பிரதமர் மோடியின் பிறந்த நாள்.. இலையில் என்ன தெரிகிறது என்று பாருங்கள்! செம்ம!
டெல்லி: பிரதமர் நரேந்திர மோடியின் பிறந்த நாளை முன்னிட்டு பலரும் வித்தியாசமான முறையில் வாழ்த்து தெரிவித்து வருகிறார்கள். அந்த வகையில் மோடிக்கு பிறந்த நாள் வாழ்த்து தெரிவித்து இலையில் வரைந்த ஓவியம் சமூக வலைதளங்களில் வைரலாகி வருகிறது.
பிரதமர் நரேந்திர மோடியின் 70வது பிறந்த நாள் இன்று நாடு முழுவதும் உற்சாகமாக கொண்டாடப்படுகிறது.. பாஜகவினர் நாடு முழுவதும் கேக் வெட்டியும், இனிப்புகள் வழங்கியும் கொண்டாடி வருகின்றனர்.
கடந்த 2014ம் ஆண்டு முதல் தொடர்ந்து ஆறு ஆண்டுகளாக பிரதமராக உள்ள நரேந்திர மோடிக்கு பல்வேறு அரசியல் கட்சி தலைவர்கள், திரையுலக பிரமுகர்கள் , பொதுமக்கள் என பலரும் வாழ்த்து தெரிவித்து வருகிறார்கள்.
ட்விட்டரில் பிரதமர் மோடியின் பிறந்த நாள் பதிவுகள் டிரெண்டிங்கில் இடம் பெற்றுள்ளது. சமூக வலைதளம் முழுவதும் மோடியை வாழ்த்தி போஸ்ட்கள் அதிக அளவில் வலம் வருகின்றன.
பிரதமர் மோடி சொன்ன 15 லட்சம் வந்திருச்சு.. தமிழ்நாட்டில் புதுசா முளைத்த மோசடி.. போலீஸ் வார்னிங்
இந்நிலையில் ட்விட்டரில் பிரதமர் மோடிக்கு பிறந்த நாள் வாழ்த்து தெரிவித்து இலையில் வரையப்பட்ட ஓவியம் பார்வையாளர்களை வெகுவாக கவர்ந்துள்ளது. ஒருசிறிய இலையை வெட்டி அதில் கலைநயத்துடன் மோடியின் உருவத்தை உருவாக்கி உள்ளார். இந்த இலையை வானத்தில் காட்டும் போது மோடியின் உருவம் தெரிகிறது. இந்த புகைப்படத்தை இதுவரை 22 ஆயிரத்துக்கும் மேற்பட்டோர் லைக் செய்துள்ளனர். 4600க்கும் மேற்பட்டோர் ரீடுவிட் செய்துள்ளனர்.