• search
டெல்லி அப்டேட்டுகளுக்கு
நோட்டிபிகேஷனை அனுமதி  

3வது கட்ட லாக்டவுன் நடவடிக்கைகள் 4வது கட்டத்தில் தேவையில்லை.. முதல்வர்களிடம் மோடி சூப்பர் தகவல்

|

டெல்லி: கொரோனா தொற்றுக்கு எதிரான இந்தியாவின் போராட்டத்தில் முன்னேறும் பாதை குறித்து விவாதிக்க பிரதமர் நரேந்திர மோடி நேற்று நாட்டின் அனைத்து மாநிலங்கள் மற்றும் யூனியன் பிரதேசங்களின் முதல்வர்களுடன் உரையாடினார் என்று பிரதமர் அலுவலகம் தெரிவித்துள்ளது.

இந்த கூட்டத்தில் பிரதமர் நரேந்திர மோடி பேசுகையில், "இந்தியாவில் தொற்றுநோயின் புவியியல் ரீதியான மோசமான பகுதிகள் உட்பட தெளிவான அறிகுறியை நாம் இப்போது பெற்றுள்ளோம். கடந்த சில வாரங்களாக, இது போன்ற ஒரு நேரத்தில் எப்படி நடந்து கொள்ள வேண்டும் என்பதை மாவட்ட அதிகாரிகள் மட்டம் வரை புரிந்து கொண்டுள்ளனர்.

எனவே கொரோனா பரவல் குறித்த இந்த புரிதல் நாட்டிற்கு எதிராக கவனம் செலுத்த போராட இது உதவும். இதன் மூலம் , கொரோனா வைரஸுக்கு எதிரான இந்த போரில் நாம் இப்போது நாம் மேலும் கவனம் செலுத்த முடியும், அதேபோல் கொரோனா நோயாளிகள் விஷயத்திலும் கவனம் செலுத்த முடியும்.

தமிழகத்துக்கு ரூ2,000 கோடி சிறப்பு நிதி - மோடியிடம் எடப்பாடி பழனிசாமி கோரிக்கை

எச்சரிக்கை அவசியம்

எச்சரிக்கை அவசியம்

கிராமப்புறங்களுக்கு கொரோனா பரவுவதை நிறுத்த முயற்சிக்க வேண்டும். கிராமப்புறங்களில் பலர் புலம்பெயர்ந்தோர் திரும்பி வருவதால், புதிய தொற்றுநோய்களின் மூலம், குறிப்பாக கிராமப்புறங்களில் பரவுவதைத் தடுப்பதற்காக சமூக தொலைதூர வழிகாட்டுதல்களை கண்டிப்பாக நடைமுறைப்படுத்துவது, முககவசத்தை பயன்படுத்துவதில் கவனம் செலுத்த வேண்டிய அவசியம் பொருளாதாரத்தை மேம்படுத்தும் வழிகள் தொடர்பாக மாநிலங்கள் வழங்கிய பரிந்துரைகளுக்கு உரிய கவனம் செலுத்தப்பட்டுள்ளது.

கொரோனவிற்கு பின்

கொரோனவிற்கு பின்

கொரோனாவால உலகம் அடிப்படையில் மாற்றியுள்ளது என்பதை நாம் புரிந்து கொள்ள வேண்டும். இப்போது உலகப் போர்களைப் போலவே உலகமும் கொரோனாவுக்கு முன் , கொரோனாவிற்கு பின் என்பதாக இருக்கும். இதில் நாம் எவ்வாறு செயல்படுகிறோம் என்பதுதான் குறிப்பிடத்தக்க மாற்றங்களை ஏற்படுத்தும். மாநிலங்களில் லாக்டவுன் விஷயத்தில் நீங்கள் ஒவ்வொருவரும் எவ்வாறு சமாளிக்க விரும்புகிறீர்கள் என்பதற்கான ஒரு பரந்த திட்டத்தை மே 15 க்குள் நீங்கள் அனைவரும் என்னுடன் பகிர்ந்து கொள்ளுமாறு கேட்டுக்கொள்கிறேன்.

எப்படி கையாளப்போகிறீர்கள்

எப்படி கையாளப்போகிறீர்கள்

நான் உங்களிடம் கேட்டுக்கொள்கிறேன். லாக்டவுனை படிப்படியான தளர்த்தலின் போது மற்றும் அதற்குப் பிறகு பல்வேறு நுணுக்கங்களை எவ்வாறு கையாள்வது என்பது குறித்து மாநிலங்களுடன் ஒரு வரைபடத்தை உருவாக்க விரும்புகிறேன். நம் முன் எழும் பல்வேறு சவால்களைச் சமாளிக்க அனைத்தையும் உள்ளடக்கிய அணுகுமுறை நமக்கு தேவைப்படுகிறது.. மழைக்காலம் தொடங்கியவுடன், பல கொரோனா அல்லாத நோய்களின் பெருக்கம் இருக்கும். எனவே இதற்காக நாம் மருத்துவத்தையும் சுகாதார அமைப்புகளையும் வலுப்படுத்த வேண்டியதிருக்கும்.

