ஜம்மு காஷ்மீர் மாவட்ட வளர்ச்சி கவுன்சில்- 37 தொகுதிகளில் 5ம் கட்ட தேர்தல்

ஶ்ரீநகர்: ஜம்மு காஷ்மீர் மாவட்ட வளர்ச்சி கவுன்சிலில் 37 தொகுதிகளில் 5-ம் கட்ட தேர்தல் இன்று காலை 7 மணி முதல் நடைபெற்று வருகிறது. இந்த வாக்குப் பதிவு பிற்பகல் 2 மணிவரை நடைபெறும்.

ஜம்மு காஷ்மீர் யூனியன் பிரதேசமாக்கப்பட்ட நிலையில் மாவட்ட வளர்ச்சி கவுன்சில் தேர்தல் நடைபெற்று வருகிறது. இன்று 37 தொகுதிகளில் 5-ம் கட்ட தேர்தல் நடைபெற்று வருகின்றன.

இதில் ஜம்மு பிராந்தியத்தில் 20 தொகுதிகளும் காஷ்மீரில் 17 தொகுதிகளும் அடங்கும். காஷ்மீரில் மொத்தம் 30 பெண்கள் உட்பட 155 வேட்பாளர்கள் களத்தில் உள்ளன. ஜம்முவில் 40 பெண்கள் உட்பட 144 பேர் வேட்பாளர்கள்.

தேர்தல் அறிவிக்கப்பட்ட 125 சார்பஞ்ச் இடங்களில் 30 பேர் போட்டியின்றி தேர்வு செய்யப்பட்டுள்ளனர். 5-ம் கட்ட தேர்தலில் மொத்தம் 8,27,519 பேர் வாக்காளர்கள். ஜம்முகவில் 4,39,529 பேரும் காஷ்மீர் பிராந்தியத்தில் 3,87.990 பேரும் வாக்காளர்கள்.

இந்த தேர்தலில் பாஜக, எதிர்க்கட்சிகளை உள்ளடக்கிய குப்கர் பிரகடனத்துக்கான மக்கள் நலக் கூட்டணி மற்றும் ஜம்மு- காஷ்மீர் பிராந்திய கட்சிகள் போட்டியிடுகின்றன.

English summary

5th phase of DDC Polls voting in Jammu Kashmir begins today morning 7 am.