தீபிகா படுகோனின் சபாக் திரைப்படத்துக்கு வரிவிலக்கு- 3 மாநில காங். அரசுகள் அதிரடி
டெல்லி: தீபிகாபடுகோன் நடித்துள்ள சபாக் திரைப்படத்துக்கு மத்திய பிரதேசம், சத்தீஸ்கர் மற்றும் புதுவை அரசுகள் வரிவிலக்கு அறிவித்துள்ளன.
டெ,ல்லி ஜே.என்.யூ. மாணவர்கள் மீது கொடூர தாக்குதல் நடத்தப்பட்டதை கண்டித்து குரல் கொடுத்தவர் தீபிகா படுகோன். டெல்லியில் ஜே.என்.யூ. மாணவர்கள் போராட்டத்துக்கு நேரில் சென்று ஆதரவும் கொடுத்தார்..
இதனால் அவர் நடித்து நாளை வெளியாகும் சபாக் திரைப்படத்தை புறக்கணிக்க வேண்டும் என்று பாஜக உள்ளிட்ட அமைப்புகள் வலியுறுத்தி வருகின்றன. சமூக வலைதளங்களில் இதற்கான பிரசாரங்கள் தீவிரமாக முன்னெடுக்கப்படுகின்றன.
இந்நிலையில் தீபிகா படுகோனுக்கு ஆதரவு தெரிவிக்கும் வகையில் காங்கிரஸ் ஆளும் மத்திய பிரதேசம், சத்தீஸ்கர் மற்றும் புதுவை அரசுகள், சபாக் திரைப்படத்துக்கு வரிவிலக்கு அளித்து அறிவிப்பு வெளியிட்டுள்ளன.
சென்னையில் தங்கம் விலை சரசரவென சரிவு... ஒரே நாளில் படுவீழ்ச்சி