தன்னை விட வயதில் இளைய எம்எல்ஏவை கரம்பிடிக்கிறார் காங். எம்எல்ஏ அதிதி சிங்!
Recommended Video
டெல்லி: ராகுல் காந்தியுடன் புகைப்படம் எடுத்ததால் பிரபலம் ஆனவர் காங்கிரஸ் எம்.எல்.ஏ அதிதி சிங். இவர் மற்றொரு காங்கிரஸ் எம்.எல்.ஏவான அங்கத்தை சைனிக்கை கரம் பிடிக்கிறார்.
கடந்த 2017-ஆம் ஆண்டு உத்தரப்பிரதேச மாநிலம் ரேபரேலி தொகுதியில் காங்கிரஸ் சார்பில் போட்டியிட்டவர் அதிதி சிங் (வயது 32). இந்த தொகுதியில் சுமார் 90 ஆயிரம் வாக்குகள் வித்தியாசத்தில் வெற்றி பெற்று அதிதி சிங் எம்.எல்.ஏ. ஆனார். இவர் காங்கிரஸ் பொதுச்செயலாளர் பிரியங்கா காந்திக்கு மிகவும் நெருக்கமானவர் ஆவார்.
காஷ்மீருக்கு சிறப்பு அந்தஸ்து அளிக்கும் சட்டப்பிரிவு 370ஐ நீக்கியதற்கு காங்கிரஸ் கட்சி எதிர்ப்பு தெரிவித்த நிலையில் அதிதி சிங் ஆதரவு தெரிவித்து சர்ச்சையில்சிக்கினார். இதேபோல் கடந்த அக்டோபர் மாதம் உத்தரப்பிரதேசத்தில் பாரதிய ஜனதா அரசு நடத்திய சிறப்பு சட்டப்பேரவைக் கூட்டத்தில் கலந்துகொண்டதால் காங்கிரஸ் தலைமை அதிதிக்கு நோட்டீஸ் அனுப்பியது.
இப்படி பல சர்ச்சைகளால் பிரபலம் ஆன அதிதி சிங்(32) தன்னை விட 3 வயது இளையவரான பஞ்சாப் காங்கிரஸ் எம்.எல்.ஏ.வான அங்கத் சிங் சைனிக்கை (29வயது) கரம்பிடிக்கிறார். அங்கத் சிங் சைனிக் பஞ்சாப் மாநிலம் ஷாகித் பகத் சிங் தொகுதியில் எம்எல்ஏவாக உள்ளார்.
அர்ச்சனை செய்யாமல் தேங்காய் உடைத்ததை தட்டி கேட்ட பெண்.. அறைந்த தீட்சிதர்
இருவருக்கும் வரும் 21-ஆம் தேதி டெல்லியில் திருமணம் நடைபெற உள்ளது. இந்த ஜோடி இந்து மற்றும் சீக்கிய முறைப்படி திருமணம் செய்கிறார்கள். நவம்பர் 23ம் தேதி இரு வீட்டார் தரப்பில் திருமண வரவேற்பு நிகழ்ச்சி நடைபெற உள்ளது.
மறைந்த முன்னாள் எம்எல்ஏ அகிலேஷ் சிங்கின் மகள் தான் அதிதி சிங். அகிலேஷ் சிங் ரேபரலி தொகுதியில் ஐந்து முறை எம்எல்ஏவாக இருந்தவர் ஆவார்.