• search
ஓசூர் அப்டேட்டுகளுக்கு
நோட்டிபிகேஷனை அனுமதி  

"ஒன்னு சொல்றேன்.. நாசமாதான் போவீங்க".. ஓசூரில் நின்று சாபம் விட்ட சீமான்.. மிரண்டு போன கட்சிகள்!

|

ஓசூர்: 'ஒன்னு சொல்றேன்.. மறுபடியும் இரட்டை இலை, உதயசூரியனுக்கு ஓட்டு போட்டால், நாசமாகத்தான் போவீங்க" என்று நாம் தமிழர் கட்சி ஒருங்கிணைப்பாளர் சீமான் பிரச்சாரத்தில் காட்டமாக முழங்கினார். பேசினார்.

சீமான் தன்னுடைய பிரச்சாரத்தை தொடங்கி உள்ளார்.. தன் கட்சி வேட்பாளர்களை ஆதரித்து வாக்கு சேகரித்து வருகிறார்.. செல்லும் இடமெல்லாம் சீமானின் பேச்சுக்கு மக்கள் கைகளை தட்டி வரவேற்பு தெரிவித்து வருகின்றனர்.

அதேபோல சீமானும், தன்னுடைய பேச்சில் அதிமுக, திமுகவை சரமாரியாக விமர்சித்து வருகிறார். கிருஷணகிரி மாவட்டத்தில் பல்வேறு பகுதிகளில் நேற்றும் பிரச்சாரம் மேற்கொண்டார்.

 கழக ஆட்சிகள்

கழக ஆட்சிகள்

அப்போது அவர் சொல்லும்போது, "கழக ஆட்சிகளை, கட்சிகளை முழுதுமாக அப்புறப்படுத்தாமல், நாட்டு மக்களை வாழ வைக்க முடியாது... தமிழக அரசிற்கு உள்ள, 6 லட்சம் கோடி கடனை யார் தள்ளுபடி செய்வது என்ற கேள்விக்கு இப்போ வரைக்கும் பதில் இல்லை... ஊழல் மிகவும் குறைவாக உள்ள நாடு டென்மார்க். அதற்கு காரணம் வெளிப்படை நிர்வாகம்.. அந்த மாதிரிதான் நாங்கள், தமிழகத்திலும் வெளிப்படை நிர்வாகத்தை கொடுக்க விரும்புகிறோம்.

கல்வித்தரம்

கல்வித்தரம்

கல்வியில் சிறந்த நாடாக தென்கொரியா உள்ளது. அந்த நாட்டை தாண்டி, தமிழகத்தின் கல்வி தரத்தை உயர்த்த வேண்டும்... தரமான கல்வி, மருத்துவத்தை இலவசமாக வழங்குவோம். கல்வி, மருத்துவம், குடிநீர் வினியோகம் ஆகியவற்றை தனியாருக்கு தாரை வார்த்து கொடுத்து உள்ளது.. இப்போதைய ஆட்சி யாளர்களின் பொருளாதார கொள்கை முடிவு.

 இரட்டை இலை

இரட்டை இலை

முதல்வர், அமைச்சர், எம்எல்ஏ, எம்பி அரசு அதிகாரிகள் குழந்தைகள், அரசு பள்ளிகளில் படிக்க வேண்டும்.. அரசு மருத்துவமனையை பயன்படுத்த வேண்டும் என்று நாங்கள் சட்டம் கொண்டு வருவோம்... எங்களை நம்பி, ஓட்டு போட்டால் நீங்கள் நல்லா இருப்பீங்க.. ஆனால், மறுபடியும் இரட்டை இலை, உதயசூரியன் என்றால் நாசமாக போவீங்க..

 தமிழர்கள்

தமிழர்கள்

திராவிட அரசியல் என்பது, திராவிட கோட்பாடு என்பது தமிழர்களை சாதி, மதம் என பிளந்து, பிளவுபட்டு ஆளுவது.. ஆனால், தமிழ் தேசிய அரசியல் என்பது சாதி, மத பிளவுகளை இணைத்து, ஒன்றுபட்டு, ஒன்றுதிரட்டி, அரசியல் வலிமை பெற்று, அதிகாரத்தை கைப்பற்றி ஆளுவது.. இது ரண்டுத்துக்கும் வேறுபாடு இருக்கு.. கட்சி வேற வேற கட்சிதான்.. கோட்பாடு ஒன்றுதான், கொள்கை ஒன்றுதான்.

 அதிமுக

அதிமுக

திமுகவில் எந்த இடத்தில் அதிமுக கொள்கை மாறுபடுகிறது? அதிமுகவில் இருந்து திமுக எந்த இடத்தில் மாறுபடுகிறது? இங்கியும் ஊழல், அங்கியும் ஊழல்.. இங்கியும் லஞ்சம், அங்கியும் லஞ்சம்.. இங்கியும் திருட்டு, அங்கேயும் திருட்டு.. இங்கியும் இருட்டு, அங்கேயும் இருட்டு.. இங்கியும் டாஸ்மாக், அங்கியும் டாஸ்மாக், அதனால ரெண்டு கட்சியும் இதுவரை பாஸ்மார்க்..!

சிந்தனை

சிந்தனை

அப்போ இந்த கருத்தியலுக்கு மாற்று தமிழியம்தான், தமிழ்தேசிய அரசியல்தான்.. தயவுசெய்து இந்த முறை, இந்த முறை மட்டும் பழகிடுச்சுன்னு சொல்லாதீங்க.. சிந்தனையை மாற்றி பாருங்கள்.. இந்த முறை விவசாய சின்னத்துக்கு ஓட்டு போட்டு பாருங்கள்" என்றார்.

English summary
Seeman Election campaign in Krishnagiri Constitution
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X