என்ன டிவிட்டர் சார்.. ரொம்ப புதுசா இருக்கே.. இப்படிகூட ட்வீட் போடலாமா?.. சொல்லவே இல்லை!
வைரலாகி வருகிறது எழுத்துக்களே இல்லாத காலி ட்வீட்.
டெல்லி: ரொம்ப புதுசா இருக்கே.. இப்படிக்கூட ட்வீட் போடலாமா?.. சொல்லவே இல்லை!
செல்போன் வந்த புதிசில், செல் வைத்திருப்பவர்களை பலர் ஆவென வாயை திறந்து பார்த்தனர். இது ஃபேஷன் என சொல்லப்பட்டது.
பிறகு எல்லாரும் செல் வாங்க ஆரம்பிச்சிட்டோம். கடைசியில செல் வெச்சிக்காம இருக்கிறதுதான் பேஷன் என்று நினைக்கிற அளவுக்கு ஆளாளுக்கு 2, 3 செல்கள் வெச்சிக்கிட்டோம்.
உரமாகும் ட்விட்டர்
இதே மாதிரிதான் பேஸ்புக், ட்விட்டரும். எல்லாருமே அக்கவுண்ட்கள் ஓபன் பண்ணி இணையத்தையே கலக்க ஆரம்பிச்சாச்சு. அரசியல், சமூகம் உள்ளிட்ட பிரச்சனைகளுக்கு இதே பேஸ்புக், ட்விட்டர் பதிவுகள்தான் ஆதாரமாகவும், வேராகவும், உரமாகவும் இருந்து வருகிறது என்பதையும் மறுக்க முடியாது.
பயன்பாடு அதிகரிப்பு
ஆனால் ஒருசிலர் இந்த ட்விட்டர், பேஸ்புக்ல எதை எழுதுகிறது, எதை பதிவிடறது, என்ன ஷேர் பண்றதுன்னே ஒரு வரைமுறை இல்லாத அளவுக்கு இஷ்டத்துக்கும் புகுந்து விளையாட ஆரம்பித்து விட்டார்கள். அதனால் இதன் பயன்பாடு அதிக அளவில் பரவ ஆரம்பித்துவிட்டது.
அட்வான்ஸ்
ட்விட்டரில் எப்படி பார்த்தாலும் எழுத்துக்கள் இல்லாத ட்வீட் கிடையாது. எழுத்துக்கள் இருந்தால்தான் அதன் பெயர் ட்வீட்டே! ஒரு எழுத்தாவது இருக்கணும். அப்போதுதான் அதை நம்மால் அனுப்பவும் முடியும். ஆனால் இப்போது நிலைமையோ இன்னும் அட்வான்ஸ்!!
|
காலி ட்வீட்
அதாவது ஒரு எழுத்துக் கூட இல்லாமல் ட்விட்டரின் அதிகாரப்பூர்வ பக்கத்தில் ட்விட் ஒன்று போடப்பட்டுள்ளது. இந்த ட்வீட்தான் உலக அளவில் ட்ரெண்டாகி வருகிறது. இதற்கு வரவேற்பு பார்க்கணுமே... மீம்ஸ்களை அள்ளி அள்ளி விடுகிறார்கள் நெட்டிசன்கள். இந்த ஒன்னுமே இல்லாத "காலி ட்வீட்"டினை மக்கள் தெறிக்க விட்டு வைரலாகி வருகிறார்கள்.