• search
டெல்லி அப்டேட்டுகளுக்கு
நோட்டிபிகேஷனை அனுமதி  
Just In

ஒன்றல்ல இரண்டல்ல.. தீயாக பரவும் மொத்தம் 9 வேரியண்ட்டுகள்! கொரோனா திடீரென அதிகரிக்க இது தான் காரணமா

Google Oneindia Tamil News

டெல்லி: இந்தியாவில் கொரோனா பாதிப்பு மீண்டும் அதிகரிக்கத் தொடங்கி உள்ள நிலையில், ஓமிக்ரான் கொரோனா வகைகள் குறித்து ஆய்வாளர்கள் சில முக்கிய தகவல்களைப் பகிர்ந்துள்ளனர்.

கடந்த 2019 இறுதியில் கொரோனா வைரஸ் முதலில் சீனாவில் கண்டறியப்பட்டது. அதன் பின்னர் உலகின் பல்வேறு நாடுகளிலும் பரவிய கொரோனா, மிக மோசமான பாதிப்பை ஏற்படுத்தியது.

சென்னைக்கு அருகே பிரம்மாண்ட விளையாட்டு நகரம்! 234 தொகுதிகளிலும் ரூ.3 கோடியில் விளையாட்டு அரங்கங்கள்! சென்னைக்கு அருகே பிரம்மாண்ட விளையாட்டு நகரம்! 234 தொகுதிகளிலும் ரூ.3 கோடியில் விளையாட்டு அரங்கங்கள்!

உலகின் எந்தவொரு நாடும் கொரோனா வைரஸ் பாதிப்பில் இருந்து தப்ப முடியவில்லை. அமெரிக்கா தொடங்கி ஆஸ்திரேலியா வரை அனைத்து நாடுகளிலும் கொரோனா வைரஸ் காரணமாக மிக மோசமாகப் பாதிக்கப்பட்டன.

கொரோனா

கொரோனா

சீனாவில் கண்டறியப்பட்ட கொரோனா வைரஸ் உலகெங்கும் முதல் அலையை ஏற்படுத்தியது. அதைத் தொடர்ந்து பிரிட்டன் நாட்டில் கண்டறியப்பட்ட ஆல்பா கொரோனா பல நாடுகளில் இரண்டாம் அலையை ஏற்படுத்தியது. இதையடுத்து டெல்டா, ஓமிக்ரான் போன்ற உருமாறிய கொரோனாவால் அடுத்தடுத்து அலைகளை ஏற்படுத்தியது. இதில் டெல்டா கொரோனா தான் இந்தியாவில் மிக மோசமான பாதிப்பை ஏற்படுத்தியது. கடந்த 2021இல் பரவிய டெல்டா கொரோனா நாடு முழுவதும் மிக மோசமான பாதிப்பை ஏற்படுத்தியது.

ஓமிக்ரான்

ஓமிக்ரான்

கொரோனா நோயாளிகளுக்கு ஏற்படும் மூச்சுத் திணறல் திடீரென அதிகரித்ததால், ஆக்சிஜன் தேவை பல மடங்கு அதிகரித்தது. சில இடங்களில் உரிய நேரத்தில் சிகிச்சை கிடைக்காமல் நோயாளிகள் உயிரிழந்த சம்பவங்களும் நடந்தன. நல்வாய்ப்பாக மூன்றாவதாகப் பரவிய ஓமிக்ரான் கொரோனா இந்தளவு பாதிப்பை ஏற்படுத்தவில்லை. ஓமிக்ரான் கொரோனா நாடு முழுதும் 3ஆம் அலையை ஏற்படுத்தினாலும், அது தீவிர பாதிப்பை ஏற்படுத்தாமலேயே இருந்தது.

