• search
டெல்லி அப்டேட்டுகளுக்கு
நோட்டிபிகேஷனை அனுமதி  

கொரோனாவுக்கு முன்பு போல் தற்போதும் பெட்ரோல் பயன்பாடு அதிகரிப்பு!.. புட்டு புட்டு வைக்கும் புள்ளிகள்

Google Oneindia Tamil News

டெல்லி: கொரோனாவுக்கு முன்பு இருந்தது போல் தற்போது பெட்ரோல் பயன்பாடு அதிகரித்துள்ளது.

கொரோனா பரவல் காரணமாக கடந்த ஆண்டு முழு ஊரடங்கு பிறப்பிக்கப்பட்டது. நாடு முழுவதும் அமல்படுத்தப்பட்ட இந்த ஊரடங்கால் அத்தியாவசிய பணிகளைத் தவிர மற்ற வாகன ஓட்டிகள் வீட்டுக்குள்ளேயே கிடந்தனர்.

தமிழ்நாட்டில் இந்த 5 மாவட்டங்களில்.. 2 நாட்களுக்கு நல்ல மழை பெய்யும் - சென்னை வானிலை ஆய்வு மையம் தமிழ்நாட்டில் இந்த 5 மாவட்டங்களில்.. 2 நாட்களுக்கு நல்ல மழை பெய்யும் - சென்னை வானிலை ஆய்வு மையம்

மேலும் தினந்தோறும் அலுவலகத்தில் வேலைபார்த்தவர்களுக்கு வீட்டில் வேலை பார்க்கும் வசதி இருந்தால் அவர்கள் வீட்டிலிருந்தபடியே பணியாற்ற வாய்ப்பு வழங்கப்பட்டது.

இந்தியாவின் எரிபொருள்

இந்தியாவின் எரிபொருள்

இதனால் வாகன நடமாட்டம் இல்லாமல் குறைந்ததால் இந்தியாவின் எரிபொருள் தேவையானது நாள் ஒன்றுக்கு 5 லட்சம் பீப்பாய் அளவுக்கு குறைந்தது. கடந்த மார்ச் மாதம் பெட்ரோல் பயன்பாடு, கொரோனாவுக்கு முன்பு இருந்த இயல்புநிலையை நெருங்கியது. இருந்தாலும் கொரோனா இரண்டாவது அலை காரணமாக கடந்த மே மாதம் மீண்டும் எரிபொருள் பயன்பாடு குறைந்தது.

எரிபொருள் பயன்பாடு

எரிபொருள் பயன்பாடு

ஆனால் ஊரடங்கு தளர்த்தப்பட்டதால் ஜூன் மாதம் எரிபொருள் பயன்பாடு அதிகரிக்க தொடங்கியது. இந்த நிலையில் கடந்த ஜூலை மாதம் பெட்ரோல் பயன்பாடு மேலும் அதிகரித்தது. மொத்தம் 23.70 லட்சம் டன் பெட்ரோல் உபயோகிக்கப்பட்டது. இது கடந்த ஆண்டு ஜூலை மாதத்துடன் ஒப்பிடும்போது 17 சதவீதம் அதிகம்.

ஜூலை மாதம்

ஜூலை மாதம்

கொரோனாவுக்கு முன்பு அதாவது கடந்த 2019 ஆம் ஆண்டு ஜூலை மாதம் 23.90 லட்சம் டன் பெட்ரோல் விற்பனை ஆகியிருந்தது. அதே நிலையை தற்போது எட்டியுள்ளது. கடந்த மாதம் 54.59 லட்சம் டன் டீசல் விற்பனை ஆகியுள்ளது. இது கடந்த ஆண்டு ஜூலை மாதத்துடன் ஒப்பிடுகையில் 12.36 சதவீதம் அதிகம்.

தீபாவளிக்குள் விற்பனை

தீபாவளிக்குள் விற்பனை

ஆனால் 2019ஆம் ஆண்டு ஜூலை மாதத்துடன் ஒப்பிடுகையில் 10.9 சதவீதம் குறைவு. தீபாவளிக்குள் டீசல் விற்பனையும் கொரோனாவுக்கு முன்பிருந்த நிலையை எட்டும் என்று இந்திய எண்ணெய் கழக தலைவர் வைத்யா தெரிவித்துள்ளார். விமானங்கள் முழுமையாக இயக்கப்படாததால், விமான எரிபொருள் விற்பனை கணிசமாக குறைந்துள்ளது. ஆனால், சமையல் எரிவாயு பயன்பாடு, ஊரடங்கு காலத்திலும் அதிகரித்தே வருகிறது. எரிபொருள், சமையல் எரிவாயுக்களின் விலை அதிகரித்தாலும் மக்கள் அதிகளவில் பயன்படுத்துவது இந்த புள்ளிவிவரங்கள் மூலம் தெரிகிறது. இதற்கு காரணமாக இந்த கொரோனா காலகட்டத்தில் பைக், கார் மூலம் சொந்த ஊரிலிருந்து பணி செய்யும் ஊருக்கு திரும்பியிருக்கலாம்.

English summary
Petrol usage increased now like before corona. It is 12.36 % high.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X