Click it and Unblock the Notifications
Don't Miss
-
அடேங்கப்பா.. ஷங்கர் மகள் திருமணத்தில் அஜித் மகள் எப்படி அழகா இருக்காரு பாருங்க.. செம பிக்ஸ்! -
ரூ1.5 லட்சம் தள்ளுபடி விலையில் குடும்பத்துடன் பயணிக்கும் எக்ஸ்யூவி 700 காரை வாங்கலாம்! வெயிட்டிங் டைமும் கம்மி -
கூகுள் சுந்தர் பிச்சை எச்சரிக்கை.. கொத்து கொத்தா ஊழியர்கள் மீண்டும் பணிநீக்கம்..! -
நிலவை நோக்கி மீண்டும்-மீண்டும் படையெடுக்கும் ISRO.. முதல் இந்தியன் நிலவில் கால் பதிக்கும் வரை ஓயாது.. -
குரு பெயர்ச்சி 2024: மே 01 முதல் இந்த 4 ராசிக்காரங்க கவனமா இருக்கணும்... உங்க ராசி இதுல இருக்கா? -
T20 WC 2024: நானும், கோலியும் தொடக்க வீரர்களா? யாரு இப்படி சொல்றாங்க.. ரோகித் சர்மா ஓபன் டாக்! -
சூப்பர் சாதனை....தொழிலாளர் நலத்துறை ஆணையரின் மகள் யுபிஎஸ்சி தேர்வில் வெற்றி -
தமிழ்நாட்டில் தேனிலவு செல்வதற்கு ஏற்ற குளிர்ச்சியான அழகான மலைவாசஸ்தலங்கள்!
ஒருவேளை பெரும்பான்மை மட்டும் கிடைக்காவிட்டால்.. பாஜகவுக்கு சிம்ம சொப்பனமாக மாறப்போவது இவர்தான்!
Recommended Video
டெல்லி: நாளை, ஒருவேளை பாஜக தலைமையிலான தேசிய ஜனநாயக கூட்டணிக்கு பெரும்பான்மை பலம் கிடைக்காவிட்டால், அப்போது அவர்களுக்கு சிம்ம சொப்பனமாக மாறப்போவது தேசியவாத காங்கிரஸ் கட்சித் தலைவர் சரத்பவார் என்ற தகவல் வெளியாகியுள்ளது.
இன்னும் 24 மணி நேரம் கூட கிடையாது. அதற்குள்ளாக வெளியாகப்போகிறது இந்தியாவின் 17வது மக்களவைத் தேர்தல் முடிவுகள்.
எக்ஸிட் போல்கள் என்னதான் தேசிய ஜனநாயக கூட்டணிக்கு பெரும்பான்மை கிடைக்கும் என்று தெரிவித்தாலும், பாஜக தலைவர்கள் பலருக்கேகூட அதில் நம்பிக்கை இல்லை என்று தெரிகிறது.
பாஜக தலைவர்கள் முயற்சி
பெரும்பான்மைக்கு குறைவான இடங்கள் கிடைக்கும்பட்சத்தில், கூட்டணி கட்சிகளை தக்கவைத்துக்கொள்ளவும், புதிய கூட்டணி கட்சிகளை கொண்டு வரவும் பாஜக தலைவர்கள் முயற்சி எடுத்து வருகிறார்கள். ஒய்எஸ்ஆர் காங்கிரஸ் கட்சியின் ஜெகன்மோகன் ரெட்டி, தெலுங்கானா ராஷ்டிரிய சமிதி தலைவர் சந்திரசேகர ராவ் உள்ளிட்டோருடன் பாஜக தலைவர்கள் தொடர்பில் இருப்பதாக கூறப்படுகிறது.
பதிலடியில் சரத் பவார்
இந்த நிலையில் பதிலடி தாக்குதலுக்கு காங்கிரஸ் மலை போல நம்பி இருக்கும் பெயர்தான், சரத்பவார். பல கட்சிகளுடனும், காங்கிரசுக்கு ஏற்கனவே பஞ்சாயத்து உள்ள நிலையில், காங்கிரசின் தூதராக செயல்பட்டு வருகிறார் சரத்பவார் என்றால் அது மிகையில்லை. கடந்த இரு நாட்களாக சரத்பவார் எப்போதும் தொலைபேசியும் கையுமாகத்தான் உட்கார்ந்துகொண்டு கூட்டணி வியூகங்களை வகுத்துக் கொண்டு இருக்கிறாராம்.
சரத்பவார் முயற்சி
பாஜக கூட்டணிக்கு பெரும்பான்மை கிடைக்காத பட்சத்தில், உடனடியாக பொதுவான கட்சிகளை தங்கள் பக்கம் இழுத்து வந்து, காங்கிரஸ் தலைமையில் கூட்டணி ஆட்சி அமைத்து விட வேண்டும் என்பதில் சரத்பவார் தீவிரமாக முனைப்பு காட்டி வருகிறார். இது தொடர்பாக ஏற்கனவே அவர் சந்திரசேகர ராவ், ஒடிசா முதல்வரும், பிஜு ஜனதா தளம் கட்சி தலைவருமான நவீன் பட்நாயக், ஆகியோருடன் தொலைபேசியில் தொடர்பு கொண்டு பேசியுள்ளார். ஜெகன்மோகன் ரெட்டியை தொடர்பு கொள்ள முயற்சித்தபோது அவரது தொலைபேசி நாட் ரீச்சபிள் என்று சொல்லியபடி இருப்பதால் இன்னும் முயற்சி செய்து கொண்டே இருக்கிறாராம்.
சிம்ம சொப்பனம்
பெரும்பான்மைக்கு குறைவான இடங்கள் கிடைக்கும் பட்சத்தில், எப்படியாவது பிற கட்சிகளை மடக்கி விட வேண்டும் என்று அமித் ஷா முயற்சி, செய்து வரும் நிலையில், பதிலடியாக சரத்பவார் காங்கிரசின் தூதராக செயல்பட்டு வருகிறார். இது பாஜக தலைவர்கள் தூக்கத்தை கெடுத்து உள்ளது. ஒருவேளை எந்த கட்சிக்கும் பெரும்பான்மை கிடைக்காத சூழ்நிலை வரும்போது, பாஜகவுக்கு சரத்பவார் சிம்ம சொப்பனமாக மாறுவார் என்று அடித்துச் சொல்கிறார்கள் அரசியல் பண்டிதர்கள்.