 மீண்டும் ஏற்றம்

மீண்டும் ஏற்றம்

அதேபோல சில வாரங்களிலேயே ஓமிக்ரான் கொரோனா கட்டுக்குள் வந்துவிட்டது. இப்போது வேக்சின் பணிகள் தொடங்கி, பல்வேறு நடவடிக்கைகள் கொரோனா கட்டுக்குள் வந்துள்ளது. உலகம் மெல்ல கொரோனா பரவலுக்கு முந்தைய இயல்பு நிலைக்கும் திரும்பி வருகிறது. இந்தச் சூழலில் தான், இந்தியாவில் பல பகுதிகளில் வைரஸ் பாதிப்பு மீண்டும் வேகமாக அதிகரிக்கத் தொடங்கி உள்ளது. குறிப்பாக, டெல்லி மற்றும் அதைச் சுற்றியுள்ள பகுதிகளில் வைரஸ் பாதிப்பு அதிகமாக உள்ளது.

 8 வேரியண்ட்கள்

8 வேரியண்ட்கள்

இதனிடையே ஓமிக்ரான் கொரோனா மற்றும் அதன் இதர வேரியண்ட்கள் தான் வைரஸ் பாதிப்பு அதிகரிக்கக் காரணமாக உள்ளதாக வல்லுநர்கள் குறிப்பிடுகின்றனர். BA.2.12.1 தொடங்கி மொத்தம் 8 வகையான துணை வேரியண்ட்கள் இருப்பதையே காட்டுகிறது. டெல்லியில் நடத்தப்பட்ட மரபணு வரிசைமுறை சோதனைக்குப் பின்னரே, இத்தகவல்களை வல்லுநர்கள் தெரிவித்துள்ளனர். ஓமிக்ரான் BA.1 வகை வேரியண்டை காட்டிலும் BA.2 வேரியண்ட் வேகமாகப் பரவுவதாக உலக சுகாதார அமைப்பும் எச்சரித்துள்ளது.

 பாதிப்பு எந்தளவு

பாதிப்பு எந்தளவு

அதேநேரம் BA.2 வேரியண்ட் BA.1 வேரியண்ட்டை விடத் தீவிர பாதிப்பு எதையும் ஏற்படுத்துவதில்லை என்றும் ஆய்வாளர்கள் தெரிவித்துள்ளனர். உலக சுகாதார அமைப்பு இதுவரை BA.1, BA.1.1, BA.2, BA.4, BA.5 என மொத்தம் 5 ஓமிக்ரான் வகைகளைத் தீவிரமாகக் கண்காணித்து வருகின்றன. உலகின் பல நாடுகளில் வைரஸ் பாதிப்பு அதிகரிக்கத் தொடங்கி உள்ள நிலையில், ஓமிக்ரான் குறித்த ஆய்வுகள் தீவிரப்படுத்தப்பட்டு உள்ளன.

    #BREAKING மாஸ்க் அணியாவிட்டால் ரூ.500 அபராதம்!
     தலைநகர் டெல்லி

    தலைநகர் டெல்லி

    தலைநகர் டெல்லியில் கொரோனா பாதிப்பு மெதுவாக மீண்டும் அதிகரித்து வருகிறது. கடந்த புதன்கிழமை மட்டும் டெல்லியில் 1,009 பேருக்குப் புதிதாக கொரோனா பாதிப்பு கண்டறியப்பட்டு இருந்தது. கடந்த பிப்.10ஆம் தேதிக்குப் பின்னர், பதிவு செய்யப்படும் கொரோனா பாதிப்புகளில் இது தான் மிக அதிகமாகும். அதேபோல டெல்லியில் இப்போது பாசிட்டிவ் விகிதமும் 5.7%ஆகப் பதிவாகி உள்ளது.

    English summary
    Omicron variant and its sub-types are driving the surge in India: (இந்தியாவில் மீண்டும் கொரோனா வைரஸ் அதிகரிக்க ஓமிக்ரான் கொரோனா காரணம்) Reason behind surge of Coronavirus in India.
     
     
     
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X