வெல்கம்ஹோம் அபிநந்தன்.. எல்லா டிவியிலும் சிங்கக் குட்டியின் முகம்தான்!
Recommended Video
டெல்லி: டிவி சானல்களில் திரும்பிய பக்கமெல்லாம் இந்திய சிங்கம் அபிநந்தன் முகம்தான். பாகிஸ்தானுக்குள் புகுந்து எதிரிப்படை விமானத்தைத் தாக்கி தகர்த்து சாதனை செய்த அபிநந்தன் இன்று ஹீரோவாக நாடு திரும்பியுள்ளார்.
யாருக்கும் பொறுப்பில்லை, யாருக்கும் அக்கறையில்லைன்னு அலுத்துக்கறோம். ஆனா, நாட்டுக்கு ஏதாவது ஒன்று என்றால் சிங்கம் போல சிலிர்த்தெழு விடும் ஒட்டு மொத்த தேசமும். அப்படித்தான் நடந்ததன அபிநந்தன் விஷயத்திலும்.
இந்திய விமானப்படை விங் கமாண்டர் அபிநந்தன் பாகிஸ்தான் படையிடம் சிக்கியதால் மக்கள் பெருத்த சோகமடைந்து அவருக்காக பிரார்த்தனை செய்து வந்தனர். டிவி சானல்கள் எல்லாம் அபிநந்தன் குறித்த விவாதங்களுக்குத் திரும்பின. வெட்டிக் கதைகள் பேசிக் கொண்டிருந்த சானல்களை தேசத்திற்காக பேச வைத்தார் அபிநந்தன்.
விளம்பரம், வருமானம் என்று கவலைப்படாமல் தொடர்ந்து சின்னத்திரை செய்தி சேனல்கள் அபிநந்தன் குறித்த செய்திகளை உடனுக்குடன் தெரிவித்து மக்களுக்கு ஆறுதல் தெரிவித்து வந்தது பாராட்டுதல்களுக்கு உரியதுதானே.
டீ கொடுத்து.. செல்ஃபி எடுத்து.. அபிநந்தனை நெகிழ வைத்த பாகிஸ்தான் ரேஞ்சர்கள்
இந்தியாவின் 130 கோடி மக்களின் குரல், பாகிஸ்தான் பிரதமர் இம்ரான்கானின் காதுகளில் ஒலித்து கருணையை வரவழைத்து இருக்குமோ... இதற்கு நம் நாட்டு செய்தி சேனல்களும், உலகளாவிய செய்தி சேனல்களும்தான் காரணம்.. சமூக வலைத் தளங்களில் அபிநந்தன் இந்திய விமானப் படையிடம் ஒப்படைக்கப்பட்ட நிகழ்வு வைரலாகி உள்ளது.
உறக்கமின்றி, உணவு இன்றி தண்ணீரின்றி தவித்தும், செய்திகளை உடனுக்குடன் கொடுத்த செய்தி சேனல்களுக்கு இந்த நேரத்தில் சல்யூட்.. ஜெய்ஹிந்த், வெல்கம் ஹோம் அபிநந்தன்!
உலக அளவில் முதலிடம் பிடித்த அபிநந்தன் ஹேஸ்டேக்... பட்டாசு வெடித்து கொண்டாட்டம்
அதை விடுங்க.. வெல்கம்ஹோம் அபிநந்தன் என்கிற ஆங்கில வார்த்தை உலகளாவிய டிரெண்டிங்கில் வலைத்தளங்களில் முதலிடம் பிடித்துள்ளது!