இரவு 10 மணி முதல் நள்ளிரவு 12 மணிக்குள் வெளியாகலாம் என எதிர்பார்க்கப்படுகிறது.

7:41 AM, 16 Nov

இலங்கை முழுவதும் இன்றும் நாளையும் அனைத்து மதுபான விடுதிகளும் மூடப்பட்டிருக்கும் என அறிவிக்கப்பட்டுள்ளது.

8:02 AM, 16 Nov

43 வாக்கு எண்ணும் மையங்களில் வாக்குகள் எண்ணப்படும். முதலில் தபால் வாக்குகளின் முடிவுகள் அறிவிக்கப்படும்.

8:06 AM, 16 Nov

இலங்கை வரலாற்றில் பதவியில் உள்ள அதிபர், பிரதமர், எதிர்க்கட்சித் தலைவர் என எவருமே போட்டியிடாத முதலாவது அதிபர் தேர்தல்.

8:11 AM, 16 Nov

வாக்குச் சாவடிகளில் 25,000 போலீசார் பாதுகாப்பு பணியில் ஈடுபட்டுள்ளனர்; நடமாடும் கண்காணிப்பில் 3000 அதிகாரிகள் ஈடுபடுத்தப்ப்ட்டுள்ளனர். கலவரங்களை அடக்கும் அதிரடி படையினரும் குவிக்கப்பட்டுள்ளனர்- எஸ்எஸ்பி ருவான் குணசேகர

8:37 AM, 16 Nov

வவுனியா

வவுனியாவில் 142 வாக்குச் சாவடிகளில் அமைதியான முறையில் வாக்குப் பதிவு நடைபெற்று வருகிறது. வவுனியா தமிழ் மத்திய மகாவித்தியாலயா வாக்குச் சாவடியில் எம்.பி. மஸ்தான் முதல் வாக்கைப் பதிவு செய்தார்.

8:37 AM, 16 Nov

முல்லைத்தீவு

முல்லைத்தீவு உள்ளிட்ட தமிழர் பிரதேசங்களிலும் விறுவிறுவாக்குப் பதிவு நடைபெற்று வருகிறது.

8:37 AM, 16 Nov

கொழும்பு

வாக்குச் சாவடிக்கு செல்வதற்கு முன்பாக கதிர்காமம் கிரிவெஹர, கதிர்காம கோவில் ஆகியவற்றில் வழிபாடு நடத்தினார் சஜித் பிரேமதாச.

8:38 AM, 16 Nov

மட்டக்களப்பு

மட்டக்களப்பு முறகொட்டான் சேனையில் நேற்று இரவு கோத்தபாய ராஜபக்சேவின் ஆதரவாளரின் வாகனம் தீ வைத்து எரிக்கப்பட்டது.

8:42 AM, 16 Nov

யாழ்ப்ப்பாணம்

யாழ் குடத்தனை அரசினர் தமிழ் கலவன் பாடசாலையில் எம்.பி. சுமந்திரன் வாக்களித்தார்.

I have voted to protect #democracy. Have you? #PresPollSL2019 #lka pic.twitter.com/6qvmMsjnFR
— Abraham Sumanthiran (@MASumanthiran) November 16, 2019

8:51 AM, 16 Nov

யாழ்ப்பாணம்

யாழ்ப்பாணத்தின் பல இடங்களில் நீண்ட வரிசைகளில் நின்று மக்கள் வாக்களித்து வருகின்றனர்.

8:55 AM, 16 Nov

ஹம்பந்தோட்டா

ஐக்கிய தேசியக் கட்சியின் அதிபர் வேட்பாளர் சஜித் பிரேமதா ஹம்பந்தோட்டாவில் வாக்களித்தார்

9:05 AM, 16 Nov

ஹம்பந்தோட்டா

அதிபர் வேட்பாளர் சஜித் பிரேமதாசவின் தமிழ் ட்விட்டர் பதிவு: இன்று, ஆசியாவின் பழமையான ஜனநாயக அரசின் மில்லியன் கணக்கான பொது மக்களுடன் சேர்ந்து எங்கள் மாநிலத் தலைவரை தேர்ந்தெடுக்கும் பணியில் பங்கேற்கிறேன். உங்கள் வாக்கு உங்கள் உரிமை, அது உங்கள் சக்தி, அது நம் எதிர்காலத்தை தீர்மானிக்கும். உங்கள் வாக்களிக்கும் சக்தியைப் பயன்படுத்துங்கள்!

இன்று, ஆசியாவின் பழமையான ஜனநாயக அரசின் மில்லியன் கணக்கான பொது மக்களுடன் சேர்ந்து எங்கள் மாநிலத் தலைவரை தேர்ந்தெடுக்கும் பணியில் பங்கேற்க்கிறேன். உங்கள் வாக்கு உங்கள் உரிமை, அது உங்கள் சக்தி, அது நம் எதிர்காலத்தை தீர்மானிக்கும். உங்கள் வாக்களிக்கும் சக்தியைப் பயன்படுத்துங்கள்! pic.twitter.com/t3tGtCJnGl
— Sajith Premadasa (@sajithpremadasa) November 16, 2019

9:11 AM, 16 Nov

மிரிஹான

ஶ்ரீலங்கா பொதுஜன பெரமுன வேட்பாளர் கோத்தபாய ராஜபக்சே வாக்களித்தார்.

9:17 AM, 16 Nov

கொழும்பு

இலங்கை அதிபர் தேர்தலில் தற்போதைய சூழ்நிலையில் 80%- 85% வாக்குகள் பதிவாக வாய்ப்பிருக்கிறது என்கின்றனர் தேர்தல் வல்லுநர்கள்

9:18 AM, 16 Nov

கொழும்பு

முஸ்லிம் காங்கிரஸ் தலைவர் அப்துல் ரவூப் ஹக்கீம் வாக்களித்தார்.

Just cast my precious vote at the Presidential election today, for victory of democracy and peace among all communities of Mother Lanka! #SriLanka #PresPollSL2019 pic.twitter.com/LfFvdNPpJX
— Rauff Hakeem (@Rauff_Hakeem) November 16, 2019

9:18 AM, 16 Nov

புத்தளம்

புத்தளத்தில் இருந்து மன்னாருக்கு வாக்காளர்களை ஏற்றி சென்ற பேருந்து மீது அனுராதபுரம் தந்திரிமலைப் பகுதியில் மர்ம நபர்கள் துப்பாக்கிச் சூடு. இதில் யாருக்கும் காயமில்லை

9:22 AM, 16 Nov

ஹம்பந்தோட்டா

ஹம்பந்தோட்டாவில் ராஜபக்சே குடும்பத்தினர் ஒன்றாக சென்று வாக்களித்தனர்.

Fulfilled our democratic duty early in the morning in Hambantota. Very encouraging to see so many people coming out early to #vote to do their part for the country. #SriLanka #PresPollSL #PresPoll2019 pic.twitter.com/xCTrrzglO1
— Namal Rajapaksa (@RajapaksaNamal) November 16, 2019

9:43 AM, 16 Nov