• search
For Quick Alerts
ALLOW NOTIFICATIONS  
For Daily Alerts
Just In

40 வருடங்களில் இல்லாத பெரும் வீழ்ச்சி.. 2020 - 2021 நிதியாண்டில் இந்திய ஜிடிபி -7.3 % ஆக சரிவு

Google Oneindia Tamil News

டெல்லி: 2020- 2021ஆம் நிதியாண்டில் இந்திய பொருளாதாரம் -7.3 சதவீதம் சரிந்துள்ளது. 40 வருடங்களில் இல்லாத சரிவாகும் இது.

கொரோனா காரணமாக இந்தியாவின் ஜிடிபி தொடர்ந்து சரிவை சந்தித்து வருகிறது. 2020-2021 முதல் மூன்று காலாண்டுகள் மோசமான சரிவை சந்தித்தது. லாக்டவுன் காரணமாகவும், கொரோனா பாதிப்பு, மத்திய அரசின் பொருளாதார கொள்கைகள் காரணமாக இந்தியாவின் ஜிடிபி தொடர்ந்து சரிந்து வருகிறது.

Indias GDP Contracts 7.3% In FY21, Worst in last 40 years

முன்னதாக 2020-21ஆம் நிதியாண்டில் முதல் காலாண்டில் கொரோனா தொற்று மற்றும லாக்டவுன் காரணமாக நாட்டின் பொருளாதாரம் -24.37 சதவீதம் வரையில் சரிந்தது. 40 வருடங்களில் இதுதான் மோசமான வீழ்ச்சி.

அதன்பின் சரிவில் இருந்து ஜிடிபி கொஞ்சம் கொஞ்சமாக மீண்டது. ஆனாலும் பெரிய அளவில் பொருளாதாரம் முன்னேற்றம் அடையவில்லை. இந்திய ஜிடிபி ஜூலை - செப்டம்பர் காலாண்டில் -7.5% ஆக இருந்தது. அதன்பின் அக்டோபர் - டிசம்பர் காலாண்டில் ஜிடிபி 0.4% ஆக இருந்தது. அதிகாரபூர்வ டெக்னிக்கல மந்தநிலையில் இருந்து இந்தியா இந்த காலாண்டில்தான் மீண்டும்.

இந்த நிலையில் தற்போது மத்திய புள்ளிவிவர அலுவலகம் வெளியிட்டு இருக்கும் ஜிடிபி அறிக்கையின்படி, ஜனவரி - மார்ச் காலாண்டில் நாட்டின் பொருளாதாரம் 1.6 சதவீதம் வளர்ச்சி ஆக உள்ளது. மொத்தமாக 2020 - 2021ஆம் நிதியாண்டில் இந்திய பொருளாதாரம் -7.3 சதவீதம் சரிந்துள்ளது.

கடந்த 2019-20ஆம் நிதியாண்டில் நாட்டின் ஜிடிபி அளவு 4 சதவீதம் வரையில் சரிந்த 11 வருட பதிவு செய்தது. தற்போது அதைவிட மிக மோசமான சரிவை ஜிடிபி சந்தித்துள்ளது. 40 வருடங்களில் இல்லாத சரிவாகும் இது.

2021ஆம் நிதியாண்டில் 8 முக்கிய துறைகள் மொத்த வளர்ச்சி -6.5 சதவீதமாக உள்ளது. 2020- 2021 நிதியாண்டில் இந்தியாவின் நிதி பற்றாக்குறை 9.3% ஆக உள்ளது.

English summary
India's GDP Contracts 7.3% In FY21, Worst in last 40 years of GDP.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X