டெல்லியில் 7 தொகுதியிலும் பாஜக முன்னிலை.. போராடும் காங்கிரஸ், ஆம் ஆத்மி!

டெல்லி: டெல்லியிலும் காங்கிரஸ் கட்சிக்கு பின்னடைவு ஏற்பட்டுள்ளது. பாஜக 7 தொகுதிகளிலும் முன்னிலையில் உள்ளது.

நாடு முழுவதும் நாடாளுமன்ற லோக்சபா தேர்தல் முடிவுகள் வெளியாகி வருகின்றன. இதில் பாஜகவே அதிக இடங்களில் முன்னிலை பெற்று வருகிறது.

நாடு முழுவதும் 542 லோக்சபா தொகுதிகளில் பதிவான வாக்குகளை எண்ணும் பணி நடைபெற்று வருகிறது. இதில் தற்போது வரை 300க்கும் மேற்பட்ட இடங்களில் பாஜக முன்னிலை பெற்றுள்ளது.

காங்கிரஸ் கட்சிக்கு பின்னடைவு ஏற்பட்டுள்ளது. காங்கிரஸ் கட்சி 100க்கும் மேற்பட்ட இடங்களில் முன்னிலை வகிக்கிறார். டெல்லி கிழக்கு தொகுதியில் போட்டியிட்ட முன்னாள் கிரிக்கெட் வீரர் கவுதம் கம்பீர் முன்னிலை வகித்து வருகிறார்.

எஞ்சிய தொகுதிகளிலும் பாஜக வேட்பாளர்களே முன்னிலையில் உள்ளனர். அதேநேரத்தில் காங்கிரஸ் கட்சியை போலவே ஆம் ஆத்மி கட்சியும் டெல்லியில் பெரும் பின்னடைவை சந்தித்து வருகிறது.

English summary

BJP leads in Delhi, set back for AAP and congress