இரு "டிரைவர்கள்".. ஒருவர் கியர் போட.. இன்னோருவர் ஸ்டியரிங்கை இயக்க.. இதெப்படி கீது!?

பெங்களூர்: கர்நாடக பேருந்து ஒன்றில் ஸ்டியரிங் மேல் குரங்கு அமர்ந்து கொண்டு அதை இயக்கிய காட்சிகள் இணையதளத்தில் வேகமாக பரவி வருகிறது.

கர்நாடக மாநில அரசு பேருந்து ஒன்று சென்று கொண்டிருந்தது. அப்போது ஓரிடத்தில் நின்ற போது அதில் குரங்கு ஒன்று ஏறிவிட்டது. மேலும் டிரைவர் இருக்கைக்கு அருகே உள்ள ஸ்டியரிங் மீது குரங்கு அமர்ந்திருந்தது.

அப்போது டிரைவர் எவ்வளவு விரட்டியும் அந்த குரங்கு அந்த இடத்தை விட்டு நகரவில்லை. இதனால் டிரைவர் கியரை போடுவதும் குரங்கு ஸ்டியரிங்கை திருப்புவதுமாக இருந்தது. ஒரு கட்டத்தில் டிரைவரும் இப்படி திருப்பு, அப்படி திருப்பு என கூறுவதும் ஆனால் குரங்கோ அது இஷ்டத்துக்கு திருப்பியதும் பயணிகளை அச்சப்படுத்தியது.

இந்த வீடியோ சமூகவலைதளங்களில் வைரலாகியது.

English summary

A video has emerged from Karnataka where a monkey can be seen holding the steering wheel of a running KSRTC bus