• search
டெல்லி அப்டேட்டுகளுக்கு
நோட்டிபிகேஷனை அனுமதி  

மத்திய அமைச்சரவையில் திடீரென தூக்கப்பட்ட ஹர்ஷ்வர்தன்- அமைச்சர் மா.சு.வின் டெல்லி பயணம் ஒத்திவைப்பு?

Google Oneindia Tamil News

டெல்லி: பிரதமர் மோடி தலைமையிலான மத்திய அமைச்சரவையில் இருந்து சுகாதாரத்துறை அமைச்சராக இருந்த ஹர்ஷ்வர்தன் திடீரென நீக்கப்பட்டுள்ளார். இதனால் தமிழக சுகாதாரத்துறை அமைச்சர் மா.சுப்பிரமணியனின் டெல்லி பயணம் ஒத்திவைக்கப்படலாம் என கூறப்படுகிறது.

தமிழகத்துக்கு தேவையான கொரோனா தடுப்பூசிகள் மத்திய அரசிடம் இருந்து போதுமான அளவுக்கு வந்துசேரவில்லை. இதனால் கொரோனா தடுப்பூசிகள் முகாம்கள் பல மூடப்பட்டு வருகின்றன.

ஹனிமூனுக்கு போன ரங்கசாமி.. கோவாவில் செம ஜாலி.. திடீரென சுற்றி வளைத்த போலீஸ்.. என்ன காரணம்?ஹனிமூனுக்கு போன ரங்கசாமி.. கோவாவில் செம ஜாலி.. திடீரென சுற்றி வளைத்த போலீஸ்.. என்ன காரணம்?

மா.சு.வின் டெல்லி பயண திட்டம்

மா.சு.வின் டெல்லி பயண திட்டம்

இதனால் உரிய கொரோனா தடுப்பூசிகளை மத்திய அரசு உடனே அனுப்பி வைக்க வேண்டும் என்று பிரதமர் மோடிக்கு முதல்வர் மு.க.ஸ்டாலின் கடிதம் அனுப்பி இருந்தார். இது தொடர்பாக நேரில் சந்தித்து பேச சுகாதாரத்துறை அமைச்சராக ஹர்ஷ்வர்தனிடமும் நேரம் கேட்கப்பட்டிருந்தது. இதனையடுத்து தமிழக அமைச்சர் மா. சுப்பிரமணியனை நாளை 9-ந் தேதி சந்திக்க நேரம் ஒதுக்கி இருந்தார் ஹர்ஷ்வர்தன்.

தூக்கியடிக்கப்பட்ட ஹர்ஷ்வர்தன்

தூக்கியடிக்கப்பட்ட ஹர்ஷ்வர்தன்

ஆனால் மத்திய அமைச்சர் பதவியில் இருந்து டாக்டர் ஹர்ஷ்வர்தன் திடீரென தூக்கியடிக்கப்பட்டார். அவர் நேற்று தமது அமைச்சர் பதவியை ராஜினாமா செய்தார். இந்த ராஜினாமாவை ஜனாதிபதி ராம்நாத் கோவிந்தும் ஏற்றுக் கொண்டார். புதிய சுகாதாரத்துறை அமைச்சராக மன்சுவிக் மண்டாவியா நியமிக்கப்பட்டுள்ளார்.

எதிர்க்கட்சிகள் விமர்சனங்கள்

எதிர்க்கட்சிகள் விமர்சனங்கள்

நாடு முழுவதும் கொரோனா பாதிப்பு தொடர்ந்து கொண்டிருக்கும் நிலையில் மத்திய சுகாதாரத்துறை அமைச்சர் திடீரென மாற்றப்பட்டுள்ளது பெரும் விமர்சனங்களை உருவாக்கி உள்ளது. இது தொடர்பாக மேற்கு வங்க முதல்வர் மமதா பானர்ஜி, மூத்த காங்கிரஸ் தலைவர் ப.சிதம்பரம் உள்ளிட்ட பலரும் கேள்விகளை எழுப்பியிருக்கின்றனர்.

டெல்லி பயணம் ஒத்திவைப்பா?

டெல்லி பயணம் ஒத்திவைப்பா?

இந்நிலையில் தமது டெல்லி பயணத்தை ஒத்திவைக்கலாமா? என்பது தொடர்பாக கோட்டையில் அதிகாரிகளுடன் அமைச்சர் மா.சுப்பிரமணியன் ஆலோசனை நடத்தி இருக்கிறார். இந்த ஆலோசனையில், ஏற்கனவே 9-ந் தேதி நேரம் ஒதுக்கப்பட்டிருப்பது தொடர்பாக புதிய அமைச்சர் மன்சுக் மண்டாவியாவிடம் நினைவுபடுத்தலாமா? அல்லது டெல்லி பயணத்தை தற்காலிகமாக ஒத்தி வைக்கலாமா? என விவாதிக்கப்பட்டிருக்கிறது.

அதிகாரிகள் குழு பயணமா?

அதிகாரிகள் குழு பயணமா?

அப்படி ஒருவேளை தமது டெல்லி பயணம் ஒத்திவைக்கப்பட்டால், சுகாதாரத்துறை அதிகாரிகளை டெல்லி அனுப்பி வைக்கலாம்; இந்த குழு டெல்லியில் மத்திய சுகாதாரத்துறை செயலாளர் உள்ளிட்டோரை சந்தித்து தமிழகத்துக்கான கொரோனா தடுப்பூசி தேவைகள் தொடர்பாக விரிவாக எடுத்துரைக்கலாம்; மதுரை எய்ம்ஸ் மருத்துவமனை கட்டுமானம் குறித்தும் பேசலாம் எனவும் ஆலோசிக்கப்பட்டதாம்.

English summary
Sources said that After the Union Cabinet reshuffle, Tamilnadu Health Minister Ma. Subramanian may cancel his tomorrow Delhi Visit.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X