தடுப்பூசி கண்டுபிடிக்கும் வரை

தடுப்பூசி கண்டுபிடிக்கும் வரை

லாக்டவுனை படிப்படியாக திரும்பப் பெறுவதைப் பார்க்கும்போது, ஒரு தடுப்பூசி அல்லது தீர்வைக் காணாத வரை, கொரோனா வைரஸை எதிர்த்துப் போராடுவதற்கான மிகப்பெரிய ஆயுதம் சமூக தூரம் தான் என்பதை நாம் தொடர்ந்து நினைவில் கொள்ள வேண்டும். முதல் கட்ட லாக்டவுக்கு தேவைபட்ட நடவடிக்கைகள் 2 வது கட்டத்தில் தேவையில்லை என்பதையும், இதேபோல் 3 வது கட்டத்தில் தேவையான நடவடிக்கைகள் நான்காவது கட்டத்தில் தேவையில்லை என்பதையும் நான் உறுதியாகக் கருதுகிறேன்

கூட்டு முயற்சி

கூட்டு முயற்சி

கொரோனாவிற்கு எதிரான போராட்டத்தில் ஒரு மாநிலம் கூட ஏமாற்றமடையவில்லை. நமக்கு இடையிலான, இந்த கூட்டு உறுதியானது. கொரோனாவிற்கு எதிரான போராட்டத்தில் இந்தியாவை இந்த கூட்டு முயற்சி வெற்றிபெற வைக்கும் கொரோனாவிற்கு பிந்தைய காலங்கள் இந்தியாவுக்கு பயன்படுத்த வேண்டிய வாய்ப்புகளையும் கொண்டுவருகிறது" என்றார்.

கல்வி கற்பித்தல் முறை

கல்வி கற்பித்தல் முறை

கொரோனாவிற்கு எதிரான நாட்டின் போராட்டத்தில் முதலமைச்சர்களின் பங்களிப்பு மற்றும் அவர்களின் அடிமட்ட அனுபவத்திலிருந்து வெளிவந்த அவர்களின் மதிப்புமிக்க பரிந்துரைகளுக்கு பிரதமர் நரேந்திர மோடி இந்த மாநாட்டில் நன்றி தெரிவித்தார் பிரதமர் நரேந்திர மோடி பல முதல்வர்கள் எழுப்பிய இரவு ஊரடங்கு உத்தரவு பரிந்துரைக்கப்படுவது நிச்சயமாக மக்கள் மத்தியில் எச்சரிக்கையின் உணர்வை மீண்டும் உறுதிப்படுத்தும் என்றும் கூறினார். பூட்டுதல் குறித்த குறிப்பிட்ட கருத்துக்களை அனைத்து முதலமைச்சர்களிடமும் அவர் கேட்டுக்கொண்டார். கல்வித்துறையில் புதிய கற்பித்தல் மற்றும் கற்றல் மாதிரிகளை எவ்வாறு பின்பற்றுவது என்பதையும் மனதில் கொள்ளுமாறு கொள்கை வகுப்பாளர்களை பிரதமர் மோடி கேட்டுக்கொண்டார்.

மோடி பேச்சு

மோடி பேச்சு

சுற்றுலாவைப் பற்றி குறிப்பிடுகையில், பிரதமர் நரேந்திர மோடி, உள்நாட்டு சுற்றுலாவுக்கான வாய்ப்புகளை கண்டதாகக் கூறினார், ஆனால் அதன் வரையறைகளை நாம் சிந்திக்க வேண்டும் என்றார். கொரோனாவிற்கு எதிரான நாட்டின் போராட்டத்தில் பிரதமரின் தலைமையை முதலமைச்சர்கள் பாராட்டினர், மேலும் நாட்டில் மருத்துவ மற்றும் சுகாதார உள்கட்டமைப்பை வலுப்படுத்த வேண்டியதன் அவசியத்தையும் எடுத்துரைத்தனர்.

மோடியியிடம் கோரிக்கைகள்

மோடியியிடம் கோரிக்கைகள்

வெளிநாடுகளில் சிக்கித் தவிக்கும் இந்தியர்கள் வெளிநாட்டிலிருந்து நாடு திரும்பும் போது கட்டாயத் தனிமைப்படுத்தல் அவசியம் என்பது மாநாட்டில் உறுதிப்படுத்தப்பட்டது.. சிறுகுறு மற்றும் நடுத்த நிறுவனங்கக்கான திட்டங்கள், மின்சாரம் போன்ற உள்கட்டமைப்பு திட்டங்கள், கடன்களுக்கான வட்டி விகிதங்களை தளர்த்துவது மற்றும் விவசாய விளைபொருட்களுக்கான சந்தை அணுகலை உறுதிப்படுத்துவது உள்ளிட்ட கோரிக்கைகளை பிரதமர் மோடியிடம் முதல்வர்கள் மாநாட்டில் முன்வைத்தனர். இந்த தகவல்கள் அனைத்தையும் பிரதமர் அலுவலகம் வெளியிட்டுள்ளது.

பொருத்தமான வரன் தேர்ந்தெடுக்க தமிழ் மேட்ரிமோனி - இன்றே பதிவு செய்யுங்கள , பதிவு இலவசம்!

 
 
 
English summary
PM Modi on CMs meeting: we will have to learn to live with it as this pandemic will continue for long, till a vaccine is made.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more