என்ன இப்படி ஆரம்பிச்சிட்டீங்க.. ஏடிஎம் மெஷினை இப்படியுமா கொள்ளையடிப்பார்கள்? வைரல் வீடியோ
டெல்லி: கொள்ளைகள் பலவிதம், அதில் இது புதுவிதம் என்று வைரலாக சுற்றி வருகிறது, ஒரு வீடியோ.
தொழில்நுட்பம் வளர வளர கொள்ளையர்களும், புதிது புதிதாக தங்களை அப்டேட் செய்து கொண்டுதான் உள்ளனர். இப்படித்தான், ஏடிஎம் மையங்களில் புகுந்து கொள்ளையர்கள் கொள்ளையடிப்பதை பார்த்திருப்போம். ஆனால், அதிலும் ரிஸ்க் உண்டு. திடீரென அலாரம் அடித்து போலீஸ் வந்துவிடுவார்கள், ஏடிஎம் மிஷினை உடைப்பதும் அவ்வளவு எளிதில் நடக்காது.
அந்த ரிஸ்க்கை குறைக்கத்தான், இப்படி இறங்கிவிட்டார்கள் ஒரு கொள்ளை கும்பல். எந்த நாடு என தெரியவில்லை. ஆனால் ஃபுல்டோசரை கொண்டு ஒரு ஏடிஎம் மையத்தில் உள்ள ஏடிஎம் மிஷினை ஒரு கொள்ளை கும்பல் உடைத்து எடுத்துச் செல்கிறது. சாவகாசமாக அதை செய்கிறார்கள். சிசிடிவியில் பதிவாகியுள்ள இந்த காட்சி வைரலாக சுற்றி வருகிறது.
இருப்பினும், உண்மையிலேயே இது உடைக்கப்பட்ட ஏடிஎம் மெஷினா அல்லது, வேறு ஏதேனும் பணி நிமித்தம் எடுத்துச் செல்லப்பட்டதா என்பதையும் உறுதி செய்ய வேண்டியுள்ளது.