• search
டெல்லி அப்டேட்டுகளுக்கு
நோட்டிபிகேஷனை அனுமதி  

என்ன நியாயம்? எடியூரப்பாவுக்கு க்ரீன் சிக்னல்.. அத்வானி உள்ளிட்டோருக்கு முதியோர் குழுவில் இடம்!

|

டெல்லி: 75 வயதானவர்களை முதியோர் குழுவில் இடம்பெற வைத்து ஒதுக்கி வைக்கும் கொள்கைக்கு விடைகொடுத்துவிட்டு 76 வயதாகும் எடியூரப்பா கர்நாடகா முதல்வராக பச்சைகொடி காட்டியுள்ளது பாஜக மேலிடம்.

2014-ல் பாஜக தலைமையிலான தேசிய ஜனநாயக கூட்டணி ஆட்சி அமைந்த போது முன்னாள் துணை பிரதமர் அத்வானிக்கு கேபினட்டில் என்ன இடம் கிடைக்கும் என்பது விவாத பொருளாக இருந்தது. முன்னாள் துணை பிரதமர் என்பதால் அமைச்சர் பதவி கொடுப்பது சரியாக இருக்காது என்கிற கருத்தும் முன்வைக்கப்பட்டது.

BJPs retirement at 75 rule not applicable for Yeddiurappa

ஆனால் பாஜக மேலிடமோ அத்வானி, முரளிமனோகர் ஜோஷி உள்ளிட்ட 75 வயதை கடந்தவர்களை ஒதுக்கி வைக்கும் வகையில் கட்சியில் ஆலோசனை குழு என ஒன்றை உருவாக்கி அதில் இடம்பெறவைத்தனர். இதனால் அத்வானி உள்ளிட்ட கட்சியின் மூத்த தலைவர்கள் கடும் அதிருப்தியில் இருந்து வருகின்றனர்.

இதே பாணியில் 75 வயது என்பதால் குஜராத் முதல்வராக இருந்த ஆனந்திபென் பட்டேலும் ராஜினாமா செய்ய வைக்கப்பட்டார். 75 வயதை காரணம் காட்டி மத்திய அமைச்சராக இருந்த நஜ்மா ஹெப்துல்லா, சித்தேஸ்வராவும் ராஜினாமா செய்தனர்.

பாஜகவை தூரமாக வைத்தும்.. அதிமுகவின் அடிவயிற்றை கலக்கும் "அந்த 3 லட்சம்"!

அத்துடன் எந்த தேர்தலிலும் அத்வானி உள்ளிட்ட மூத்த கட்சித் தலைவர்களை பிரசாரத்துக்கு கூட பாஜக அழைப்பது இல்லை. அண்மையில் நடைபெற்ற லோக்சபா தேர்தலிலும் இந்த அவமானம் தங்களுக்கும் நேரிடும் என கருதியே மூத்த பாஜக தலைவர்கள் பலரும் ஒதுங்கி மவுனம் காத்தனர்.

இந்த அடிப்படையில்தான் கர்நாடகாவில் மீண்டும் முதல்வராக 76 வயதாகும் எடியூரப்பாவுக்கு வாய்ப்பு கிடைக்குமா? கிடைக்காதா? என்கிற கேள்விகள் எழுந்தன. ஆனால் பாஜக மேலிடம் எடியூரப்பாவுக்கு மட்டும் விதிவிலக்கு அளித்துள்ளது.

தற்போது கர்நாடகா முதல்வராக 4-வது முறையாக எடியூரப்பா பதவி ஏற்க உள்ளார். ஏற்கனவே 3 முறை முதல்வராக பதவி வகித்த எடியூரப்பா 5 ஆண்டுகாலம் முழுமையாக பதவி வகித்தது இல்லை. சொற்பநாட்களில் பதவியை பறிகொடுத்த வரலாற்றுக்கு சொந்தக்காரர் எடியூரப்பா என்பது குறிப்பிடத்தக்கது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
BJP gave exception age limit to Yeddyurappa for the CM Post of Karnataka.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more