Bharat Bandh Live Updates: நெடுஞ்சாலைகளில் மறியல்-அதிர்ந்தது தலைநகர் டெல்லி- முடங்கியது போக்குவரத்து

டெல்லி: மத்திய அரசின் மூன்று புதிய விவசாய சட்டங்களுக்கு எதிராக டெல்லியில் போராடும் விவசாயிகள் அழைப்பு விடுத்த நாடு தழுவிய முழு அடைப்பு- பாரத் பந்த் போராட்டம் இன்று காலை 6 மணி முதல் நடைபெற்று வருகிறது. பாரத் பந்த் போராட்டத்துக்கு காங்கிரஸ், திமுக, ஆர்ஜேடி, சமாஜ்வாதி, திரிணாமுல் காங்கிரஸ், இடதுசாரிகள் என அனைத்து எதிர்க்கட்சிகளும் ஆதரவு தெரிவித்துள்ளதால் பல மாநிலங்களில் இயல்பு வாழ்க்கை முடங்கி உள்ளது.

மத்திய பா.ஜ.க. அரசு கடந்த ஆண்டு 3 புதிய விவசாய சட்டங்களை கொண்டு வந்தது. இந்த விவசாய சட்டங்கள், விவசாயத்துறையை கார்ப்பரேட் நிறுவனங்களுக்கு தாரை வார்க்க உதவும் என்பது விவசாயிகளின் எதிர்ப்புக்கு காரணம்.

இந்த 3 விவசாய சட்டங்களை மத்திய அரசு திரும்பப் பெறக் கோரி டெல்லி எல்லைகளில் கடந்த 10 மாதங்களாக பல்வேறு விவசாய சங்கங்களைச் சேர்ந்த ஆயிரக்கணக்கான விவசாயிகள் தொடர் போராட்டம் நடத்தி வருகின்றனர். இதுவரை பல்வேறு கட்ட போராட்டங்களையும் விவசாயிகள் நடத்தியுள்ளனர்.

இப்போராட்டத்தின் ஒரு கட்டமாக இன்று நாடு தழுவிய முழு அடைப்புப் போராட்டம்- பாரத் பந்த் அறிவிக்கப்பட்டது. இன்று காலை 6 மணிக்கு பாரத் பந்த் போராட்டம் தொடங்கியது. பாரத் பந்த் போராட்டத்தின் லைவ் அப்டேட்டுகளை இப்பகுதியில் காணலாம்.

English summary

Here is Live updates on Farmers Today Bharat Bandh,