இந்தியாவில் கொரோனா பாதிப்பு எண்ணிக்கை 94 லட்சத்தை நெருங்குகிறது! 24 மணிநேரத்தில் 496 பேர் மரணம்
டெல்லி: இந்தியாவில் கொரோனா மொத்த பாதிப்பு எண்ணிக்கை 94 லட்சத்தை நெருங்கி உள்ளது. இந்தியாவில் 24 மணிநேரத்தில் 496 பேர் கொரோனாவால் மரணம் அடைந்துள்ளனர்.
உலக நாடுகளில் கொரோனா பாதிப்பு எண்ணிக்கை 6,25,73,187 ஆக உயர்ந்துள்ளது. உலக அளவில் கொரோனா மொத்த பாதிப்பில் இந்தியா 2-வது இடத்தில் உள்ளது.
இந்தியாவில் கடந்த 24 மணிநேரத்தில் மேலும் 41,810 பேருக்கு கொரோனா தொற்று உறுதி செய்யப்பட்டது. இதனையடுத்து இந்தியாவில் மொத்த கொரோனா பாதிப்பு 94 லட்சத்தை நெருங்கியுள்ளது. இந்தியாவில் இதுவரை மொத்த கொரோனா பாதிப்பு எண்ணிக்கை 93,92,920.
கடந்த 24 மணி நேரத்தில் 496 பேர் கொரோனாவால் மரணம் அடைந்துள்ளனர். இதனைய்டுத்து கொரோனா மரணங்கள் மொத்த எண்ணிக்கை 1,36,696 ஆக உயர்ந்துள்ளது.
தமிழகத்தில் இன்று 1,430 பேருக்கு கொரோனா உறுதி - 1453 பேர் டிஸ்சார்ஜ்
மேலும் கடந்த 24 மணிநேரத்தில் 42,298 பேர் கொரோனா சிகிச்சைக்குப் பின்னர் டிஸ்சார்ஜ் செய்யப்பட்டுள்ளனர். இந்தியாவில் கொரோனா பாதிக்கப்பட்டு குணமடைந்தோர் மொத்த எண்ணிக்கை 88,02,267.
இந்தியாவில் தற்போது மொத்தம் 4,53,956 பேருக்கு கொரோனா சிகிச்சை அளிக்கப்பட்டு வருகிறது.