• search
For Quick Alerts
ALLOW NOTIFICATIONS  
For Daily Alerts

நமது "பக்கத்து வீட்டில்" ஒரு குட்டி பூமி கண்டுபிடிப்பு..!

|

டெல்லி: சூரியக் குடும்பத்திற்கு அருகே புதிய பூமி போன்ற கிரகத்தை விஞ்ஞானிகள் கண்டுபிடித்துள்ளனர். சூரியனுக்கு அருகே உள்ள பிராக்ஸிமா சென்டாரி என்ற செந்நிற குள்ள நட்சத்திரத்தை இது சுற்றி வருவதும் கண்டுபிடிக்கப்பட்டுள்ளது.

பாறைகள் நிறைந்த கிரகமாக இது அடையாளம் காணப்பட்டுள்ளது. இது பார்ப்பதற்கு கிட்டத்தட்ட பூமி போலவே உள்ளதாம். சூரியக் குடும்பத்திற்கு வெளியே, நமக்கு வெகு அருகே உள்ள கிரகம் ஒன்றை விஞ்ஞானிகள் கண்டுபிடித்திருப்பது இதுவே முதல் முறையாகும்.

A new planet near Solar Family found

இது சிறிய கிரகம்தான். முற்றிலும் நமது கிரகம் போல னஎன்று கூறி விட முடியாது. அதேசமயம் நமது பூமியின் சாயல் உள்ளதாம். ஏற்கனவே பிராக்ஸிமா மீது விஞ்ஞானிகளுக்கு ஒரு சந்தேகம் இருந்து வந்தது. அதாவது இந்த நட்சத்திரமானது ஒரு சூரியனைப் போல செயல்படுவதாகவும், இதை ஒரு கிரகம் சுற்றி வந்து கொண்டிருக்கலாம் என்ற சந்தேகம் விஞ்ஞானிகளுக்கு இருந்தது. தற்போது அந்த சந்தேகம் உறுதியாகியுள்ளது.

இதுவரை கிடைக்காமல் இருந்து வந்த ஆதாரம் தற்போது கிடைத்துள்ளது. பிராக்ஸிமா சூரியனைப் போல செயல்படுவதும், அதைச் சுற்றி சிறிய கிரகம் சுற்றி வருவதும், அது பூமியைப் போல இருப்பதும் உறுதிப்படுத்தப்பட்டுள்ளது. நமது சூரியக் குடும்பத்திற்கு அப்பால் பிராக்ஸிமா போல ஆயிரக்கணக்கான, கோடிக்கணக்கான குட்டி குட்டி நட்சத்திரங்கள் உள்ளன. இருப்பினும் நமது சூரியக் குடும்பத்திற்கு வெகு அருகே நம்மைப் போன்ற ஒரு கிரகம் கண்டுபிடிக்கப்பட்டிருப்பது இதுவே முதல் முறையாகும்.

இங்கு உயிரினங்கள் இருக்கின்றனவா என்று தெரியவில்லை. இப்போதைக்கு நமது சாயல் இருந்தாலும் கூட அங்கு நம்மைப் போல யாரேனும் இருப்பார்களா என்ற ஆர்வமும் அதிகரித்துள்ளது. இதுகுறித்து விண்வெளி ஆய்வாளர் லிசா கால்டெனகர் கூறுகையில், இது நமக்கு வெகு அருகில் உள்ள கிரகம் என்பது மகிழ்ச்சி தருகிறது. ஆச்சரியம் தருகிறது. விரிவான ஆய்வுகள் தேவைப்படுகிறது என்றார்.

சூரியனிலிருந்து 4.25 ஒளி ஆண்டுகள் தொலைவில்தான் உள்ளது பிராக்ஸிமா என்பது குறிப்பிடத்தக்கது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
A new Earth like tiny planet has been found near Solar Family. It is rocky and looks like our Earth.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more