உலக நாடுகளில் ஒருநாள் கொரோனா பாதிப்பில் இந்தியா 9-வது இடம்
டெல்லி: இந்தியாவில் கொரோனா பாதிப்பு வெகுவாக குறைந்துள்ளது. உலக நாடுகளை ஒப்பிடுகையில் ஒருநாள் கொரோனா பாதிப்பில் இந்தியா 9-வது இடத்தில் உள்ளது.
உலக நாடுகளில் மொத்த கொரோனா பாதிப்பு எண்ணிக்கை 9,00,43,283. அனைத்து நாடுகளிலும் கொரோனா மரணங்கள் எண்ணிக்கை 19,33,457 ஆக அதிகரித்துள்ளது.
அமெரிக்காவில்தான் கொரோனா பாதிப்பு தொடர்ந்து உச்சத்தில் உள்ளது. அமெரிக்காவில் ஒரேநாளில் 2,38,546 பேருக்கு கொரோனா பாதிப்பு உறுதியானது. அமெரிக்காவில் தற்போதைய நிலையில் கொரோனா பாதிப்பு எண்ணிக்கை 2,26,88,965; கொரோனா மரணங்கள் எண்ணிக்கை 3,81,367.
அமெரிக்காவை தொடர்ந்து ஒருநாள் கொரோனா பாதிப்பு பிரேசிலில் அதிகமாக உள்ளது. பிரேசிலில் ஒருநாளில் 60,078 பேருக்கும் இங்கிலாந்தில் 59,937; பிரான்சில் 20,177; இத்தாலியில் 19,978 பேருக்கு கொரோனா பாதிப்பு உறுதி செய்யப்பட்டது.
தமிழகத்தில் ஒரே நாளில் 761 பேருக்கு கொரோனா.. மாவட்ட நிலவரம் என்ன தெரியுமா?
உலக நாடுகளில் ஒருநாள் கொரோனா பாதிப்பில் இந்தியா 9-வது இடத்தில் உள்ளது. இந்தியாவில் ஒருநாளில் 18,813 பேருக்கு கொரோனா உறுதி செய்யப்பட்டது. இந்தியாவின் மொத்த கொரோனா பாதிப்பு எண்ணிக்கை 1,04,51,339. மொத்த கொரோனா பாதிப்பில் இந்தியா உலக அளவில் 2-வது இடத்தில் இருந்து வருகிறது.