மத்தியில் மீண்டும் பாஜக ஆட்சி... 283 தொகுதிகளை வெல்லும்.. டைம்ஸ் நவ் கருத்து கணிப்பில் தகவல்
Recommended Video
டெல்லி:லோக்சபா தேர்தலில் பாஜக தலைமையிலான தேசிய ஜனநாயக கூட்டணி 283 தொகுதிகளில் வென்று மீண்டும் ஆட்சி அமைக்கும் என்று பிரபல ஆங்கில தொலைக்காட்சி நடத்திய கருத்து கணிப்பில் தெரிய வந்துள்ளது.
பிரபல தொலைக்காட்சியான டைம்ஸ் நவ்வும், விஎம்ஆர் நிறுவனமும் இணைந்து இந்த கருத்து கணிப்பை நடத்தின. கருத்துக் கணிப்பு முடிவுகளை டைம்ஸ் நவ் தொலைக்காட்சி வெளியிட்டுள்ளது.
அதில் பாஜக கூட்டணிக்கு 283 இடங்கள் கிடைக்கும். காங்கிரஸ் கூட்டணிக்கு 135 இடங்களே கிடைக்கும் என்று தெரிவிக்கப்பட்டுள்ளது. 125 தொகுதிகளை மற்ற கட்சிகள் வெல்லும் என்று கூறப்பட்டுள்ளது.
முன்னாள் அமைச்சர் பாலகிருஷ்ண ரெட்டியின் மனைவிக்கு வாய்ப்பு.. அதிமுகவின் சென்டிமென்ட் எடுப்படுமா?
உ.பி.நிலவரம்
அதில் ஒவ்வொரு மாநிலம் வாரியாக லோக்சபா தேர்தலில் யார் வெற்றி பெறுவார்கள் என்று வெளியிட்டது. அந்த கணிப்புகளில் அனைவரும் எதிர்பார்த்த உத்தரப்பிரதேச மாநில கருத்து கணிப்புகளும் அடங்கும்.
பாஜகவுக்கு 42 தொகுதிகள்
அதில் அம்மாநிலத்தில் மொத்தம் உள்ள 80 தொகுதிகளில் பாஜக கூட்டணி 42 இடங்களை கைப்பற்றும். மாயாவதி, அகிலேஷ் கூட்டணி 36 தொகுதிகளை வெல்லும், காங்கிரஸ் 2 தொகுதிகளில் வெற்றி பெறும் என்று தெரிவிக்கப்பட்டுள்ளது.
பாஜக கூட்டணிக்கு ஆதரவு
ராஜஸ்தானில் உள்ள 25 தொகுதிகளில் பாஜக கூட்டணிக்கு 20 தொகுதிகளும், காங்கிரஸ் கூட்டணிக்கு 5 தொகுதிகளும் கிடைக்கும்.சத்தீஸ்கர் மாநிலத்தில் 11 தொகுதிகளில் பாஜக கூட்டணி 6 தொகுதிகளிலும், காங்கிரஸ் கூட்டணி 5 தொகுதிகளில் வெற்றி பெறும் என்று தெரிவிக்கப்பட்டுள்ளது.
பாஜகவுக்கு 5 தொகுதிகள்
உத்தராகண்ட் மாநிலத்தில் உள்ள 5 தொகுதிகளையும் பாஜக கூட்டணி வெல்லும் என்று அந்த கருத்து கணிப்பு முடிவுகளில் கூறப்பட்டுள்ளது. மத்திய பிரதேசத்தில் உள்ள 29 தொகுதிகளில் பாஜகவுக்கு கூட்டணிக்கு 22 தொகுதிகளும், காங்கிரஸ் கூட்டணிக்கு வெறும் 7 தொகுதிகள் மட்டுமே கிடைக்கும் என்று தெரிவிக்கப்பட்டுள்ளது.
டெல்லியில் பாஜக
தலைநகர் டெல்லியில் உள்ள 7 தொகுதிகளையும் பாஜக கூட்டணி அமோகமாக கைப்பற்றும். ஆம் ஆத்மி உள்ளிட்ட மற்ற கட்சிகள் படுதோல்வி அடையும் என்று கூறப்பட்டுள்ளது.
அரியானாவில் வெற்றி
அரியானாவில் 10 தொகுதிகளில் 8 தொகுதிகள் பாஜக கூட்டணிக்கும், 2 தொகுதிகள் காங்கிரஸ் கூட்டணிக்கு கிடைக்கும் என்று கருத்து கணிப்பில் தெரிவிக்கப்பட்டுள்ளது. பீகாரில் காங்கிரஸ் கூட்டணிக்கு 13 தொகுதிகளிலும், பாஜக கூட்டணிக்கு 17 தொகுதிகளும் கிடைக்கும்.