அடுத்த முதல்வர் மீண்டும் எடப்பாடி பழனிசாமிதான்... ஓபிஎஸ்-க்கு திண்டுக்கல் சீனிவாசன் நோஸ் கட்
திண்டுக்கல்: தமிழகத்தின் அடுத்த முதல்வரும் எடப்பாடி பழனிசாமிதான் என்று அமைச்சர் திண்டுக்கல் சீனிவாசன் திட்டவட்டமாக தெரிவித்துள்ளார்.
அதிமுகவில் முதல்வர் வேட்பாளர் யார் என்பது குறித்து பேச தடைவிதிக்கப்பட்டுள்ளது. இந்த விவகாரம்தான் செயற்குழுவில் பூதாகரமாக வெடித்து அடுத்த என்ன நடக்குமோ என்கிற பிரளயத்தில் நிற்கிறது.
இந்த நிலையில் திண்டுக்கல்லில் செய்தியாளர்களை சந்தித்தார் அமைச்சர் சீனிவாசன். அப்போது, தமிழகத்தின் அடுத்த முதல்வரும் எடப்பாடி பழனிசாமிதான் என திட்டவட்டமாக கூறினார்.
மேலும் அதிமுகவில் முதல்வர் வேட்பாளர் யார் என்ற பிரச்சனையே கிடையாது எனவும் அடித்துச் சொன்னார் திண்டுக்கல் சீனிவாசன். சென்னையில் முதல்வர் எடப்பாடி பழனிசாமி பங்கேற்ற நிகழ்ச்சிக்கு ஓபிஎஸ் ஏன் வரவில்லை என்ற கேள்விக்கு அவருக்கு வேற வேலைகள் இருந்தன என பட்டும்படாமலும் பதில் கூறினார் திண்டுக்கல் சீனிவாசன்.
எனக்கு ஒரு முடிவு தெரிஞ்சாகனும்.. ஈபிஎஸ்-க்கு ஓபிஎஸ் கொடுத்த அவகாசம்தான் நாளை பிரஸ் மீட் மிரட்டலாம்!
அடங்காத அலைகள்!