உலகம் முழுவதும் 2 கோடியே 77 லட்சம் பேருக்கு கொரோனா - 1 கோடியே 98 லட்சம் பேர் மீண்டனர்
உலகம் முழுவதும் கொரோனா வைரஸ்க்கு பாதிக்கப்பட்டவர்களின் எண்ணிக்கை 2 கோடியே 77 லட்சத்து 20 ஆயிரம் பேராக அதிகரித்துள்ளது.
டெல்லி: உலகம் முழுவதும் 2 கோடியே 77 லட்சத்து 20 ஆயிரத்து 836 பேருக்கு கொரோனா தொற்று உறுதி செய்யப்பட்டுள்ளது. வைரஸ் பாதிப்பில் இருந்து 1 கோடியே 98 லட்சத்துக்கும் அதிகமானோர் குணமடைந்துள்ளனர். ஆனாலும், கொரோனாவால் இதுவரை 9 லட்சம் பேர் உயிரிழந்துள்ளனர்.
வைரஸ் பாதிப்பு உறுதி செய்யப்பட்டவர்களில் 70 லட்சத்து 11 ஆயிரத்து 978 பேர் சிகிச்சை பெற்று வருகின்றனர். சிகிச்சை பெறுபவர்களில் 60 ஆயிரத்து 311 பேரின் நிலைமை கவலைக்கிடமாக உள்ளது.
கொரோனாவை கட்டுப்படுத்தவும், வைரஸ் பரவாமல் தடுக்கவும் மருந்து கண்டுபிடிக்க விஞ்ஞானிகள் தீவிர முயற்சி மேற்கொண்டு வருகின்றனர். ஆனாலும் கொரோனாவின் தாக்கம் நாளுக்கு நாள் அதிகரித்துக்கொண்டே உள்ளது.
கொரோனாவில் இருந்து 1 கோடியே 98 லட்சத்துக்கும் அதிகமானோர் சிகிச்சைக்கு பின் குணமடைந்துள்ளனர். ஆனாலும், உலகம் முழுவதும் வைரஸ் தாக்குதலுக்கு இதுவரை 9 லட்சத்து 843 பேர் உயிரிழந்துள்ளனர்.
இந்து சமய அறநிலையத்துறை அமைச்சர் சேவூர் ராமச்சந்திரனுக்கு கொரோனா பாதிப்பு
அமெரிக்காவில் 1,94,011 பேர் மரணமடைந்துள்ளனர். பிரேசிலில் கொரோனா தாக்கி 1,27,517 பேர் மரணமடைந்துள்ளனர். இந்தியாவில் 73941 பேர் கொரோனாவிற்கு பலியாகியுள்ளனர்.