• search
டெல்லி அப்டேட்டுகளுக்கு
நோட்டிபிகேஷனை அனுமதி  

தலாய் லாமாவுக்கு பிறந்த நாள் வாழ்த்து சொல்லாத ஜனாதிபதி ராம்நாத் கோவிந்த், பிரதமர் மோடி

|

டெல்லி: கால்வன் பள்ளத்தாக்கில் இருந்து சீனா படைகள் விலகிய நிலையில் திபெத் தலைவர் தலாய் லாமாவுக்கு ஜனாதிபதி ராம்நாத் கோவிந்த், பிரதமர் மோடி உள்ளிட்டோர் பிறந்த நாள் வாழ்த்து தெரிவிக்கவில்லை. சீனாவுடனான உறவில் நல்லெண்ணத்தை வெளிப்படுத்தும் சமிக்ஞையாக இது பார்க்கப்படுகிறது.

சுதந்திர நாடாக இருந்த திபெத்தை சீனா கைப்பற்றி தமது நாட்டுடன் இணைத்துக் கொண்டது. சீனாவின் ஆக்கிரமிப்பை எதிர்த்து போராடிய நிலையில் திபெத் தலைவராக இருந்த தலாய் லாமா 1959-ம் ஆண்டு இந்தியாவில் பல்லாயிரக்கணக்கான மக்களுடன் அகதிகளாக தஞ்சம் அடைந்தார்.

எதிர் எதிரே சந்தித்த போர் கப்பல்கள்.. 13 லட்சம் சதுர மைல் சண்டை.. சீனாவை சுற்றி வளைத்த அமெரிக்கா! எதிர் எதிரே சந்தித்த போர் கப்பல்கள்.. 13 லட்சம் சதுர மைல் சண்டை.. சீனாவை சுற்றி வளைத்த அமெரிக்கா!

திபெத்தால் யுத்தம்

திபெத்தால் யுத்தம்

இந்தியாவில் தலாய் லாமாவுக்கும் திபெத்திய அகதிகளுக்கும் தாராளமான் உரிமைகளும் சலுகைகளும் வழங்கப்பட்டுள்ளன. சொந்த நாட்டை விட மிகவும் சுதந்திரமாகவே அகதிகளாக இருந்த போதும் திபெத்தியர்கள் வாழ்ந்து வருகின்றனர். திபெத் ஆதரவு நிலைப்பாட்டால்தான் இந்தியா- சீனா யுத்தமே 1962-ல் மூண்டது.

திபெத் ஆதரவில் தளர்வு?

திபெத் ஆதரவில் தளர்வு?

திபெத்தை தொடர்ந்து இந்தியா ஆதரித்து வருகிறது. கடந்த சில ஆண்டுகளாக சீனாவுடனான நல்லுறவை வளர்க்கும் வகையில் முழுமையான திபெத் ஆதரவு போக்கை தளர்த்திக் கொண்டு வருகிறது மத்திய அரசு. கடந்த 2018-ம் ஆண்டு தலாய்லாமா இந்தியாவுக்கு வந்த 60-ம் ஆண்டு நிகழ்வுகளில் பாஜக தலைவர்களோ மத்திய, மாநில அரசு அதிகாரிகளோ பங்கேற்க வேண்டாம் என மத்திய அரசு அறிவுறுத்தல் விடுத்திருந்தது.

இந்தியா சீனா உறவில் பதற்றம்

இந்தியா சீனா உறவில் பதற்றம்

இந்தியாவுக்கு நேர் எதிராக நேபாளமோ, தலாய் லாமாவின் பிறந்த நாள் கொண்டாட்டங்களுக்கே தடை விதித்து சீனா விசுவாசத்தை காட்டியது. இந்த நிலையில் தலாய்லாமாவின் 85-வது பிறந்த நாள் கொண்டாடப்பட்டது. தற்போது எல்லையில் சீனாவின் தாக்குதலில் 20 இந்திய ராணுவ வீரர்கள் வீர மரணம் அடைந்தனர். இதனால் சீனாவுடனான இந்திய உறவில் பதற்றம் உருவாகி உள்ளது.

தலாய் லாமாவுக்கு வாழ்த்து இல்லை

தலாய் லாமாவுக்கு வாழ்த்து இல்லை

அதே நேரத்தில் சீனாவுடனான பேச்சுவார்த்தைகளில் முன்னேற்றம் ஏற்பட்டுள்ளது. சர்ச்சைக்குரிய கால்வன் பள்ளத்தாக்கில் இருந்து சீனா ராணுவம் பின்வாங்கியிருக்கிறது. இந்த பின்னணியில் தலாய் லாமாவின் பிறந்த நாளுக்கு ஜனாதிபதி ராம்நாத் கோவிந்த், பிரதமர் மோடி உள்ளிட்டோர் வாழ்த்து தெரிவிக்கவில்லை. மத்திய அமைச்சர் கிரன் ரிஜ்ஜூ, டெல்லி துணை முதல்வர் சிசோடியா உள்ளிட்டோர் தங்களது சமூக வலைதளப் பக்கங்களில் வாழ்த்து தெரிவித்துள்ளனர். சீனாவை எதிர்த்துக் கொண்டிருக்கும் தைவான் நாடும் தலாய்லாமாவின் பிறந்த நாளை கொண்டாடி இருப்பது குறிப்பிடத்தக்கது.

 
 
 
English summary
No public messages by President Ram Nath Kovind and Prime Minister Narendra Modi for Dalai Lama's 85th birthday.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X