• search
டெல்லி அப்டேட்டுகளுக்கு
நோட்டிபிகேஷனை அனுமதி  

நீ போகாதே என்னை விட்டு.. டார்லிங் .. டெல்லி ஏர்போர்ட்..இண்டிகோ செம்ம காதல் மழை!

|

டெல்லி: காதலர் தினத்தன்று டெல்லி விமான நிலையத்துக்கும், இண்டிகோ மற்றும் ஏர் இந்தியா (ஏஐ) உள்ளிட்ட விமான நிறுவனங்களுக்கும் இடையே காதல் மலர்ந்திருப்பதாகத் தெரிகிறது. ஏன் இப்படி சொல்றேன்னா, காலையில் இருந்து இவர்களின் அழும்பு டுவிட்டரில் தாங்க முடியவில்லை. என்னம்மா கொஞ்சிக்கிறாங்க..!

காதலர் தினத்தில் காதலர்கள் தான் கொஞ்சிக்கிறனுமா.. நாங்களும் கொஞ்சுவோம்ல என்ற ரீதியில் புறப்பட்டுவிட்டன விமான நிறுவனங்களும், டெல்லி விமான நிலையமும்.

இந்தியாவின் முக்கியமான விமான நிலையம் டெல்லி. இந்தியாவை தொழில் ரீதியாக மும்பை நகரை மூளை என்று சொன்னால் (பேச்சுக்கு), டெல்லியை இந்தியாவின் இதயம் என்று சொல்லாம். காதலர் தினம் பாஸ்.. அதனால் தான் இப்படி சொல்ல வேண்டியிருக்கு .. சரி விஷயத்துக்கு வருவோம். காதலின் சாட்சியாக இதயத்தை தான் சிம்பளாக சொல்கிறோம்.

சிட்டுக்குருவி போல்

சிட்டுக்குருவி போல்

அந்த வகையில் இந்தியாவின் இதயமான டெல்லியில் உள்ள விமானநிலையம் திடீரென தன்னோடு என்றும் அன்பை பரிமாறிவரும் விமானநிறுவனங்களிடையே காதல் மழை பொழிந்துள்ளது. பதிலுக்கு அனைத்து விமான நிறுவனங்களும் காதல் மழை பொழிந்திருக்கின்றன. ஒவ்வொரு நாளும் வருவதும் பறப்பதுமாக, சிட்டுகுருவிக்கும் கூட்டுக்கும் உள்ள உறவை போன்றது இந்த உறவு. இதை வார்த்தைகளால் நாமே வர்ணித்தால் எப்படி. சரி அவங்க என்னபேசிக்கிட்டாங்க என்பதை இப்போது பார்ப்போம்

என்னை விட்டு போகாதே

இன்று காலை ஒரு ட்வீட்டில், டெல்லி விமான நிலையம் இண்டிகோ ஏர்லைன்ஸுக்கு முதல் காதல் டுவிட்டை வெளியிட்டது, "ஏய்! இண்டிகோ, என் ஓடுபாதையில் இருந்து நீ ஒருபோதும் ஓட மாட்டாய் என்று எனக்கு சத்தியம் செய் (அதாங்கா.. விக்ரம் வேதாவில் வருமே... நீ போகாதே என்னை விட்டு.. என் கண்ணே.. உன் முன்னே.. என் உசுரை தவியாய் தவிக்க விட்டு விட்டு.. பாட்டை டியூன் பண்ணிக்கங்க) ! #DELlovesYou # ValentinesDay2020."

என்னை சேர்க்கும்

என்னை சேர்க்கும்

அதற்கு பதில் டுவிட் போட்ட இண்டிகோ "ஏய்! டெல்லி ஏர்போர்ட் ஓ அன்பே, உன் அன்பு ஒவ்வொரு முறையும் என்னை சரியான நேரத்தில் கொண்டு வருகிறது! (இதுக்கு எந்த பாட்டும் தேவையில்லை பாஸ்) #DELlovesYou # ValentinesDay2020 #LetsIndiGo." என பதிவிட்டுள்ளது.

குச் குச் ஹோதா ஹை

குச் குச் ஹோதா ஹை

இருவருக்கிடையேயான காதல் மழை இத்துடன் முடியவில்லை.. டெல்லி விமான நிலையம் மீண்டும் ஆரம்பித்து "என் அன்பே, இண்டிகோ, என்னிடம் பல சிறப்பான எதிர்கால திட்டங்கள் இருக்கிறது! #DELlovesYou # ValentinesDay2020." என்று கூறியுள்ளது. இதற்கு, இண்டிகோ, ஷாருக்கானின் ஹிட் திரைப்படமான குச் குச் ஹோதா ஹை பற்றி குறிப்பிட்டு "டெல்லி ஏர்போர்ட்" குச் குச் ஹோடா ஹை "என்று நீங்கள் கூறும்போதெல்லாம் #DELlovesYou # ValentinesDay2020 #LetsIndiGo." என்று பதிவிட்டுள்ளது.

அதையும் தாண்டி புனிதம்

அதையும் தாண்டி புனிதம்

டெல்லி விமான நிலையம் இண்டிகோவிற்கு அழகான பதிலைக் கொடுத்தது, "நான் உன்னைப் பற்றியே எப்போதும் நினைத்து கொண்டு இருக்கிறேன். #DELlovesYou # ValentinesDay2020." என கூறியிருந்தது. டெல்லி விமான நிலையத்திலிருந்து வந்த இந்த அன்பை ஒப்புக் கொண்ட இண்டிகோ, டெல்லி ஏர்போர்ட் உன் காதல் விவகாரம் அதையும் தாண்டியது என்று எனக்குத் தெரியும்! #DELlovesYou # ValentinesDay2020 #LetsIndiGo " என கூறியுள்ளது.

ஏர் இந்தியாவுடன் கொஞ்சல்

இண்டிகோவைத் தவிர, டெல்லி விமான நிலையம் ஏர் இந்தியா மீதான தனது பாசத்தையும் ட்வீட் செய்தது. "ஏய் ஏர் இந்தியா, நீ தான் என் முதல் விமானம் என்பதால், நீ எப்போதும் என் அன்பாக இருப்பாய்! #DELlovesYou # ValentinesDay2020," என்று அது கூறியது. அதற்கு பதிலளித்த ஏர் இந்தியா, "டெல்லி ஏர்போர்ட் உங்களிடத்தில் ஒரு சிறப்பு இடத்தைப் பெறுவது மிகவும் மகிழ்ச்சியாக இருக்கிறது" என்று கூறியது. இதைத் தொடர்ந்து, டெல்லி விமான நிலையம், "நீங்கள் எப்படி இவ்வளவு சிம்பிளாக இருக்கீங்க என்பதை நான் அறிய விரும்புகிறேன். #DELlovesYou # ValentinesDay2020" என்று ஸ்விட் பதிலை அளித்தது. இப்படியே அன்பு பரிமாறிக்கொண்டே இருந்தார்கள்.. நல்லாத்தான் இந்த காதலும் இருக்கு.. !

பொருத்தமான வரன் தேர்ந்தெடுக்க தமிழ் மேட்ரிமோனி - இன்றே பதிவு செய்யுங்கள , பதிவு இலவசம்!

 
 
 
English summary
Delhi Airport's V-Day special message to IndiGo: Promise me you'll never run away from my runway
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more