சுஷ்மா சுவராஜ் ரொம்ப ஸ்மார்ட்... ப.சிதம்பரம் ஏன் இப்படி சொல்கிறார் தெரியுமா?
Recommended Video
டெல்லி: மத்திய அமைச்சர் சுஷ்மா சுவராஜ் ரொம்ப புத்திசாலி என வஞ்சப்புகழ்ச்சி செய்துள்ளார் முன்னாள் மத்திய அமைச்சர் ப.சிதம்பரம்.
மத்திய பிரதேச மாநிலம் விதிஷா தொகுதியிலிருந்து எம்.பி.யாக தேர்ந்தெடுக்கப்பட்டவர் சுஷ்மா சுவராஜ். 66 வயதாகும், சுஷ்மாவிற்கு கிட்னி பிரச்சினை இருந்து வந்தது. எனவே, அறுவை சிகிச்சை மேற்கொண்டார். சமீப காலமாக நாடாளுமன்றத்திற்கு தொடர்ச்சியாக செல்லாமல் இருந்து வருகிறார்.
நாடாளுமன்றத்திற்கு தொடர்ச்சியாக சுஷ்மா செல்வதில்லை என்பதை விமர்சனம் செய்து விதிஷா தொகுதியில் சிலர் போஸ்டர் அடித்து ஒட்டியிருந்தனர். இதுதொடர்பான நிருபர்கள் கேள்விக்கு நேற்று பதில் அளித்த சுஷ்மா சுவராஜ், வரும் லோக்சபா தேர்தலில் போட்டியிடப்போவதில்லை என்று தெரிவித்தார்.
Smt Sushma Swaraj is the Member of Parliament from Madhya Pradesh and she is smart. She has read the writing on the wall in Madhya Pradesh and announced that she will not contest the 2019 LS election
— P. Chidambaram (@PChidambaram_IN) November 20, 2018
உடல்நிலையை காரணம் காட்டி இவ்வாறு அவர் கூறியிருந்த நிலையில், முன்னாள் மத்திய அமைச்சர் ப.சிதம்பரம் ட்விட்டரில் கூறுகையில், சுஷ்மா சுவராஜ் ஸ்மார்ட். மத்திய பிரதேசத்தில் சுவற்றில் எழுதப்பட்ட வாசகங்களை படித்து பார்த்துவிட்டு, 2019 தேர்தலில் போட்டியிடப்போவதில்லை என்று முடிவெடுத்துள்ளார். இவ்வாறு கூறியுள்ளார்.
தேர்தலில் தோல்வி உறுதி என்பதால், லோக்சபா தேர்தலில் போட்டியிட போவதில்லை என்று சுஷ்மா முடிவெடுத்துள்ளதாக ப.சிதம்பரம் கிண்டல் செய்துள்ளது குறிப்பிடத்தக்கது.