காங்கிரஸ் கட்சி தேர்தல் அறிக்கையின் 5 முக்கிய அம்சங்கள் இவைதான்!

டெல்லி: காங்கிரஸ் கட்சி இன்று வெளியிட்ட தேர்தல் அறிக்கையில், 5 முக்கிய அம்சங்கள் ஆதாரமாக கொள்ளப்பட்டுள்ளது.

லோக்சபா தேர்தலையொட்டி காங்கிரஸ் தனது தேர்தல் அறிக்கையை இன்று வெளியிட்டது. அப்போது பேசிய அக்கட்சி தலைவர் ராகுல் காந்தி, 5 முக்கிய அம்சங்களை ஆதாரமாக கொண்டு இந்த தேர்தல் அறிக்கை தயாரிக்கப்பட்டுள்ளதாக கூறினார்.

அந்த 5 அம்சங்கள் இவைதான்:

• நியாய் திட்டத்தின் கீழ், வறுமைக் கோட்டுக்கு கீழேயுள்ள ஏழை மக்களுக்கு வருடத்திற்கு குறைந்தபட்சமாக ரூ.72,000 வழங்கப்படும்.

• அரசுப் பணிகளில் காலியாக உள்ள 22 லட்சம் பணியிடங்கள் நிரப்பப்படும். பஞ்சாயத்துகளில் 10 லட்சம் வேலைவாய்ப்புகள் இளைஞர்களுக்கு உருவாக்கப்படும். புதிதாக தொழில் தொடங்குவோர் முதல் 3 வருடங்களுக்கு எந்தவிதமான அனுமதியும் பெற வேண்டியதில்லை. மகாத்மா காந்தி தேசிய ஊரக வேலைவாய்ப்பு திட்டத்தில் 150 நாட்களாக வேலை நாட்கள் உயர்த்தப்படும்.

• விவசாயிகளுக்கு தனி பட்ஜெட் தாக்கல் செய்யப்படும். கடனை திரும்ப செலுத்தாத விவசாயிகள் கிரிமினல் குற்றவாளிகளாக பார்க்கப்பட மாட்டார்கள். சிவில் குற்றமாக மட்டுமே பார்க்கப்படும்.

• கல்விக்கு மொத்த உள்நாட்டு உற்பத்தியில் 6% நிதி ஒதுக்கப்படும். தனியார் காப்பீட்டு நிறுவனங்களை தவிர்த்து, பொதுத்துறை காப்பீட்டு நிறுவனங்கள் பலப்படுத்தப்படும்.

• தேசிய பாதுகாப்பு மற்றும் உள்நாட்டு பாதுகாப்புக்கு கூடுதல் அக்கறை செலுத்தப்படும்.

இவைதான் காங்கிரஸ் தேர்தல் அறிக்கையின் அடிப்படையான 5 அம்சங்களாகும்.

English summary

22 lakh government vacancies will be filled. 10 lakh jobs in panchayats. Entrepreneurs won't need any permission for starting business in 3 years. 150 days of work gauranteed under NREGA.