திமுக 16, அதிமுக 12, அமமுக- பாமக தலா 2, தேமுதிக- 0.. இதாங்க இந்தியா டிவி கருத்து கணிப்பு!
Recommended Video
டெல்லி: தமிழகத்தில் நடைபெறும் லோக்சபா தேர்தலில் திமுக 16 இடங்களில் வெற்றி பெறும் என இந்தியா- சிஎன்எக்ஸ் கருத்து கணிப்பு முடிவுகளில் வெளியாகியுள்ளன.
லோக்சபா தேர்தல் நாடு முழுவதும் 7 கட்டங்களாக நடைபெறும். தமிழகத்தில் மொத்தம் 39 லோக்சபா தொகுதிகளுக்கு வரும் ஏப்ரல் 18-ஆம் தேதி தேர்தல் நடைபெறும் என அறிவிக்கப்பட்டுள்ளது.
ஒரே கட்டமாக நடைபெறும் இந்த தேர்தலில் ஜெயலலிதா, கருணாநிதி இல்லாததால் பெரும் எதிர்ப்பார்ப்பை ஏற்படுத்தியுள்ளது. இந்தியா டிவியும் சிஎன்எக்ஸும் இணைந்து 38600 பேரிடம் 193 லோக்சபா தொகுதிகளில் கருத்துக் கணிப்பை எடுத்துள்ளன. இவை கடந்த மார்ச் 1 முதல் 7-ஆம் தேதி வரை நடத்தப்பட்டன. இதன் முடிவுகள் தற்போது வெளியாகியுள்ளன.
லோக்சபா தேர்தலில் பாஜக கூட்டணி இமாலய வெற்றி பெறும்.. இந்தியா டிவி சர்வே
அதில் திமுக 16 இடங்களிலும் , அதிமுக 12 இடங்களிலும் , அமமுக பாமக 2 இடங்களிலும் மற்ற கட்சிகள் ஒரு இடங்களிலும் வெற்றி பெறும் என குறிப்பிடப்பட்டுள்ளது. ஆனால் தேமுதிக வழக்கம் போல் இந்த தேர்தலிலும் ஒரு இடத்திலும் வெற்றி பெறாது என கருத்து கணிப்புகள் கூறுகின்றன.
கருத்து கணிப்புகளில் கூட வெற்றி பெற முடியாத தேமுதிக இத்தனை நாட்களாக தங்களது இத்தனை தொகுதி வேண்டும் அத்தனை தொகுதி வேண்டும் என பேரம் பேசி வந்ததை நினைக்கும் போது அதிர்ச்சியாக உள்ளது.