• search
டெல்லி அப்டேட்டுகளுக்கு
நோட்டிபிகேஷனை அனுமதி  

ரூ.20,000 கோடியில்'மத்திய விஸ்டா' திட்டம்..நேருக்கு நேர் கேள்வி கேட்ட டி.ஆர்.பாலு..மிரண்டுபோன பாஜக!

Google Oneindia Tamil News

டெல்லி: மத்திய விஸ்டா திட்டத்துக்கு சுற்றுச்சூழல் அனுமதி பெறப்பட்டதா? என்று மக்களவையில் தி.மு.க எம்.பி. டி.ஆர்.பாலு கேள்வி எழுப்பினார். இதற்கு மத்திய அமைச்சர் ஹர்தீப் சிங் பூரி பி-அதில் அளித்து பேசினார்.

தலைநகர் டெல்லியில் 'மத்திய விஸ்டா' என்னும் திட்டத்தின் கீழ் புதிய பிரமாண்ட நாடாளுமன்ற கட்டிடம் மற்றும் பிரதமர் இல்லம் கட்டப்பட்டு வருகிறது. சுமார் ரூ. 20,000 கோடி மதிப்பில் இந்த கட்டிடம் கட்டப்பட்டு வருவதாக கூறப்படுகிறது.

நாட்டில் கொரோனா வைரஸ் தொற்றால் பொருளாதாரம் முடங்கி இருக்கும் இந்த நிலையில் ரூ. 20,000 கோடி மதிப்பில் இந்த கட்டிடம் தேவையா? என்று பல்வேறு தரப்பினர் கேள்வி எழுப்பினார்கள்.

நீங்காத நினைவுகள்... மனைவியின் மறைவால் மனம் தளரும் ஆ.ராசா... ஆறுதல் கூறும் நண்பர்கள்..! நீங்காத நினைவுகள்... மனைவியின் மறைவால் மனம் தளரும் ஆ.ராசா... ஆறுதல் கூறும் நண்பர்கள்..!

மத்திய விஸ்டா திட்டம்

மத்திய விஸ்டா திட்டம்

மத்திய அரசு விஸ்டா திட்டத்தை ஒதுக்கி வைத்து மக்களின் நலன் மீது கவனம் செலுத்த வேண்டும், மருத்துவக் கட்டமைப்புகளை அதிகமாக உருவாக்கி மக்களின் உயிர்களைக் காக்க வேண்டும் என்று காங்கிரஸ் உள்ளிட்ட எதிர்க்கட்சிகள் அப்போதே கேள்வி எழுப்பி கடும் கண்டனம் தெரிவித்து இருந்தன. இந்த நிலையில் மத்திய விஸ்டா திட்டம் குறித்து நாடாளுமன்றத்தில் தி.மு.க எம்.பி டி.ஆர்.பாலு கேள்வி எழுப்பினார்.

 டி.ஆர்.பாலு கேள்வி

டி.ஆர்.பாலு கேள்வி

மத்திய விஸ்டா திட்டத்தை, சிறு சிறு திட்டங்களாகப் பிரித்து, தடையில்லாச் சான்றிதழ்கள் பெறுவதிலிருந்து விலக்குப் பெறப்பட்டதா? சுற்றுச்சூழல் அனுமதி பெறப்பட்டதா? என மத்திய வீட்டு வசதி மற்றும் நகர வளர்ச்சித் துறை அமைச்சர் ஹர்தீப் சிங் பூரியிடம் மக்களவையில் டி.ஆர்.பாலு எம்.பி கேள்வி கேட்டார்.

சுற்றுச்சூழல் அனுமதி

சுற்றுச்சூழல் அனுமதி

இதற்கு பதில் அளித்த ஹர்தீப் சிங் பூரி கூறுகையில், ' மத்திய விஸ்டா திட்டத்துக்காக சுற்றுச்சூழல் அனுமதி உள்பட அனைத்து தடையில்லாச் சான்றிதழ்களும் உரிய முறைப்படி பெறப்பட்டுள்ளன. நாடாளுமன்றக் கட்டிடத்துக்கான சுற்றுச்சூழல் அனுமதி கடந்த ஆண்டு ஜூன் மாதம் 17-ம் தேதியே பெறப்பட்டு விட்டது.

உச்சநீதிமன்றம் மறுப்பு

உச்சநீதிமன்றம் மறுப்பு

மத்திய விஸ்டா திட்டத்துக்கான சுற்றுச்சூழல் தாக்க மதிப்பீடுகள் முறையாக நடத்தப்பட்டன. கடந்த மே 21, 2021-ல், சுற்றுச்சூழல் அனுமதி பெறப்பட்டது என்று மத்திய அமைச்சர் ஹர்தீப் சிங் பூரி தெரிவித்தார். மத்திய விஸ்டா திட்டத்துக்கு தடை விதிக்க வேண்டும் என்று உச்சநீதிமன்றத்தில் ஏற்கனவே வழக்கு தொடரப்பட்டது. ஆனால் மத்திய விஸ்டா திட்டத்துக்கு தடை விதிக்க உச்சநீதிமன்றம் மறுத்து விட்டது குறிப்பிடத்தக்கது.

English summary
DMK MP T. R. Baalu questioned in the Lok Sabha ''Has environmental approval been obtained for the central Vista Project?''. Supreme Court has refused to ban the central Vista program
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X