மோடிதான் ஹீரோ.. 17 மாநிலங்களில் காங்கிரஸ்க்கு பூஜ்ஜியம்.. கொட்டித்தீர்த்த அமித்ஷா!

டெல்லி: நாடாளுமன்ற தேர்தலில் பாஜக அபார வெற்றி பெற்றுள்ள நிலையில் இந்த வெற்றியின் ஹீரோ மோடிதான் என புகழ்ந்து தள்ளியுள்ளார் அமித்ஷா. அதேநேரத்தில் 17 மாநிலங்களில் காங்கிரஸ் கட்சிக்கு பூஜ்ஜியம் கிடைத்துள்ளது என கடுமையாக விமர்சித்துள்ளார்.

நடந்து முடிந்த நாடளுமன்றத்துக்கான லோக் சபா தேர்தலில் பாஜக இமாலய வெற்றி பெற்றுள்ளது. இதைத்தொடர்ந்து இரண்டாவது முறையாக பிரதமராக நரேந்திர மோடி பதவியேற்கவுள்ளார்.

பிரதமர் மோடியின் வெற்றிக்கு பாஜக மூத்த தலைவர்களான அத்வானி உள்ளிட்ட பலரும் வாழ்த்து தெரிவித்துள்ளனர். ரஷ்ய அதிபர் புடின், பாகிஸ்தான் பிரதமர் இம்ரான்கான், மற்றும் பூடான், சீனா, ஜப்பான் உள்ளிட்ட உலக நாடுகளின் தலைவர்களும் பிரதமர் மோடிக்கு வாழ்த்து தெரிவித்துள்ளனர்.

உற்சாக வரவேற்பு

இந்நிலையில் தேர்தல் முடிவுகளை தொடர்ந்து பாஜக தேசிய தலைவர் அமித்ஷா, மற்றும் பிரதமர் நரேந்திரமோடி ஆகியோர் டெல்லியில் உள்ள கட்சியின் தலைமை அலுவலத்தில் தொண்டர்களை சந்தித்தனர். அப்போது தலைமையகத்தில் மலர்கள் தூவி பிரதமர் மோடிக்கு தொண்டர்கள் உற்சாக வரவேற்பு அளித்தனர்.

காங்.குறித்து விமர்சனம்

இதைத்தொடர்ந்து பேசிய பாஜக தலைவர் அமித்ஷா, பிரதமர் மோடியை புகழ்ந்து தள்ளினார். அதேநேரத்தில் காங்கிரஸ் கட்சியை அவர் கடுமையாக விமர்சித்தார். அவர் பேசியதாவது, எதிர்க்கட்சிகளின் மாபெரும் கூட்டணியை தகர்த்துள்ளோம்; வரலாற்று சிறப்புமிக்க இந்த வெற்றியின் கதாநாயகன் மோடியே

பெரிய பூஜ்ஜியம்

17 மாநிலங்களில் காங்கிரஸ் கட்சி பெரிய பூஜ்ஜியத்தை பெற்றுள்ளது. பல தொல்லைகளை தாண்டி மேற்கு வங்கத்தில் 18 தொகுதிகளில் வெற்றி பெற்றுள்ளோம் என்றார்.

அமித் ஷா வாழ்த்து

மேலும் ஒடிசாவில் வெற்றி பெற்ற நவீன்பட்நாயக், சிக்கிமில் வென்ற பவன்குமார் சாம்லிங்குக்கு வாழ்த்து தெரிவித்த அமித்ஷா ஆந்திராவில் வெற்றி பெற்றுள்ள ஜெகன்மோகன் ரெட்டிக்கும் வாழ்த்துக்களை கூறினார்.

English summary

BJP president Amit Shah praises Modi and teasing congress. He said congress gets big zero in the election.