நடிகை ரம்யாவுக்கு மீண்டும் சீட்.. பெங்களூர் தெற்கில் நந்தன் நிலகேனி போட்டி
பெங்களூர்: காங்கிரஸ் கட்சியின் கர்நாடக மாநில முதல் வேட்பாளர் பட்டியல் வெளியிடப்பட்டுள்ளது.
தற்போது மாண்டியா தொகுதி எம்.பியாக உள்ள நடிகை ரம்யா மீண்டும் சீட் கொடுக்கப்பட்டுள்ளார். மீண்டும் அதே தொகுதியில் அவர் போட்டியிடவுள்ளார்.
அதேபோல இன்போசிஸ் நிறுவன முன்னாள் தலைவரும், ஆதார் அட்டை திட்ட தலைவராக இருந்தவருமான நந்தன் நிலகேனியும் காங்கிரஸ் சார்பில் போட்டியிடுகிறார். அவரை பெங்களூர் தெற்கு தொகுதியில் காங்கிரஸ் களம் இறக்கியுள்ளது.
14 தொகுதிகளுக்கு
கர்நாடகத்தில் முதல் கட்டமாக 14 தொகுதிகளுக்கான வேட்பாளர்களை அறிவித்துள்ளது காங்கிரஸ்.
8 பேருக்கு மீண்டும் சீட்
இதில் 8 பேருக்கு மீண்டும் சீட் கொடுத்துள்ளது காங்கிரஸ் கட்சி. மொத்தம் கர்நாடகத்தில் 28 எம்.பி தொகுதிகள் உள்ளன.
கார்கேவுக்கு குல்பர்கா
மத்திய அமைச்சர்கள் மல்லிகார்ஜுன கார்கே குல்பர்காவிலும், கேஎச்.முனியப்பா கோலார் தொகுதியிலும் போட்டியிடுகிறார்கள்.
பெங்களூர் தெற்கில் நிலகேனி
பெங்களூர் தெற்கு தொகுதியில் நந்தன் நிலகேனியும், மைசூரில் விஸ்வநாத்தும், பீதரில் தரம்சிங்கும் போட்டியிடுகின்றனர்.
மாண்டியாவில் ரம்யா
மாண்டியாவில் நடிகை ரம்யாவுக்கு மீண்டும் சீட் தரப்பட்டுள்ளது.