முத்தூட் பைனான்ஸ் குழுமத் தலைவர் எம்.ஜி.ஜார்ஜ் முத்தூட் காலமானார்!
டெல்லி: முத்தூட் பைனான்ஸ் குழுமத் தலைவர் எம்.ஜி.ஜார்ஜ் முத்தூட் டெல்லியில் இன்று மாலை காலமானார்.
எம்.ஜி.ஜார்ஜ் 2011-ம் ஆண்டு ஃபோர்ப்ஸ் ஆசியா பத்திரிகையில் இந்தியாவில் தலைசிறந்த 50 மனிதர்கள் என்ற பட்டியலில் இடம் பிடித்தார்
முத்தூட் பைனான்ஸ் குழுமத் தலைவர் எம்.ஜி.ஜார்ஜ் முத்தூட் டெல்லியில் இன்று மாலை காலமானார். அவருக்கு வயது 77. டெல்லியில் உடல்நலக்குறைவு காரணமாக எம்.ஜி.ஜார்ஜ் முத்தூட் உயிரிழந்ததாக கூறப்படுகிறது. இவர் ஆர்த்தடாக்ஸ் சர்ச்சின் முன்னாள் அறங்காவலராகவும் இருந்தார்.
எம்.ஜி.ஜார்ஜ் கேரளாவின் பத்தனம்திட்டா மாவட்டத்தில் 1949-ம் ஆண்டு நவம்பர் 2-ஆம் தேதி பிறந்தார். முத்தூட் நிதி நிறுவனம் இன்று இந்தியா முழுவதும் 4,400-க்கும் மேற்பட்ட கிளைகளுடன் பரந்து விரிந்து உள்ளது. மேலும், அமெரிக்கா, இங்கிலாந்து, ஐக்கிய அமீரகம் ஆகிய பகுதிகளும் முத்தூட் பைனான்ஸ் கிளைகள் உள்ளன.
எம்.ஜி.ஜார்ஜ் 2011-ம் ஆண்டு ஃபோர்ப்ஸ் ஆசியா பத்திரிகையில் இந்தியாவில் தலைசிறந்த 50 மனிதர்கள் என்ற பட்டியலில் இடம் பிடித்தார். 2020-ல் கேரளாவின் பெரிய பணக்காரராகவும் விளங்கினார்.